Epesu 2:2 - Sura Malelaha

² I tempo iti, babehiami alo-alona moula babehianda tauna au kadake i dunia ide; lempona matundukau i Datu Tokadake au makuasa i laerawa. Kuasa iti duuna ide-ide, mobago liliu i lalunda tauna au barahe mengkoru i Pue Ala.

Epesu 2:2 Mawu Ofanana

Matiu 11:19

KamaiNgku Ana Manusia, maenuNa anggoro hai maandeNa. Agaiana nisapuaka woriNa, niuli, ‘Peita! Topehioro, tomalangu, ranganda toperuru asele hai tomadosa!’ Agaiana nauri nodo, kamanotona rarana Pue Ala tongawa i lalu katuwonda tauna au mampeulai peundeaNa.”

Matiu 13:22

Tinuda au manawo i olo dui lempona, tauna au mampehadingi Ngkorana Pue Ala, agaiana mopailalu liliu peahe katuwonda i lalu dunia, hai mampeinao peahe morampu anu-anu dunia. Ido hai barapi ara paidaa Ngkorana Pue Ala i lalunda, hai barapi mobundu Ngkora iti i lalu katuwonda.

Matiu 13:38

Bonde lempona, dunia ide. Tinuda au maroa lempona, tauna au mengkoru i Pue Ala bona mewalihe anaNa i lalu poparentaNa. Dana lempona, tauna au meula i Datu Tokadake.

Markus 4:19

agaiana mampekiri liliu peahe katuwonda i lalu dunia ide. Tauna iti mampeinao peahe morampu anu-anu dunia hai mampopengaa peundeana lalunda. Ido hai Ngkora iti bara mobundu i lalu katuwonda.

Lukasi 16:8

Kanahadina topebuku iti apa au nababehi topobagona, natoia lawi nauri motengko babehiana agaiana naisa mampekiri karao bona maroa katuwona. Lawi nauri kadake babehianda, agaiana raisa wori mampekiri karao bona maroa katuwonda i alo au ina mai. Kamapandenda melumbu pane tauna au mengkoru i Pue Ala.

Lukasi 22:31

Roo indo, Yesu mouliangaa Simo Peturu, “Simo! Nupehadingi: Datu Tokadake rawei mpuumi katepaka mokelokau. Nodo pare au ratapihi, ina tepatani au wara hai au moihi.

Yohane 12:31

Ide-ide hawemi tempona Pue Ala hangangaa mobotusi ope-ope manusia i dunia. Hai hawe worimi tempona Datu Tokadake au mokuasai dunia ide hangangaa ranawo.

Yohane 13:2

Kaindi iti Yesu hai topeguruNa maande sambelahe. I tempo iti, Datu Tokadake mokaleami laluna Yudasi anana Simo Iskariot bona mampobalu Yesu.

Yohane 13:27

Kanadokona Yudasi roti iti, mesuami Datu Tokadake i laluna. Roo indo, nauliangaa Yesu, “Apa au ina nubabehi, nubabehimi holiga.”

Yohane 14:30

Barapi ngkaia katepakaNgku mololita hai ikamu, lawi ina hawemi Datu Tokadake. Ia au mokuasai dunia ide, agaiana bara makuasa Iriko.

Yohane 15:19

Ane rapana, hamporangaakau hai tauna au bara mepoinalai, batena rapokaahikau, lawi rangandakau. Agaiana Kupileimokau hai Kupatanikau hangko i olonda, alana barapokau raporanga. Ido hai rakahihikau.

Yohane 16:11

Hai Ia ina mopakanoto wori kanahukunda Pue Ala tauna au madosa, lawi Datu Tokadake au mokuasai dunia ide rahukumi.

Yohane 7:7

lawi bara ara tauna au mokahihikau. Agaiana Iko, rakahihiNa tauna au kadake i dunia ide, lawi Kupakanotoahe kakadakena babehianda.

Yohane 8:23

Nauliangaahe Yesu, “Ikamu to i duniakau, Iko maiNa hangko i wongko. Ikamu hangko i dunia ide, Iko baraNa hangko i dunia ide.

Yohane 8:44

Umami iami Datu Tokadake! Hai nipeinao moula liliu peundeana umami iti. Hangko i nguru-nguruna ia topepapatemi. Paturona bara tou, lawi bara ara au tou iria. Ane modongko, itimi poantina, lawi ia topodongko mpuu, hai ope-ope tauna au modongko moulahe peundeana.

Suro 19:35

Kahopoana, peisahe napakandii hadua totosae boea. Nauli totosae boea iti, “Halalu-halalu to Epesu! Bara ara hadua tauna au bara moisa boeanta ide au mokadipura sou penombaa anitu towawine Artemis hai mokampai watu au makuasa au manawo hangko i langi.

