Epesu 4:15 - Sura Malelaha

¹⁵ Agaiana ina tapatongawa paturo au tou hangko i lalunta au buke ahi, bona i paka-pakana, kamahae-haea kanoto-notoake duuna mewalike nodo Kerisitu, au mewali Tadulakonta.

Epesu 4:15 Mawu Ofanana

Yohane 1:47

KamoitaNa Natanael mai mepohidupaa, mololitami Yesu kana i Natanael, Nauli, “Olou mai hadua to Isaraeli ntepuu, ia bara topodongko!”

Roma 12:9

Nipokaahi rangami hangko i kabulana lalumi, nikaraohi babehia au kadake, hai nibabehi au maroa.

1 Korintu 11:3

Agaiana ara hampaka au hangangaa kupopaingaakau, Kerisitu mewali tadulakonda ope-ope tobalilo. Hai tobalilo mewali tadulakonda towawine. Hai Pue Ala mewali tadulakona Kerisitu.

2 Korintu 4:2

Kikaraohi hinangka babehia au mepakaea; bara ara au kiwuwuniangi; barangkai mopakanawo tauna, barangkai mobaliki tunggaiana Ngkorana Pue Ala. Kipahawe pea apa au tou i kanoto-notoana bona ope-ope tauna mopangaku katouna bambari au kianti. Napetirongkai Pue Ala!

2 Korintu 8:8

Au kuuliangaakau ide bara nodo parenta. Tunggaiaku bona kupopaisaakau noumba kamahilena ahinda to Makedonia mokira doi petulunginda i ranganda. Hai hangko inditi, peisa kuita noumba kamahilena ahimi.

Epesu 1:22

Pue Ala mampopengkoru hinangkana i Kerisitu, hai moangka Kerisitu mewali Tadulako au moparenta ope-ope tauna au mepoinalai Iria.

Epesu 1:4

Hangko damani dunia rapopewali, Napileimoke Pue Ala mohintuwu hai Kerisitu bona mewalike taunaNa au malelaha au bara ara kamasalanta i peitaNa.

Epesu 2:21

Ikita au mohintuwu hai Yesu nodoke parewa sou au raaro i wongko watu au maroho bona meangka haogu sou au malelaha au hintoto napaidai Pue Ala.

Epesu 4:25

Mewali halalu, nitendemi dongko. Nipololitami apa au tou i hangka rangami, lawi ikita ope-ope hangkirake hangko i Watana Kerisitu.

Epesu 5:23

Lawi tobalilo mewali tadulako i towawinena nodo Kerisitu mewali tadulako i jumaa, hai Ia haduduana au mohorema jumaa au mewali wataNa.

1 Peturu 1:22

Ide-ide, malelahamokau anti pampeulaimi paturo au tou, ido hai niisami mampokaahi halalumi hampepepoinalai i katou-touana. Mewali kuweikau lolita bona mombepokaahikau hadua hai hadua hangko i lalumi mpuu.

1 Peturu 2:2

Nodo hadua analei au hangko mesupa mampeinao peami mentomi irinana, ikamu wori hangangaa mohaoki liliu peamokau paandena tanoanami, iami Ngkorana Pue Ala. Hangangaa nipailalu Ngkorana Pue bona kamaroho-rohoa lalumi hai kamanoto-notoari pekirimi alana molambikau katehorema.

2 Peturu 3:18

Hangko i kabulana laluna Amputa Yesu Kerisitu hai kanoto lalu au Naweikau, hangangaa nipakaroho peulami Iria au mohoremake hangko i huku dosanta. Tatoiami Amputa mepongka ide-ide hawe i hae-haena. Amin. Hangko iriko, PETURU

1 Yohane 3:18

Anangku, inee peake maahi hai lolitanta. Agaiana hangangaa tapatongawa kamaahinta i lalu babehianta, lawi itimi ahi au tou.