Epesu 1:20 - Sura Malelaha

²⁰ itimi au Napake mampopearo Kerisitu hangko i kapate bona Napopohuda ntanda i koanaNa i lalu suruga.

Epesu 1:20 Mawu Ofanana

Matiu 26:64

Nahanai Yesu, “Tou mpuu, nodo au nuuli iti. Hai Kuuliangaa mbulikau: ina niitaNa Iko Ana Manusia, mohuda ntanda i koanana Pue Ala au makuasa, hai ina niita woriNa mai mendaulu hangko i suruga i wongko gawu.”

Matiu 28:18

Yesu mohungkuki topeguruNa, Nauliangaahe, “Ope-ope kuasa i suruga hai i dunia rahuhuamoNa.

Markus 14:62

Nahanai Yesu, Nauli, “Io, Ikomi, hai ina niitaNa, Iko Ana Manusia, mohuda ntanda i koanana Pue Ala au makuasa, hai ina niita woriNa mai mendaulu hangko i suruga i lalu gawu.”

Markus 16:19

Karoona Yesu mampololitaa topeguruNa, Ia teangkami lao i suruga, hai mohuda ntanda i koanana Pue Ala.

Yohane 10:18

Bara ara hadua au mopapateNa ane bara peundeaKu. MokiraNa wataNgku moula peundeaKu haduduaNgku. MakuasaNa mokira wataNgku bona rapapate, hai makuasa woriNa tuwo hule. Itimi hawana UmaNgku au Kutarima hangko Iria.”

Yohane 10:30

Iko hai UmaNgku, hadua peaNgkai.”

Suro 10:40

Agaiana i alo katalu, Napatuwo hulemi Pue Ala, hai wataNa napopaita i manusia.

Suro 26:8

Hai ikamu halalungku to Yahudi, moapari pane bara nipoinalai kamakuasana Pue Ala mopatuwo hule tomate?

Suro 4:10

Mewali bona niisa, hai bona raisa wori ope-ope halalunta to Yahudi, tauna ide maoha hai nabuku meangka inde anti kuasana Yesu Kerisitu to Nasare. Yesu iti nipaku i kau mombehape, agaiana Pue Ala mopatuwo hule.

Suro 5:31

hai Napopohuda ntanda i koanaNa. Naweimi kuasa mewali Tadulako hai Topehorema bona to Isaraeli menosohe hangko i dosanda hai molambihe peampungi.

Roma 1:4

TuwoNa malelaha nodo Pue Ala hai i pearona hangko i olo tomate, mewali hambua tanda kuasa au mopatongawa, Yesu Kerisitu Amputa iti, iami Anana Pue Ala.

Roma 8:34

Barapi ara au ina manguli hangangaa rahukuke. Lawi Yesu Kerisitu au matemi mohuru dosanta, hai au tuwo hulemi, hai au mohuda ntanda i koanana Pue Ala, Iami au mamperuruike.

Epesu 1:3

Tatoiami Pue Ala, Umana Amputa Yesu Kerisitu, au mowatike hai hinangka pewati au maroa hangko i suruga, anti pohintuwuta hai Kerisitu.

Pilipi 3:10

Kupeinao moisa ntepuu Kerisitu i lalu katuwongku, bona mohadiana kuasaNa i lalu katuwongku, iami kuasa au mopatuwo hule Yesu hangko i kapate. Kupeinao molambi kapari hai kapate, nodo au Nahumba Yesu,

Kolose 1:16

Lawi Iami au napopatoa Pue Ala mampopewali hinangka au ara, au i suruga hai i dunia, maroa au raita ba au bara raita, tepesua ope-ope au makuasa hai au moparenta. Pue Ala mampopatoa Kerisitu mampopewali hinangkana iti bona Kerisitu rapomahile.

Kolose 3:1

Ikamu nodokau tauna au rapatuwo hule hangko i kapate hihimbela hai Kerisitu. Ido hai hangangaa mohaokikau apa au ara i suruga, iumba Kerisitu ara, mohuda ntanda i koanana Pue Ala.

Ibarani 1:3

Hangko Iria tongawa peawana tuwona Pue Ala. Hangko i Yesu moitake poantina hai kuasana Pue Ala. Ia au mokadipura hinangkana au ara hai lolitaNa au makuasa. Ia au mohuhu wataNa rapapate bona mobahoi manusia hangko i dosanda. Hai roo indo, mengkaoremi lao i suruga mohuda ntanda i koanana Pue Ala i lalu poparentaNa.

Ibarani 10:12

Agaiana Kerisitu, hambela pea mokira wataNa rapapate mohuru dosa manusia, hai popenombaNa iti barapi paraluu rahuleki hawe i hae-haena. Karoona mohuhu popenombaNa, mengkaoremi lao i suruga hai mohuda ntanda i koanana Pue Ala.

Ibarani 13:20

Mekakaena i Pue Ala, pongka roa ngkatuwo au mopakaroho podandiNa au mopahintuwuke hai Ia hawe i hae-haena, melempo i wahena Amputa Yesu au rapapate hai au Napatuwo hule hangko i kapate, hai Naangka mewali Toporewu au meliu kamaroana irikita dimbaNa.

Ibarani 2:9

Agaiana ide-ide tongawami kamakuasana Yesu. I katuwoNa au hampalai i dunia ide, kamahilena tuwoNa tepaiwoi hangko i malaeka. Lawi anti kabulana laluna Pue Ala irikita, Napakanoto bona Yesu rapapate mopahuru ope-ope tauna. Hai anti pohuhuNa wataNa rapapate, ide-ide Ia rapomahile hai raweimi pohudaa au meawa hai tebila.

1 Peturu 1:3

Tatoiami Pue Ala, Umana Amputa Yesu Kerisitu! Anti kamahilena ahiNa, Naweimoke katuwo au wou, hai katuwo au wou iti tahumba hangko i katuwona hule Yesu Kerisitu. Ido hai maroho peharunganta.

Pampetudungia 1:17

KakuitaNa, liliu tepalumbana i bitiNa, nodomona mate. Hangko inditi, Naonami taie koanaNa i watangku hai Nauliangaana, “Ineeko langa. Ikomi au pepongkana hai au kahopoana.