Suro 5:3

Ido hai mololita Peturu i Ananias, nauli, “Ananias, Datu Tokadake au mokuasai lalumu! Mampodongkoamoko Inao Malelaha, lawi nuuli doi holo tampomu nuhuhumi ope-ope, moleri nuwolito hanggaa!

Roma 12:2

Ineekau mampeulai babehianda tauna au barahe moisa Pue Ala. Nipogiangaami Pue Ala mowouki pekirimi bona tebaliki poantimi. Lawi ane nodo babehiami, ina niisa mpuu tunggaiana Pue Ala au maroa, au mopamatana laluNa hai au bara ara kamakurana.

1 Korintu 5:10

Agaiana bara tunggaiaku bona ineemohe nipogaloa ope-ope tauna i dunia ide au barahe moisa Pue Ala, au mobabehi sala, au mehioro, au modongko, ba au menomba i anitu. Bara ihira au kutunggai. Lawi ane keihira au kutunggai, lempona hangangaa padukau hangko i dunia ide.

1 Korintu 6:11

Halalu, arakau au nodo babehiami hangkoia. Agaiana Napamalelahamokau Pue Ala hai Napopewalimokau taunaNa. Napamanotomokau i peitaNa anti pohintuwumi hai Pue Yesu Kerisitu hai anti kuasana Inaona Pue Ala Amputa.

2 Korintu 4:4

Napawulihe Datu Tokadake au mokuasai dunia ide datihe mampoinalai Ngkora Marasa. Kuasa Ngkora Marasa bara mopamabaa lalunda. Mewali, barahe moisa peawana tuwona Kerisitu au mopatongawa peawana Pue Ala.

Galatia 1:4

Pue Yesu mokirami wataNa rapapate mohuru dosanta bona tekabahake hangko i kuasa dunia au kadake ide. Iti Nababehi moula peundeana Pue Ala Umanta.

Epesu 1:21

Kuasa au Nawei Pue Ala i Kerisitu iti, meliu kamahilena hangko i kuasanda ope-ope topoparenta, tomakuasa, tadulako, hai au rapenombai. KuasaNa iti meliu kamahilena hangko i ope-ope au molambi pohudaa au teadai, maroa au tuwo ide-ide, maroa au tuwo i alo au ina mai.

Epesu 2:11

Mewali, halalu au barakau to Yahudi, nikatuinao noumba katuwomi hangkoia. Ikamu, rauli to Yahudi: “tauna au bara ratile.” Hai to Yahudi iamohe: “tauna au ratile” lawi ratilehe moula ada agamanda, mewali rauli ihira pea taunana Pue Ala. Agaiana ada mpetile iti, iami ada au rababehi pea tauna mewali tanda i watanda.

Epesu 2:13

Agaiana ide-ide, anti pohintuwumi hai Kerisitu Yesu, katuwomi barapi nodo. Ikamu au hangkoia “karao” hangko i Pue Ala, ide-ide “hungkumokau” lawi Kerisitu mohuhumi wataNa rapapate mopahurukau.

Epesu 2:3

Hangkoia, ikita ope-ope nodo wori babehianta. Moula peake peundeana lalunta hai pekirinta au kadake. Nodo ihira, i tempo iti ikita hintoto worike nakarumpui Pue Ala anti babehianta au kadake.

Epesu 4:17

Mewali, hai kuasa au naweina Pue, kuuli hai kupaturoakau: Ineemokau tuwo nodo katuwomi hangkoia au bara moisa Pue Ala, lawi au rapekiri bara mobundu

Epesu 4:22

hangangaa nitendemi babehiami au hangkoia hangko damanikau mepoinalai i Pue. Ope-ope peundeana lalumi au nipeulai i tempo iti mopakanawokau hai mopakarugi katuwomi.

Epesu 5:6

Mewali, ineekau rapakanawo hai lolitanda tauna au mampeinaohe bona moulakau babehianda au nodo. Lolitanda iti batena bara tou. Lawi hangko i babehia au nodo, Pue Ala ina mohuku tauna au bara mengkoru Iria.

Epesu 5:8

Hangkoia, makaindi mani lalumi, agaiana ide-ide mabaami lalumi anti pohintuwumi hai Pue. Mewali, hangangaa tuwokau i lalu kamabaa.

Epesu 6:12

Lawi i pombealata ide, barake moewa manusia agaiana moewake au makuasa au bara taita. Moewake tadulako-tadulako kamakaindi au makuasa i dunia. Moewake hinangka seta hai tokadake au mokuasai laerawa.

Kolose 1:21

Halalu, hangkoia karaokau hangko i Pue Ala. Nipoiwali lawi kadake lalumi hai babehiami.

2 Timotiu 4:10

Lawi ina barapi ara au mamporangaina inde. Napalehimona Demas, lawi laomi i Tesalonika mohaoki katuwona i dunia ide. Kreskes, lao i Galatia. Titu lao i Dalmatia.

