Epesu 1:9 - Sura Malelaha

^9-10 Moula peundeaNa, Napopaisaamoke tunggaiaNa au tewuniangi mani. TunggaiaNa iti iami bona hinangkana, maroa au i suruga ba i dunia, ina Napahintuwuhe hai Kerisitu au mewali tadulako i hinangkana. Hai tunggaiaNa iti batena Napopewali melempo i Kerisitu ane hawemi tempona.

Epesu 1:9 Mawu Ofanana

Matiu 13:11

Nahanai Yesu, “Hangkoia, tewuniangi mani paturo kana i poparentana Pue Ala. Ide-ide Naweikau Pue Ala pekiri bona niisa lempona paturo iti. Agaiana ane tauna bosa, barahe Nawei pekiri molempo paturo iti.

Lukasi 12:32

“Ikamu au meula Iriko, ineekau langa, nauri barakau bosa. Lawi hangko i kabulana laluna Pue Ala Umami, mopileikau molambi katuwo maroa i lalu poparentaNa.

Lukasi 2:14

“Tetoiami Pue Ala au i suruga! Tauna i dunia au napokatana Pue Ala ina molambihe roa ngkatuwo.”

Suro 13:48

Karahadina tauna au barahe to Yahudi lolitana iti, matana mpuumohe hai motoiahe Ngkorana Pue. Hai hema pea au Napileimi Pue Ala molambi katuwo maroa au bara mokahopoa, hai mepoinalaimohe i Pue Yesu.

Suro 2:23

Hintoto hai tunggaia hai peundeana Pue Ala lawi naisa amimi, rahuhumi Yesu irikamu bona nipapate. Hai nihuhuahe i tauna au kadake rapapate i kau mombehape.

Suro 4:28

Rabotusimi bona mopapatehe Yesu. Agaiana au rababehi iti mopabukei apa au Nupakanoto amimi alana ope-ope mewali moula kuasaMu hai peundeaMu.

Roma 11:25

Halalungku hampepepoinalai! Kupeinao mouliangaakau apa tunggaiana Pue Ala au bara raisa tauna hangkoia. Kuuliangaakau ide bona ineekau mampemahile. Bona niisa: ide-ide hanggaa to Yahudi matua lalunda agaiana iti bara mahae, duuna handa kabosanda tauna au barahe to Yahudi au mepoinalai i Yesu hintoto hai tunggaiana Pue Ala.

Roma 8:28

Taisami ide-ide Pue Ala mobago wori i paka-pakana bona mopaara roa ngkatuwo i ope-ope tauna au mampokaahi Pue Ala, iami i tauna au Nakakio hintoto hai tunggaiaNa.

1 Korintu 1:21

Lawi hangko i kapande manusia, barake peisa moisa Pue Ala. Anti kamapandena Pue Ala, Nabotusimi bona hema pea au mepoinalai i Ngkora Marasa au kipahawe, tauna iti ina Nahoremahe hangko i dosanda. Agaiana ane kipahawe Ngkora Marasa, tauna au bara mepoinalai manguli, “Iti lolita tontuli.”

Galatia 1:12

Ngkora Marasa iti, bara kudoko hangko i manusia, bara wori ara tauna au mopaguruana. Agaiana Yesu Kerisitumi au mopahawe Ngkora Marasa iti iriko.

Galatia 1:15

Agaiana anti kabulana laluNa Pue Ala, hangko damanina rapoanaka, Napileimona bona mewalina SuroNa.

Galatia 1:16

Napopaitaamona AnaNa bona kubambari kana Iria i ope-ope tauna au barahe to Yahudi, hai i tempo iti barana lao merapi paturo i tauna.

Epesu 1:11

Pue Ala mobabehi hinangkana moula peundeaNa hai pobotusiNa haduduaNa. Napileimoke hai Napakanotomi kaikitana au mewali taunaNa anti pohintuwuta hai Kerisitu.

Epesu 1:8

Ia mobabehi iti anti kamaahiNa au bara ara hokana, moula kamatopaNa hai kapandeNa.

Epesu 3:11

Pue Ala mobabehi ope-ope iti moula tunggaiaNa au Napakanotomi hangko damani dunia rapopewali, hai tunggaiaNa iti Napopewali i lalu watana Kerisitu Yesu Amputa.

1 Timotiu 3:16

Maroa ntepuu paturo au tapeulai anti pengkorunta i Pue Ala. Hangkoia paturo iti bara raisa tauna, agaiana ide-ide natudungiamoke Pue Ala. Lawi idemi au tapoinalai kana i Yesu Kerisitu: Iami au mewali manusia, au napakanoto Inao Malelaha, hai au raita malaeka. BambariNa rapahawe i tauna au bara manihe moisa Pue Ala, hai Ia rapoinalai tauna i humalele dunia, hai naore Pue Ala lao i suruga i lalu peawaNa.

2 Timotiu 1:9

Nahoremamoke Pue Ala hangko i dosanta hai Nakakiomoke mewali taunaNa au malelaha. Barake Nahorema hai Nakakio anti kamaroana babehianta. Agaiana iti Nababehi anti kabulana laluNa moula tunggaiaNa. Lawi hangko damani dunia ide rapopewali, arami tunggaiana Pue Ala mopahintuwuke hai Kerisitu Yesu anti kabulana laluNa.