2 Timotiu 2:3 - Sura Malelaha

^3-4 Hangangaa masilolonga woriko mohalea kapari nodo iko, anti pobagomu i Kerisitu Yesu. Tauna au mampopolumao bagona Pue peisa rapandiri nodo hadua surodado au hangangaa mampeulai liliu hawana tadulakona. Kehapiri molambi kapari, bara mengkaroo mobago. Hai bara wori mokadipura liliu pea urusiana haduduana, lawi napeinao mopamatana laluna tadulakona.

2 Timotiu 2:3 Mawu Ofanana

Suro 23:31

Karoona Kapala tadulako surodado mouki sura iti, lao mpuumohe surodadona moula hawana toiwongkonda. Kaindi iti, raantimi Paulu lao i wanua Antipatris.

1 Korintu 13:7

mantahake i lalu hinangka kapari, mepoinalai liliuke, meharunga liliuke, hai sabara liliuke kehapi apa pea au morumpake.

1 Korintu 9:7

Ara pae hadua surodado au moongkosoi watana haduduana ane lao mombeala? Hintoto mpuu ane ope-ope tauna molambi kiranda hangko i pobagonda. Tauna au mowia, peisahe maande wua tuda-tudanda. Tauna au mamporewu dimba, peisahe moenu susu hangko i porewunda.

2 Korintu 1:6

Ane narumpangkai kapari, kapari iti kihalea bona mopakarohongkai lalumi hai bona molambikau katuwo maroa. Mewali, karoho lalu au kihumba hangko i Pue Ala, ina kipake wori mopakaroho lalumi bona sabarakau hai mantahakau mantodiha i lalu kapari nodo au kihumba

1 Timotiu 1:18

Timotiu, anangku! Kuperapi bona nupeulai paturongku au kupahaweako ide. Hangangaa nupailalu lolitanda tauna au motadulakoiko i lalu pepoinalaimu, au mopakaroho lalumu hai au mopaturoko. Nupailalu paturonda iti bona maroho pampopolumaomu bago au nukingki nodo hadua surodado au keate mombeala.

2 Timotiu 1:1

Sura ide hangko iriko Paulu, kupakatu hawe irio Timotiu, anangku au kupokaahi. Naangkamona Pue Ala mewali surona Kerisitu Yesu moula peundeana, bona moantina Ngkora Marasa i ope-ope tauna. I lalu Ngkora Marasa iti, Pue Ala modandi node: hema au mepoinalai i Kerisitu Yesu, batena molambi katuwo maroa au bara mokahopoa. Kuharunga Pue Ala Umanta hai Pue Yesu Kerisitu mowatiko, hai Napatongawaako ahiNa hai moweiko roa ngkatuwo.

2 Timotiu 1:8

Ido hai kuweiko lolita bona ineeko maea mewali sabina Pue Yesu, hai inee woriko maea manguli kaikona rangamu nauri ratarungguna anti pobambaringku Ngkorana Pue. Mewali oio wori hangangaa masilolonga mohalea kapari anti pobagomu mobambari Ngkora Marasa. Pue Ala moweiko roho mohalea kapari iti.

2 Timotiu 2:10

Ido hai kubuku mohalea ope-ope kapari ide bona tauna au napileimohe Pue Ala ina mampehadingi hai mampoinalai Ngkora Marasa iti duunda molambi katehorema hai katuwo meawa au bara mokahopoa anti pohintuwunda hai Kerisitu Yesu.

2 Timotiu 2:9

Anti popahawengku Ngkora Marasa, ido hai narumpana kapari, duuna ratakana inde i lalu tarunggu nodo hadua tauna au kadake. Agaiana Ngkorana Pue Ala bara tetaka.

2 Timotiu 3:11

Nuitami kamantahaku i pepopeahi-ahi hai kapari au morumpana i wanua Antiokia, i Ikonium hai i Listra. Rumihi mpuu kapari iti! Agaiana nakabahana Pue hangko i hinangka kapari iti.

2 Timotiu 4:5

Timotiu, kuweiko lolita bona nuisa morempeki peundeana lalumu. Mantahako mohalea kapari. Mobambari liliuko Ngkora Marasa, hai nupahopo maroa ope-ope bago au naweimoko Pue.

Pilemo 1:2

Kipakatu wori i Apia, halalungki towawine au kipokaahi, hai i Arkipus, halalungki au hampopobago, hai i ope-ope jumaa au moguluhe i soumi.

Ibarani 10:32

Nikatuinao, halalu, noumba katuwomi hangkoia i pepongkami mepoinalai i Pue Yesu. I tempo iti, narumpakau ngkaia kapari anti peulami i Pue. Agaiana nauri nodo, barakau mousuli; mia-mia maroho liliu pepoinalaimi.

Ibarani 11:27

Anti pepoinalaina, Musa mopalehi tampo Masiri; ia bara langa i karumpuna datunda to Masiri. Musa mantaha i lalu kapari, nodo au moitami Pue Ala, au bara raita.

Ibarani 6:15

Burahima mepoinalai liliu i Pue Ala duuna molambi apa au Nadandia Pue Ala.

Yakobu 1:12

Morasihe tauna au mantaha i lalu kapari hai pampetandaka. Lawi ane pepoinalainda mantaha i pampetandaka iti, ina molambihe katuwo au bara mokahopoa au nadandimi Pue Ala i tauna au maahi Iria.