Epesu 2:3 - Sura Malelaha

³ Hangkoia, ikita ope-ope nodo wori babehianta. Moula peake peundeana lalunta hai pekirinta au kadake. Nodo ihira, i tempo iti ikita hintoto worike nakarumpui Pue Ala anti babehianta au kadake.

Epesu 2:3 Mawu Ofanana

Markus 4:19

agaiana mampekiri liliu peahe katuwonda i lalu dunia ide. Tauna iti mampeinao peahe morampu anu-anu dunia hai mampopengaa peundeana lalunda. Ido hai Ngkora iti bara mobundu i lalu katuwonda.

Yohane 1:13

Mewalihe anana Pue Ala bara hangko i ulu bubunda, ba anti posamboko tauna ba anti i peundea manusia. Batena pea mpuu Pue Ala au mampopewalihe anaNa.

Yohane 8:44

Umami iami Datu Tokadake! Hai nipeinao moula liliu peundeana umami iti. Hangko i nguru-nguruna ia topepapatemi. Paturona bara tou, lawi bara ara au tou iria. Ane modongko, itimi poantina, lawi ia topodongko mpuu, hai ope-ope tauna au modongko moulahe peundeana.

Suro 14:16

Hangkoia Pue Ala mopalikangaa manusia menomba moula peundeanda haduduanda.

Roma 1:24

Ido hai Napogiangaa pearaihe Pue Ala mampeulai peundeana lalunda au kadake, alana mobabehihe babehia au merikai hai hore mombedaihihe.

Roma 11:30

Hangkoia barakau mengkoru i Pue Ala. Agaiana ide-ide nihumbami ahina Pue Ala anti pesapuakanda to Yahudi.

Roma 13:14

Hangangaa tapeulai babehiana Pue Yesu Kerisitu i lalu katuwonta, inee tapeulai peundeana lalunta au kadake.

Roma 2:14

Tauna au bara to Yahudi barahe moisa Aturana Pue au nauki Musa. Agaiana nauri nodo, masala worihe i peitana Pue Ala. Lawi i lalunda moisatohe babehia au maroa hai au kadake. Iti tongawa lawi hambela-hambela mobabehi worihe apa au maroa nodo au teuki i lalu Aturana Musa. Nauri barahe moisa Aturana Musa au teuki, lalunda haduduanda au mewali nodo Aturana Musa irihira.

Roma 5:10

Hangkoia, tanganta mani mampoiwali Pue Ala, Ia motudumi mai AnaNa mate mohuru dosanta bona hintuwuke hai Ia. Mewali, ide-ide hintuwumoke hai Pue Ala, hai Yesu ara liliu i lalu katuwonta. Ido hai manotomi katekabahanta hangko i karumpuna Pue Ala i alo pebotusi.

Roma 5:9

Mewali ide-ide, manotomoke i peitana Pue Ala, lawi Yesu matemi mohuru dosanta. Ido hai taisa katekabahantami hangko i karumpuna Pue Ala i alo pebotusi anti kanaperuruintami Yesu Kerisitu.

Roma 6:12

Ido hai kuweikau lolita, halalu: inee tapogiangaa dosa mokuasai katuwonta i dunia ide; inee tapeulai peundeana lalunta au kadake.

Roma 7:18

Lawi kuisa, bara ara roangku, ide iko manusia au madosana. Kuunde mpuu mobabehi babehia au maroa, agaiana bara kubuku mobabehi.

Roma 9:22

Nodo wori Pue Ala makuasa mobabehi apa peundeaNa irikita tauna. Katouana, ara tauna kadake au hintoto mpuu napokarumpu Pue Ala bona tongawa kuasaNa. Hintoto mpuuhe rahuku hawe i hae-haena, agaiana nauri nodo, sabara mani Pue Ala i tauna iti.

1 Korintu 4:7

Ba niuli maroa lalumi hangko i rangami? Apa pae au ara irikamu au bara nidoko hangko i Pue Ala? Moapari hai mampemahilekau ane ope-ope au ara irikamu au nawei peakau Pue Ala?

