3 Yohane 1:8 - Sura Malelaha

⁸ Mewali, hintoto mpuuhe tatulungi, lawi ane tababehi nodo, lempona mobago sambelake i lalu pobagonda moanti bambari au tou.

3 Yohane 1:8 Mawu Ofanana

Matiu 10:14

Ane ara ampu sou ba ampu boea au barahe modokokau ba au barahe mounde mampehadingi lolitami, nipalehi sou ba boea iti, hai nitaronta awu au mentaka i palanta bitimi, iti tandana barapi ikamu au mohuru ane Pue Ala mohukuhe.

Matiu 10:40

Hema au modokokau, himbelami Iko au nadoko. Hema au modokoNa, himbelami Pue Ala au nadoko, lawi Ia au motuduNa.

Lukasi 11:7

Agaiana ia mehana node: ‘Ineena nusalempori. Tegilimi baba. Iko hai anangku, leta hahamongkai. Lohemona mearo. Barako peisa kuwei ba apa-apa.’

2 Korintu 6:1

Mewali, ikami ide, hampopobagongkai mopahawe NgkoraNa Pue Ala i tauna. Ido hai kiperapi mpuu halalu bona inee nikakahakei kamaroana laluna Pue Ala au nidokomi.

2 Korintu 8:23

Ane arahe tauna au mekune kana i Titu, niuli iami rangangku au hampopobago au kutudu lao motulungikau. Hai ane arahe au mampekune kana i rangana au rodua, ihirami tauna au ratudu jumaa inde bona laohe motulungikau i bagomi. Tauna ide mampomahile hangana Kerisitu.

Pilipi 4:3

Hai kuperapi irikamu rangangku hampopobago (Sunsugos) au tetida lalumi, nitulungi wohiraia towawine au rodua iti bona ineehe mosisala. Tangangku mani hihimbela hai ikamu, madotahe mamporangaina mopahawe Ngkora Marasa hihimbela hai Klemens hai rangangku au ntanina au hampopobago. Hanganda ope haha teuki i lalu Sura Ngkatuwo.

Kolose 4:11

Tabeana wori Yesu, au rahanga wori Yustus. Hangko i ope-ope to Yahudi au mepoinalai i Pue Yesu, ihira pea talu ide au mobago hihimbela hai iko mampopolumao bago poparentana Pue Ala hai mopakarohohe lalungku.

Pilemo 1:2

Kipakatu wori i Apia, halalungki towawine au kipokaahi, hai i Arkipus, halalungki au hampopobago, hai i ope-ope jumaa au moguluhe i soumi.

Pilemo 1:24

Tabeanda wori halalungku au hampopobago, iami Markus, Aristarkus, Demas hai Lukasi.

3 Yohane 1:10

Mewali, ane hawena irio, ina kutuntuako babehiana au kadake. Nasalai liliungkai agaiana pesalaina iti bara tou. Hai bara ido pea babehiana. Ane halalunta au mobambari Ngkora Marasa mehupehe i boeami, barahe nadoko, hai mokonto worihe tauna bona ineehe modoko tauna iti. Hai hema pea au modokohe topoanti Ngkora, napopelohohe hangko i jumaa iti.

3 Yohane 1:7

Lawi halalunta iti, mampopolumaohe bagona Pue Yesu. Hai barahe molambi apa-apa hangko i tauna au bara mepoinalai i Pue.

3 Yohane 1:9

Ara hambua surangku au kupakatu i hambua jumaa, paidaana Diotrepes. Agaiana Diotrepes bara mampeulai lolitangku, lawi napeinao ia pea au moatoro tauna.