Biblia Todo Logo
Baibulo la pa intaneti

- Zotsatsa -




Epesu 1:4 - Sura Malelaha

4 Hangko damani dunia rapopewali, Napileimoke Pue Ala mohintuwu hai Kerisitu bona mewalike taunaNa au malelaha au bara ara kamasalanta i peitaNa.

Onani mutuwo Koperani




Epesu 1:4
55 Mawu Ofanana  

Agaiana tempo kapari iti ina napaholiga Pue Ala, lawi ane bara Napaholiga, bara ara hadua au tuwo. Mewali, anti pampokaahiNa tauna au Napilei, ido hai ina Napaholiga tempo kapari iti.


Lawi ina hawe bosa tauna au mepakanawo au manguli Datu Topehompohe ba nabihe. Ina mobabehihe tanda kuasa hai tanda au metingkarai bona mopakanawohe bosa tauna. Ane peisa, mogalo tauna au napilei Pue Ala, rapakanawo wori.


Tatamburu au mahile ina ratawue, hai ina Kutudu malaekaNgku lao mogulu tauna au Kupilei hangko i humalele dunia, mepongka i wuntuna hambali hawe i wuntuna hambali.”


Hai Iko Datu, Kuuliangaahe au ntanda i koanaNgku, ‘Maimokau au nawati UmaNgku! Mesuamokau i lalu poparentaKu. Paidaami Kupasilolonga amiamokau hungka i pewalina dunia hangkoia.


Ara manihe dimbaKu au ntanina, agaiana barahe hangko i gimpu ide. Ihira, hangangaa Kunini worihe mai. Ina raisa mpuu wotuNgku, ina mewali peahe hantobu, hai hadua pea au mamporewuhe.


Bara ikamu au mopileiNa. Ikori au mopileikau. Kutudukau mowua; hai wua pobagomi iti bara ina matanta, ina mobundu hawe i hae-haena. Mewali, apa au niperapi i UmaNgku i lalu hangaNgku, batena Naweikau.


Uma, peundeaKu bona ihira au NuweimoNa ina maida hihimbela hai Iko i paidaaNgku bona moitahe peawaNgku. PeawaNgku iti NuweimoNa, lawi NupokakaiaNa hangko damani dunia ide rapopewali.


Karahadina tauna au barahe to Yahudi lolitana iti, matana mpuumohe hai motoiahe Ngkorana Pue. Hai hema pea au Napileimi Pue Ala molambi katuwo maroa au bara mokahopoa, hai mepoinalaimohe i Pue Yesu.


Nodomi pangulina Pue au mopakanoto tunggaiaNa hangkoia.”


lawi Kuporangaiko, hai Kukakiomohe bosa tauna i wanua ide au ina mewali taunaNgku. Bara ara hadua au ina mopatoa taiena irio ba mampopeahi-ahiko.”


Hai ikita au napileimoke Pue Ala, hema mani au peisa mosalaike, lawi Pue Ala haduduaNa mopakanoto kadanta masala?


Ia ina mopakaroho pepoinalaimi duuna i kahopoa dunia bona ane Nakahaweikau Amputa Yesu Kerisitu i kahaweNa hule, barapi ara kamasalami.


Halalu, Nakakiomoke Pue Ala bona tekabahake hangko i Aturana Musa. Agaiana inee tapehangu katekabahanta hangko i atura iti peisamoke tuwo moula peundeana lalunta. Aginari mombepokaahike hai mombetulungike hadua hai hadua.


Agaiana ane naninike Inao Malelaha, ina tongawa wuana i lalu katuwonta, i lalu poantita: mombepokaahike, matana-tanake, tinda lalunta, sabarake, maalusu pololitanta, maroa babehianta; mopabukeike dandita,


Ane mohintuwuke hai Kerisitu Yesu, bara ara bunduna ratileke ba barake ratile; batena pea mepoinalaike i Yesu. Hai ane maahike i ranganta, pepoinalainta iti ina tongawa.


Pue Ala mampopewalimoke manusia au wou anti pohintuwuta hai Kerisitu Yesu bona mobabehike apa au maroa moula tunggaiaNa irikita au Napasilolongami hangkoia.


Kuharunga anti pepoinalaimi, Kerisitu ina maida i lalumi. Mekakaena bona nodo tuda-tuda ina mouakakau, hai moarokau tuwomi i ahiNa.


Hangangaa mengkaiwoikau hai hangangaa maalusu poantimi i paka-pakana. Hangangaa peisakau modoko hangka rangami nauri niisa kamakurana, hai hangangaa sabarakau anti kamaahimi hadua hai hadua.