Yakobu 1:27

Ane mampeinaoke mewali tauna au maroa posaraninta hai au bara ara kamakuranta ba kamasalanta i peitana Pue Ala Umanta, idemi au hangangaa tababehi: motulungike anangkoi au ilu hai tobemba au meahi-ahi tuwonda, hai ineeke moula babehianda tauna au barahe moisa Pue Ala.

Yakobu 1:7

Lawi tauna au nodo, morompenga lalunda, bara tetida pampekirinda. Ido hai barahe peisa moharunga apa pea hangko i Pue.

Yakobu 4:4

Halalu, bara hintoto ane mopalehike Amputa hai moulake babehia au kadake i dunia ide. Niisami halalu, ane mampeulaike babehia au kadake i dunia ide, batena mampopewalike watanta iwalina Pue Ala. Hambela mani kuuli: hema au mounde babehia au kadake, ia au mampoiwali Pue Ala!

1 Peturu 1:14

Napoanamokau Pue Ala, ido hai hangangaa nipeulai hawaNa. Ineekau moula peundeami haduduami nodo hangkoia i tempomi mani tuwo i lalu kamakaindi.

1 Peturu 4:3

Lawi mahae gagamokau mobabehi babehianda tauna au barahe moisa Pue. I tempo iti, merikai babehiami, moulakau peundeana lalumi au kadake, malangu-langukau, mosusa liliukau, masurokoakau, hai menombakau i anitu au bara hintoto rapenombai.

2 Peturu 2:14

Ane mototokihe towawine, liliu rapokaelu, lawi raunde peami mobabehi au merikai. Barahe baha mobabehi dosa. Ane ara tauna au malede pepoinalainda, raopahe hai rapakanawo. Tauna au mepakanawo iti, mampokaelu liliuhe anu-anuna ranganda. Hararahe.

1 Yohane 3:10

Idemi au mopatongawa kahemana au napoana Pue Ala hai kahemana au napoana Datu Tokadake: ope-ope tauna au bara mobabehi apa au manoto, barahe napoana Pue Ala. Nodo wori, ope-ope tauna au bara mampokaahi halalunda, barahe napoana Pue Ala.

1 Yohane 3:8

Tauna au mobabehi liliu dosa, napoanahe Datu Tokadake. Lawi Datu Tokadake madosami hangko i nguru-nguruna. Mewali, tunggaiana Anana Pue Ala mai i dunia bona mogero bagona Datu Tokadake iti.

1 Yohane 4:4

Agaiana ikamu anangku, napoanamokau Pue Ala, hai ninangimohe nabi au mepawuli iti, lawi Inao au ara i lalumi melumbu kuasana hangko i inao au ara i lalunda au barahe mepoinalai i Pue.

1 Yohane 5:19

Hai taisami: ikita ide napoanamoke Pue Ala, hai ope-ope dunia ide nakuasai Datu Tokadake.

1 Yohane 5:4

lawi ope-ope tauna au napoana Pue Ala monangihe hinangka au kadake i dunia ide. Anti pepoinalainta, monangike hinangkana au kadake iti.

Pampetudungia 12:9

Mewali, naga au mahile iti, ratende hangko i suruga hawe i dunia hihimbela hai malaekana. Iami ile au arami hangkongkoia, au rahanga Datu Tokadake ba Tadulako Seta. Ia au mopakanawo tauna au maida i humalele dunia.

Pampetudungia 13:14

Tanda kuasa iti, nababehi hangko i kuasa binata au nguru-nguruna. Hai kuasa iti, ia mopakanawomohe tauna au maida i dunia. Natudumohe moaro hambua watu molengge mewali tanda pebilanda i binata au nguru-nguruna. Binata au nguru-nguruna iti iami binata au rabata hai piho agaiana bara mate.

Pampetudungia 13:8

Ope-ope tauna au maida i dunia menomba iria. Au bara menomba iria, batena pearaihe tauna au teuki hanganda i lalu Sura Ngkatuwo hangko damani dunia rapopewali. Sura Ngkatuwo iti, iami surana Ana Dimba au rasambale. I lalu sura iti, teuki hanganda tauna au molambi katuwo maroa au bara mokahopoa.

Pampetudungia 16:17

Roo indo, malaeka au kapitu mobumbuhami ihi pambolia karumpuna Pue Ala i laerawa. Hai hangko i kadera kadatua i lalu Souna Pue Ala i suruga, kuhadimi hambua wotu au mololita masisimbuku, Nauli, “Hopomi!”

Pampetudungia 20:2

Malaeka iti mohaka naga; iami ile au arami hangkongkoiana, au rahanga Datu Tokadake ba Tadulako Seta. Roo indo, nahilumi hai rante, hai natende i lalu kabe ngkapate au bara tehoka kakaladuna. Nagilimi babana hai napene dati rabungkahi i lalu hasabu parena kamahaena. Mewali, Datu Tokadake iti bara peisa mopakanawo manusia i lalu hasabu parena. Ane liu tempo iti, hangangaa rakabaha sangka.