2 Timotiu 4:11 - Sura Malelaha

¹¹ Batena pearai Lukasi au hihimbela hai iko. Ane maiko, moropoliuko mai Markus nuporanga, lawi ia peisa motulungina i lalu bagongku.

2 Timotiu 4:11 Mawu Ofanana

Matiu 19:30

Agaiana bosa tauna au tepaioruami tuwonda ide-ide ina mewali tepaibokoa i alo au ina mai. Hai bosa wori tauna au tepaibokoa tuwonda ide-ide ina mewali tepaiorua i alo au ina mai.”

Matiu 20:16

Napahopo Yesu ngkora pandiri iti, Nauli, “Nodo wori i alo pebotusi: bosa tauna au tepaibokoa tuwonda i tempo ide ina mewali tepaiorua i alo au ina mai. Hai bosa wori tauna au mahile tuwonda i tempo ide ina mewali tepaibokoa i alo au ina mai.”

Lukasi 13:30

Kahopoana, tauna au tepaibokoa ina mewali tepaiorua. Hai tauna au tepaiorua ina mewali tepaibokoa.”

Suro 12:12

Roo indo, laomi Peturu i souna Maria, inana Yohane au rauli wori Markus. I sou iti, bosahe tauna teruhu mekakae.

Suro 12:25

Roomi bagonda Baranaba hai Saulu i Yerusale, mesulemohe lao i Antiokia, hai Yohane au rauli wori Markus raanti hihimbela hai ihira.

Suro 15:37

Baranaba mampeinao moanti Yohane au rauli Markus i polumaonda iti,

Suro 15:39

Mewali, mombehanaimohe Paulu hai Baranaba, alanda mogaa. Baranaba mangala Markus naporanga, hai mesawimohe i kapala tahi lao i lewuto Siprus.

Suro 16:10

Karoona Paulu moita pampetudungia iti, mangkadipurangkai hai hoholigangkai lao i tampo Makedonia, lawi manotomi kanatudungki Pue Ala mobambari Ngkora Marasa i tauna au arahe inditi.

Kolose 4:10

Aristarkus, rangangku ratarunggu, mopakatu tabeana irikamu. Markus halaluna Baranaba, mopakatu wori tabeana. (Nikatuinao apa au kuperapi hangkoia bona ane hawe Markus deade, nidoko maroa!)

Kolose 4:14

Tabeana wori Dokter Lukasi au tapokaahi, hai hangko i halalunta Demas.

2 Timotiu 1:15

Nuisato, rapalehimona ope-ope to Sarani i propinsi Asia, tepesuahe Figelus hai Hermogenes.

2 Timotiu 2:21

Mewali, ane mokabahake babehianta au kadake, mewalike nodo parewa au maroa, au rapake modoko torare au rabila. Lempona, mewalike topobago au malelaha hai au mobundu i Pue, hai masilolonga peamoke mampopolumao hinangkana bago au maroa.

Pilemo 1:24

Tabeanda wori halalungku au hampopobago, iami Markus, Aristarkus, Demas hai Lukasi.

1 Peturu 5:13

Tabea hangko i halalumi hampepepoinalai au arahe inde i wanua Babilon au napilei worihe Pue Ala nodo ikamu. Markus au kupoanami, mopakatu wori tabeana irikamu.