I babehianta alo-alona, hangangaa maahike i ranganta, nodo Kerisitu maahimi Irikita. Anti kamaahiNa irikita, Ia mokira wataNa rapapate mopahuruke. Babehia iti mopakatana laluna Pue Ala, nodo popenomba mawongi au rahuhu Iria.


bona mewalike tauanaNa au malelaha hai meawa, alana barapi ara kamasalanta hai kamakuranta i lindoNa.


bona tongawa i ope-ope tauna ikamu ananakau Pue Ala, bara ara kamasalami, malelaha tuwomi hai bara ara tunggaiami au kadake. Nodo betue au mewangka mosimbaki kamakaindi, nodo worikau ikamu au maida i olonda tauna au motengko babehianda hai au kadake lalunda,


Agaiana ide-ide, anti kapatena AnaNa, mohintuwumokau hai Pue Ala, hai Napamalelahamokau duuna barapi ara kamasalami ba kamakurami i peitaNa,


Tunggaiaku bona maroho lalumi hai mombepokaahikau, alana mohintuwukau hadua hai hadua. Peundeaku bona tongawa i lalumi tunggaiana Pue Ala au tewuniangi hangkoia hai bara bata-bata lalumi; tunggaiaNa iti bona moisakau Kerisitu.


Pue Ala mampokaahikau hai mopileimokau mewali kiraNa au malelaha. Idomi hai: hangangaa mombetulungikau, hangangaa maroa lalumi hadua hai hadua, mengkaiwoikau, nipamaalusu poantimi, hai sabarakau.


Kiperapi bona katetetambaia ahinda, alana mombepokaahi mpuuhe hadua hai hadua, hai mampokaahihe ope-ope tauna, nodo kamaahingki irihira.


Lawi tunggaiana Pue Ala mokakioke, barake Nakakio bona mobabehike sala agaiana Nakakioke bona malelaha tuwonta.


Nahoremamoke Pue Ala hangko i dosanta hai Nakakiomoke mewali taunaNa au malelaha. Barake Nahorema hai Nakakio anti kamaroana babehianta. Agaiana iti Nababehi anti kabulana laluNa moula tunggaiaNa. Lawi hangko damani dunia ide rapopewali, arami tunggaiana Pue Ala mopahintuwuke hai Kerisitu Yesu anti kabulana laluNa.


Ido hai kubuku mohalea ope-ope kapari ide bona tauna au napileimohe Pue Ala ina mampehadingi hai mampoinalai Ngkora Marasa iti duunda molambi katehorema hai katuwo meawa au bara mokahopoa anti pohintuwunda hai Kerisitu Yesu.


Nauri nodo, Ngkorana Pue Ala batena maroho peangkana. Ngkorana Pue Ala rapandiri nodo haogu watu au bara ina tedua. I lalu Ngkorana Pue Ala teuki node, “Pue moisa hema au Napilei mewali anaNa,” hai, “Hema-hema au mopangaku kaYesuna Ampunda, hangangaa mokabahahe babehianda au kadake.”


Halalungku au kupokaahi! Nipehadingi maroa: tauna au meahi-ahi tuwonda i dunia ide napileihe Pue Ala bona mewalihe pebuku i pepoinalainda. Ina molambi sosoranda i lalu poparentaNa moula dandina Pue Ala i tauna au maahi Iria.


Ikamu, napileikau Pue Ala Umanta lawi nodomi tunggaiaNa hangko i nguru-nguruna. Ia mopileikau, hai anti pobagona Inao Malelaha, mewalimokau kiraNa bona mengkorukau i Yesu Kerisitu hai Napamalelahakau hai waheNa. Kuharunga Pue Ala ina moweikau ngkaia pewati hai roa ngkatuwo.


Hangko damani dunia rapopewali, Yesumi au napakanoto Pue Ala mewali Topehompo. Ide-ide, i tempona hungkumi kahopoa dunia, Ia hawemi bona mohuru dosami.


Agaiana ikamu, halalu, napileimokau Pue Ala au mampopewalikau nodo tadulako mpenomba au mampopolumao bago mpenomba i Datunta. Napatanikau mewali kiraNa hai taunaNa au malelaha. Pue Ala mopileikau hai mokakiokau hangko i kamakaindi mesua i lalu kamabaaNa au merae ntepuu bona mopahawekau bagoNa au maroa i ope-ope tauna.


Mewali halalu au kupokaahi, tangami mampepegia alo iti, nipari-pari meula i Pue bona maroa pohintuwumi hai Ia, hai bona bara ara kamasalami ba kamaeami ane hawekau i lindona Pue Ala.


Ido hai taisa hai tapoinalai ahina Pue Ala irikita, lawi Pue Ala iami ahi. Mewali, hema au mampokaahi liliu halaluna, iami au mohintuwu hai Pue Ala, hai Pue Ala mohintuwu hai ia.


Ope-ope tauna au maida i dunia menomba iria. Au bara menomba iria, batena pearaihe tauna au teuki hanganda i lalu Sura Ngkatuwo hangko damani dunia rapopewali. Sura Ngkatuwo iti, iami surana Ana Dimba au rasambale. I lalu sura iti, teuki hanganda tauna au molambi katuwo maroa au bara mokahopoa.


Hangkoia tuwo, hai ide-ide barapi ara, agaiana ina mesuwu hule hangko i kabe ngkapate au bara tehoka kakaladuna. Hai roo indo, ina rahuku mate. Tauna au maida i dunia au bara teuki hanganda i lalu Sura Ngkatuwo hangko damani dunia rapopewali, ina tingkarahe moita binata iti. Lawi hangkoia tuwo, ide-ide barapi ara, agaiana hambela tempo ina hawe hule.


Titsatireni:

Zotsatsa


Zotsatsa