Epesu 1:18 - Sura Malelaha

¹⁸ Kuperapi Pue Ala ina mopamanoto lalumi bona niisa apa au peisa taharunga hangko i kanakakionta Pue Ala mewali anaNa, hai ina Niisa wori noumba kamahilena sosora au Napasilolongaahe tauna au Napoana,

Epesu 1:18 Mawu Ofanana

Matiu 13:15

Tauna ide matuami lalunda, talinganda mewalimi bongo hai matanda rapidika, lawi lohehe metotoki bona raita, lohehe motaa talinganda dati rahadi, lohehe rapamanoto lalunda. Kahopoana barahe ina mesule Iriko hai barahe ina Kuwei katuwo maroa.’ ”

Markus 10:17

Ina meangka mbulimi Yesu mopaliliu polumaoNa, unga pea ara hadua tauna au melangka mai Iria, liliu molingkudu i lindoNa, hai mekune, nauli, “Guru au maroa, apa au hangangaa kubabehi bona molambina katuwo maroa au bara mokahopoa?”

Lukasi 24:45

Roo indo, Yesu mobungkahi pekirinda kana i apa au teuki i lalu Sura Malelaha.

Suro 16:14

I olonda towawine iti, ara hadua au rahanga Lidia hangko i wanua Tiatira. Ia, topobalu-balu bana maroa au masuli holona, hai au menomba wori i Pue Ala. Pue Ala mopakanoto laluna, alana modoko apa au napaturoahe Paulu.

Suro 26:18

Idemi tunggaiaKu motuduko lao irihira bona tebungkahi matanda, hai mopalehihe kamakaindi lao i kamabaana, hai tekabahahe hangko i kuasana Datu Tokadake hai mepoinalaihe i Pue Ala. Mewali, anti pepoinalainda Iriko, teampungimi dosanda, hai mewalimohe taunana Pue Ala.’ ”

Roma 11:29

Lawi ane Pue Ala mopilei hai mowati tauna, pewatiNa iti bara ina Nadii hule.

Roma 2:4

Tou, laluna Pue Ala maroa, sabara hai mahile ahiNa. Agaiana inee nauli lalumi, “Barake paraluu mobaliki babehianta au kadake.” Nikatuinao, halalu tunggaiana kamaroana laluna Pue Ala bona tepakakau mampenosoi dosami.

2 Korintu 4:4

Napawulihe Datu Tokadake au mokuasai dunia ide datihe mampoinalai Ngkora Marasa. Kuasa Ngkora Marasa bara mopamabaa lalunda. Mewali, barahe moisa peawana tuwona Kerisitu au mopatongawa peawana Pue Ala.

2 Korintu 4:6

Lawi Pue Ala au mongkora, Nauli, “Hangko i kamakaindi, mesupami baa!”, Ia worimi au mampopesupa baa i lalunta, bona moisake peawana tuwona Pue Ala au tongawa i tuwona Kerisitu.

Galatia 5:5

Agaiana ikita halalu, anti peninina Inao Malelaha, meharungake i Pue Ala au mopamanotoke i peitaNa anti pepoinalainta i Kerisitu Yesu. Hai batena iti au taharunga.

Epesu 1:11

Pue Ala mobabehi hinangkana moula peundeaNa hai pobotusiNa haduduaNa. Napileimoke hai Napakanotomi kaikitana au mewali taunaNa anti pohintuwuta hai Kerisitu.

Epesu 1:7

Hai wahena Pue Yesu au mabubu i kapateNa, tehompokimoke hangko i huku dosanta, lempona naampungimi Pue Ala hinangka dosanta, hangko i kabulana laluNa au mahile.

Epesu 2:12

I tempo iti, barakau mohintuwu hai Kerisitu. Ikamu tauna au tepairaoa; barakau teimba to Yahudi au napileihe Pue Ala mewali taunaNa. Bara ara kirami i lalu dandina Pue Ala i to Isaraeli. Tuwokau i dunia ide, bara ara peharungami, hai barakau moisa Pue Ala.