2 Korintu 7:1

Halalu-halalu au kupokaahi, anti kanaweinta Pue Ala dandiNa iti, ido hai hangangaa takabaha hinangkana au moantike i babehia au kadake, maroa au i watanta ba i lalunta. Hangangaa mampeulai mpuuke peundeana Pue Ala, hai hangangaa langake mobabehi apa pea au bara moula peundeaNa.

Galatia 3:22

Agaiana i lalu Sura Malelaha, tepakanoto humalele dunia tetakai hai dosa. Mewali, bara ara rara ntani au mopamanotoke i peitaNa, batena pea pepoinalainta i Yesu Kerisitu. Katuwo maroa au nadandi Pue Ala, batena Nawei i hema pea au mepoinalai i Yesu Kerisitu.

Epesu 2:2

I tempo iti, babehiami alo-alona moula babehianda tauna au kadake i dunia ide; lempona matundukau i Datu Tokadake au makuasa i laerawa. Kuasa iti duuna ide-ide, mobago liliu i lalunda tauna au barahe mengkoru i Pue Ala.

Epesu 4:22

hangangaa nitendemi babehiami au hangkoia hangko damanikau mepoinalai i Pue. Ope-ope peundeana lalumi au nipeulai i tempo iti mopakanawokau hai mopakarugi katuwomi.

Kolose 1:21

Halalu, hangkoia karaokau hangko i Pue Ala. Nipoiwali lawi kadake lalumi hai babehiami.

1 Tesalonika 4:13

Halalu, tunggaiana lalungki bona moisa mpuukau apa au ina mewali i ranganta au matehe dati masusa ntepuu lalumi nodohe tauna au bara ara peharunganda i Pue Ala.

1 Tesalonika 5:6

Mewali, ineeke lera, ineeke leta mposo nodo tauna au bara mani moisa Pue Ala. Mainga-ingake, hai hangangaa tapamanoto pekirinta.

1 Timotiu 6:9

Agaiana tauna au mampeinaohe pebuku, mamurahe tekelo mobabehi dosa lawi teheahe hai peundeana lalunda au kadake. Peundeana lalunda iti bara mobundu, moanti peahe i kahurewu. Kahopoana manawohe i lalu dosa, alana molambi mpuuhe rugi.

Titu 3:3

Lawi hangkoia, makaindi mani lalunta, bara taisa rara au manoto, taliungi AturaNa. I tempo iti, napohawi manike peundeana lalunta au kadake hai katana dunia au mepakanawo. Kadake lalunta, mahinake i ranganta, hai mombekahihi peake.

1 Peturu 1:14

Napoanamokau Pue Ala, ido hai hangangaa nipeulai hawaNa. Ineekau moula peundeami haduduami nodo hangkoia i tempomi mani tuwo i lalu kamakaindi.

2 Peturu 2:14

Ane mototokihe towawine, liliu rapokaelu, lawi raunde peami mobabehi au merikai. Barahe baha mobabehi dosa. Ane ara tauna au malede pepoinalainda, raopahe hai rapakanawo. Tauna au mepakanawo iti, mampokaelu liliuhe anu-anuna ranganda. Hararahe.

2 Peturu 2:18

Polololitanda mampemahile, hai bara mobundu. Modiihe lalunda tauna hai peundeanda au merikai alana tauna iti rapakanawohe, moleri tauna iti bara manihe mahae mopalehi babehianda au kadake.

1 Yohane 2:16

Lawi ope-ope au ara i lalu dunia ide, iami peundeana lalunta au kadake, apa au taita hai tapokaelu, hai apa au mopaara pampemahilenta; ope-ope iti bara hangko i Umanta, batena hangko i dunia.

1 Yohane 2:8

Agaiana nauri nodo, batena kuukiakau hawa ide nodo hawa au wou, lawi tongawami katouna hawa ide i lalu katuwona Yesu hai i lalu katuwomi. Lawi kamakaindi ina tuna, hai kamabaa au tou mepongkami mewangka.