2 Timotiu 4:21 - Sura Malelaha

²¹ Nupari-pari mai hangko damani hawe tempo makuli! Tabeanda wori Ebulus, Pudes, Linus hai Klaudia, hai hangko i ope-ope halalunta hampepepoinalai au arahe inde.

2 Timotiu 4:21 Mawu Ofanana

Lukasi 12:58

Agina nibotusi sadudua apa au maroa i tempona mani ara katepakami. Ane rapana, ara hadua tauna au mampeinao mosalaiko i lindona tadulako boea, hangangaa modamekau. Lawi ane barakau modame, ina naanti mpuuko lao i topebotusi, hai topebotusi iti ina mohuhuko i pulisi, hai pulisi ina mampopesuako i lalu tarunggu.

1 Korintu 16:20

Ngkaia tabea hangko i ope-ope halalumi inde. Ane mohidupakau i paminggu, mombetabe-tabe mpuukau hangko i lalumi.

2 Korintu 13:13

Kiharunga Pue Yesu Kerisitu mowatikau, Pue Ala mampokaahikau, hai Inao Malelaha mamporangaikau ope-ope. Hangko iriko PAULU

Pilipi 4:22

Ope-ope to Sarani i wanua ide, pelumbunami au arahe i souna Kaisar, mopakatu worihe tabeanda irikamu, halalu.

2 Timotiu 1:4

Ane kukatuinao poteriamu i pogaanta, mabila mpuuna irio, ido hai kupeinaoko kuita bona tepabukei kamatanangku.

2 Timotiu 4:13

Kuperapi wori bona nuantiana mai badu makumbaku au kupalehi i wanua Troas i souna Karpus. Nuantia worina mai sura-surangku au inditi, pelumbuna sura au rababehi hangko i koli.

2 Timotiu 4:9

Timotiu, kuperapi bona maina nusondaki holiga.

Titu 3:12

Ane hawe Artemas ba Tikikus au kutudu lao irikamu, nupari-pari mampohidupaana i boea Nikopolis, lawi kubotusimi maida liliu inditi i tempo makuli.

2 Yohane 1:13

Ngkaia tabea hangko i ananahe halalumu au inde au napilei Pue Ala. Hangko iriko, YOHANE

3 Yohane 1:14

Lawi kuharunga barapi mahae ina mohidupa mbulike bona ara katepakanta mololita sambela.