Epesu 3:16

Mekakaena i Pue Ala au mahile kuasaNa bona hangko i kuasaNa au mahile iti, Napakaroho lalumi hai InaoNa,

Epesu 3:8

Hangko i ope-ope tauna au mepoinalai i Pue Yesu, ikomi au tepaiwoi tuwongku. Nauri nodo, anti kabulana laluna Pue Ala, Napileimona bona mobambarina Ngkora Marasa i tauna au barahe to Yahudi kana i kamahilena pewati au bara tehoka au tahumba hangko i Kerisitu.

Epesu 4:1

Halalu, nihadimi ope-ope paturongku. Ide iko, au ratarunggu anti pobagongku i Pue Ala, kuperapi mpuu irikamu bona mobabehikau apa au hintoto rababehi anana Pue Ala, lawi Nakakiomokau mewali anaNa.

Epesu 4:4

Ikita ope-ope au mepoinalai i Yesu Kerisitu, nodo peake hawata-wata, hai hadua pea Inao Malelaha au mampaidaike. Hai himbela wori peharunganta ope-ope, lawi nakakiomoke Pue Ala mewali anaNa.

Epesu 5:8

Hangkoia, makaindi mani lalumi, agaiana ide-ide mabaami lalumi anti pohintuwumi hai Pue. Mewali, hangangaa tuwokau i lalu kamabaa.

Pilipi 3:14

Iko nodona hadua tauna au momberiri melangka: barapi kupembalilingi apa au i taleungku, melangka liliuna monontohi au kutunggai. Kupari-pari moula peundeana Pue Ala bona molambina parasee penangi au naweina Pue Ala i suruga, ido hai pane Nakakiona mohintuwu hai Kerisitu Yesu.

Kolose 1:12

Mekakaengkai bona matana lalumi hai mangulikau ngkaia kamaroana i Umanta, lawi Iami au mampopewalikau anaNa, alana hintotokau molambi kirami hihimbela hai ope-ope taunaNa i lalu poparentaNa au mabaa.

Kolose 1:23

ane mepoinalai liliukau, mantahakau, hai barakau mampogiangaa tauna mopakanawokau. Mewali halalu, hangangaa nipakaroho peulami i paturo au nihadimi. Ineekau mokabaha peharungami i apa au nadandiamokau Pue Ala i lalu Ngkora Marasa. Ngkora Marasa iti rabambarimi i humalele dunia. Hai iko wori, mewalina hawina Pue au mopahawe Ngkora Marasa iti.

Kolose 1:27

Apa au tewuniangi hangkoia, ide-ide Naunde Pue Ala mopatongawa i taunaNa, iami noumba kamaroana hai kameawana tunggaiaNa irikamu au barakau to Yahudi. TunggaiaNa iti iami bona Kerisitu maida i lalumi, bona manoto kamolambimi wori katuwo au meawa hihimbela hai Pue Ala.

Kolose 1:5

Pepoinalaimi hai ahimi maroho, lawi meharunga mpuukau i apa au Napasilolongaakau Pue Ala i suruga, nodo au nihadimi i lalu paturo au tou au rapahaweamokau, iami, Ngkora Marasa.

Kolose 2:2

Tunggaiaku bona maroho lalumi hai mombepokaahikau, alana mohintuwukau hadua hai hadua. Peundeaku bona tongawa i lalumi tunggaiana Pue Ala au tewuniangi hangkoia hai bara bata-bata lalumi; tunggaiaNa iti bona moisakau Kerisitu.

Kolose 3:15

Pue Ala mokakiokau hai Napopewalikau hawata-wata anti pohintuwumi hai Kerisitu. Mewali, nipakaroho liliu kahintuwumi au hangko i Kerisitu. Hai niuli liliu ngkaia kamaroana i Pue Ala.

1 Tesalonika 2:12

bona babehiami moula peundeana Pue Ala. Lawi Pue Ala mokakiokau mewali taunaNa i lalu poparentaNa bona molambikau kirami i lalu peawana tuwoNa.

