Epesu 2:7 - Sura Malelaha

⁷ Tunggaiana Pue Ala bona i alo au ina mai, ina Natudungiake kamahilena ahiNa hai kamaroana laluNa au tahumba hangko i pohintuwuta hai Kerisitu Yesu.

Epesu 2:7 Mawu Ofanana

Roma 2:4

Tou, laluna Pue Ala maroa, sabara hai mahile ahiNa. Agaiana inee nauli lalumi, “Barake paraluu mobaliki babehianta au kadake.” Nikatuinao, halalu tunggaiana kamaroana laluna Pue Ala bona tepakakau mampenosoi dosami.

Epesu 1:7

Hai wahena Pue Yesu au mabubu i kapateNa, tehompokimoke hangko i huku dosanta, lempona naampungimi Pue Ala hinangka dosanta, hangko i kabulana laluNa au mahile.

Epesu 2:4

Agaiana Pue Ala au buke kamaahi. Anti kamaroana laluna au Nakiraiaamoke.

Epesu 3:21

Ido hai hintoto mpuu Pue Ala tapomahile anti kamaroana Kerisitu Yesu irikita au mepoinalai. Tetoiami Pue Ala mepongka ide-ide hawe i hae-haena. Amin.

Epesu 3:5

Hangkoia, tunggaiaNa iti bara mani Napatongawa i manusia. Agaiana tunggaia iti ide-ide napatongawami Inao Malelaha irikami suroNa hai nabi-nabiNa au malelaha.

2 Tesalonika 1:12

Tunggaiaki mekakae bona anti babehiami au maroa iti, hangana Yesu Amputa rapomahile, hai bona ikamu napomahile worikau Pue Yesu. Ope-ope iti hangangaa mewali anti kabulana laluna Pue Ala Umanta hai Pue Yesu Kerisitu.

Titu 3:4

Nauri nodo kakadakena babehianta, agaiana Pue Ala mia-mia mampokakaiake hai Napopaitaamoke kamaroana laluNa i kaNahoremanta hangko i huku dosanta.

1 Peturu 1:12

Hai Pue Ala mampopaisaahe nabi-nabi hangkoia barahe mopahawe bambari kana i watanda haduduanda. Agaiana ikamuri au ratunggai. Hai ide-ide, apa au rapahawe nabi-nabi hangkoia, rapahawemi i kanoto-notoana irikamu, lawi aramohe tauna au mopahaweakau Ngkora Marasa melempo i kuasana Inao Malelaha au hangko i Pue Ala. Mogalori malaeka, mampeinao worihe moisa kana i katuwo maroa au nihumba iti.