Epesu 4:4 - Sura Malelaha

⁴ Ikita ope-ope au mepoinalai i Yesu Kerisitu, nodo peake hawata-wata, hai hadua pea Inao Malelaha au mampaidaike. Hai himbela wori peharunganta ope-ope, lawi nakakiomoke Pue Ala mewali anaNa.

Epesu 4:4 Mawu Ofanana

Matiu 28:19

Mewali, laomokau i humalele dunia, nipopewalihe ope-ope tauna topeulaNgku, niriuhe i lalu hangana Uma hai Ana hai Inao Malelaha

Suro 15:11

Tapoinalai molambike katuwo maroa bara anti pampeulainta parenta hai palia au nodo, agaiana anti kabulana laluna Pue Yesu. Nodo wori ihira.”

Roma 11:29

Lawi ane Pue Ala mopilei hai mowati tauna, pewatiNa iti bara ina Nadii hule.

1 Korintu 10:17

Lawi haogu pea roti au rakira-kiraake, hai taande. Lempona, ikita au bosa ide mewalimoke hawata-wata hai Kerisitu.

1 Korintu 12:20

Mewali, ngkaia ngaana watanta, agaiana hambua pea wata.

2 Korintu 11:4

Arahe guru agama i olomi au mopaturokau kana i Yesu, agaiana paturonda bara himbela hai apa au kipaturoakau. Ane paturonda bara himbela hai paturongki, moapari hai niunde mampehadingi lolitanda? Niunde pae modoko inao ntanina au mosisala hai Inao Malelaha au nidokomi? Niunde pae modoko bambari au mosisala hai Ngkora Marasa au nipoinalaimi? Halalu, inee nodo.

Epesu 1:18

Kuperapi Pue Ala ina mopamanoto lalumi bona niisa apa au peisa taharunga hangko i kanakakionta Pue Ala mewali anaNa, hai ina Niisa wori noumba kamahilena sosora au Napasilolongaahe tauna au Napoana,

Epesu 2:16

Anti kapateNa i kau mombehape, Kerisitu mopahintuwu to Yahudi hai tauna au barahe to Yahudi. Hai hangko inditi, Napahintuwumoke ope-ope hai Pue Ala, alana tunami posisala iti.

Epesu 2:18

I lalu pohintuwuta hai Kerisitu, peisake hungku i Pue Ala Umanta, maroa ikami to Yahudi, maroa ikamu au barakau to Yahudi. Peisake hungku i Pue Ala anti kuasana Inao Malelaha.

Epesu 2:22

Hai ikamu wori halalu au barakau to Yahudi, anti pohintuwumi hai Kerisitu, raaro sambelamokau hai ope-ope tauna au mepoinalai i Kerisitu. Hai mewalike haogu sou au napaidai Pue Ala i lalu kuasana Inao Malelaha.

Epesu 4:1

Halalu, nihadimi ope-ope paturongku. Ide iko, au ratarunggu anti pobagongku i Pue Ala, kuperapi mpuu irikamu bona mobabehikau apa au hintoto rababehi anana Pue Ala, lawi Nakakiomokau mewali anaNa.

Epesu 5:30

Ia mokadipurake lawi ikita au mepoinalai Iria mewalimoke hangkira hangko i WataNa.

Kolose 1:5

Pepoinalaimi hai ahimi maroho, lawi meharunga mpuukau i apa au Napasilolongaakau Pue Ala i suruga, nodo au nihadimi i lalu paturo au tou au rapahaweamokau, iami, Ngkora Marasa.

Kolose 3:15

Pue Ala mokakiokau hai Napopewalikau hawata-wata anti pohintuwumi hai Kerisitu. Mewali, nipakaroho liliu kahintuwumi au hangko i Kerisitu. Hai niuli liliu ngkaia kamaroana i Pue Ala.

2 Tesalonika 2:16

Pue Ala motudungiake ahiNa, hai mopakaroho lalunta hawe i hae-haena, hai Naweike peharunga au maroa anti kabulana laluNa. Ido hai mekakaengkai i Amputa Yesu Kerisitu hai Pue Ala Umanta bona Napakaroho hai Napatetida lalumi bona maroa ope-ope lolitami hai babehiami.

1 Timotiu 1:1

Sura ide hangko iriko Paulu, surona Kerisitu Yesu. Mewalina suroNa moula hawana Pue Ala au mohoremake hangko i huku dosanta, hai moula hawana Kerisitu Yesu au mewali peharunganta.

Titu 1:2

Ido hai taharunga kaina molambita katuwo maroa au bara mokahopoa, nodo au nadandiake Pue Ala hangko damani dunia ide Napopewali. Hai Pue Ala bara modongko.

Titu 2:13

Lawi ide-ide, tanganta mampegia alo pewalina apa au taharunga, iami alo au buke katana-tana. I tempo iti, ope-ope tauna ina moita kuasana Pue Ala au mahile tuwoNa, hai Datu Topehoremanta, iami Yesu Kerisitu.

Titu 3:7

Tunggaiana Pue Ala mobabehi nodo irikita bona hangko i kabulana laluNa, Naimbamoke tauna au manoto bona molambike katuwo maroa au bara mokahopoa, nodo au Nadandimi i ope-ope tauna au Napoana.

1 Peturu 1:21

Anti kahaweNa, ido hai mepoinalaikau i Pue Ala au mopatuwo hule Yesu hangko i kapate hai mowei katuwo mahile Iria, alana mepoinalaikau hai meharungakau i Pue Ala.

1 Yohane 3:3

Hai ope-ope tauna au moharungahe iti hangko i Kerisitu, ina mopakaraohe hinangka dosa hangko i watanda bona malelaha tuwonda nodo kamalelahana Kerisitu.