1 Tesalonika 5:8

Agaiana ikita ide iamoke tauna au ara i kamabaa; ido hai pekirinta hangangaa manoto. Hangangaa mepoinalai liliuke i Pue Ala hai hangangaa mampokaahike ranganta, hangangaa tapakaroho peharaunganta i kaNahoremanta Pue Ala. Itimi parewa pombeala au ina tapolaba moewa kamakaindi.

2 Tesalonika 1:11

Idomi hai kipekakaea liliukau halalu. I pekakaengki kiuli node: “O Pue Ala Umangki! Kiperapi bona Nupopewali tunggaiaMu i lalu katuwonda to Tesalonika duuna Nuimbahe tauna au hintoto rauli taunaMu, lawi Nupileimohe. Kiperapi bona anti kuasaMu, Nupopewali ope-ope tunggaianda au maroa, hai Nupahandai hinangkana au rapobago anti pepoinalainda i Pue Yesu.”

2 Tesalonika 2:16

Pue Ala motudungiake ahiNa, hai mopakaroho lalunta hawe i hae-haena, hai Naweike peharunga au maroa anti kabulana laluNa. Ido hai mekakaengkai i Amputa Yesu Kerisitu hai Pue Ala Umanta bona Napakaroho hai Napatetida lalumi bona maroa ope-ope lolitami hai babehiami.

1 Timotiu 6:12

Nupari-pari bona tuwoko hintoto hai apa au nupoinalai, hai nupakaroho pepoinalaimu au moantiko i katuwo maroa au bara mokahopoa. Lawi itimi tunggaiana Pue Ala mokakioko mewali taunaNa bona molambiko katuwo maroa au bara mokahopoa hai au nupangakumi i lindonda tauna bosa, kamepoinalaimu i Pue Yesu.

Titu 2:13

Lawi ide-ide, tanganta mampegia alo pewalina apa au taharunga, iami alo au buke katana-tana. I tempo iti, ope-ope tauna ina moita kuasana Pue Ala au mahile tuwoNa, hai Datu Topehoremanta, iami Yesu Kerisitu.

Titu 3:7

Tunggaiana Pue Ala mobabehi nodo irikita bona hangko i kabulana laluNa, Naimbamoke tauna au manoto bona molambike katuwo maroa au bara mokahopoa, nodo au Nadandimi i ope-ope tauna au Napoana.

Ibarani 10:32

Nikatuinao, halalu, noumba katuwomi hangkoia i pepongkami mepoinalai i Pue Yesu. I tempo iti, narumpakau ngkaia kapari anti peulami i Pue. Agaiana nauri nodo, barakau mousuli; mia-mia maroho liliu pepoinalaimi.

Ibarani 6:4

Lawi tauna au raoaka mousuli hangko i pepoinalainda, barapohe peisa ranini hule bona menosohe hangko i dosanda. Lawi hangkoia, maidahe i lalu kamabaa, matana lalunda modoko pewatina Pue Ala, hai lalunda nakuasai Inao Malelaha;

1 Peturu 1:3

Tatoiami Pue Ala, Umana Amputa Yesu Kerisitu! Anti kamahilena ahiNa, Naweimoke katuwo au wou, hai katuwo au wou iti tahumba hangko i katuwona hule Yesu Kerisitu. Ido hai maroho peharunganta.

1 Peturu 3:9

Ane ara tauna au mobabehi dake irikamu, inee nihurungi. Ane rakakabosaikau, inee worihe nikakabosai. Agina babehianda au kadake iti nihurungi hai pekakae au mamperapiahe pewati hangko i Pue Ala. Lawi Pue Ala mokakiokau mewali taunaNa bona molambikau pewati hangko Iria.

1 Peturu 5:10

Hai ane liumi kapari au hampalai iti, Pue Ala ina mopahandai apa au makura irikamu. Lempona, Ia ina mopakaroho pepoinalaimi, mopamanoto tuwomi hai mopatetida lalumi. Lawi Pue Ala iami pongkana ope-ope ahi. Ia mokakiokau mewali anaNa bona anti pohintuwumi hai Kerisitu, ina molambikau kirami i lalu kamahilena tuwoNa au bara mokahopoa.