2 Timotiu 2:19 - Sura Malelaha

¹⁹ Nauri nodo, Ngkorana Pue Ala batena maroho peangkana. Ngkorana Pue Ala rapandiri nodo haogu watu au bara ina tedua. I lalu Ngkorana Pue Ala teuki node, “Pue moisa hema au Napilei mewali anaNa,” hai, “Hema-hema au mopangaku kaYesuna Ampunda, hangangaa mokabahahe babehianda au kadake.”

2 Timotiu 2:19 Mawu Ofanana

Matiu 24:24

Lawi ina hawe bosa tauna au mepakanawo au manguli Datu Topehompohe ba nabihe. Ina mobabehihe tanda kuasa hai tanda au metingkarai bona mopakanawohe bosa tauna. Ane peisa, mogalo tauna au napilei Pue Ala, rapakanawo wori.

Matiu 28:19

Mewali, laomokau i humalele dunia, nipopewalihe ope-ope tauna topeulaNgku, niriuhe i lalu hangana Uma hai Ana hai Inao Malelaha

Matiu 7:23

Ina Kuhanaihe: ‘Barakau Kuisa! Pelohokau hangko inde, ikamu au kadake babehiami.’ ”

Matiu 7:25

Toa uda, meumbalami owai, hai angi morumpa sou iti, agaiana bara mapoka, lawi raaro i wongko watu au maroho.

Markus 12:16

Hangko inditi, rahuhua hampeka doi pera. Nadokomi Yesu hai Napekune, “Lenggena hema hai hangana hema au ara i doi ide?” Rahanai, “Lengge hai hangana Kaisar.”

Markus 13:22

Lawi ina hawe bosa tauna au mepakanawo au moulihe kaihirana Datu Topehompo, ba au mouli kaihirana nabi. Ina mobabehihe tanda kuasa hai tanda au metingkarai bona mopakanawohe bosa tauna. Rapari-pari wori ane peisa, maitu tauna au napileimohe Pue Ala mewali taunaNa, rapakanawo wori.

Lukasi 13:27

Agaiana ina nahanaikau ampu sou: ‘Barakau kuisa, hai bara wori kuisa kahangko iumbami mai. Pelohokau hangko inde, ikamu ope-ope au kadake babehiami.’

Yohane 10:14

Ikomi toporewu au maroa. Nodo UmaNgku moisaNa hai Iko moisa UmaNgku, nodo wori Iko moisa dimbaKu, hai dimbaKu moisaNa. TuwoNgku Kukira bona dimbaKu tuwohe.

Yohane 13:18

Apa au Kupololita inona, barakau nakanai ope-ope. Hema-hema au Kupilei Kuisa, amimi poampena. Agaiana hangangaa tepabukei apa au teuki i lalu Sura Malelaha au manguli: ‘Hadua tauna au maande hihimbela hai Iko, ia au ina mampoiwaliNa.’

Yohane 3:33

Tauna au mampoinalai lolitaNa, mopangaku katouna Pue Ala.

Suro 11:26

Kanalambina, naporangami lao i Antiokia hai maidahe inditi hampare kamahaena. Teruhuhe inditi hihimbela hai tauna au mepoinalai i Yesu, hai mopaturohe tauna bosa. Inditimi nguru-nguruna, tauna au mepoinalai i Yesu rauli to Sarani.

Suro 15:17

bona ope-ope tauna ntanina au barahe to Yahudi peisa worihe menomba Iriko, lawi Kukakiomohe mewali taunaNgku.’

Suro 9:14

Ia hawe inde, lawi iria ara sura kuasa hangko i kapala tadulako mpenomba bona mohakahe ope-ope tauna au mepoinalai Irio Pue.”

Roma 11:2

Pue Ala bara motende tauna au Napileimi hangko i nguru-nguruna. Nikatuinao tuntukana nabi Elia au teuki i lalu Sura Malelaha. Elia mosalai to Isaraeli i Pue Ala, nauli,

Roma 12:9

Nipokaahi rangami hangko i kabulana lalumi, nikaraohi babehia au kadake, hai nibabehi au maroa.

Roma 15:20

Idemi peundeaku bona moanti liliuna Ngkora Marasa i tampo ntanina au bara manihe mohadi hangana Kerisitu. Bara kuunde moaro sou i wongko watu au naaro tohaduana.

Roma 15:9

Kamaina Kerisitu i dunia ide, Ia mobungkahi rara bona tauna au barahe to Yahudi peisahe molambi katuwo maroa, hai motoiahe Pue Ala anti kamaroana laluNa irihira. I lalu Sura Malelaha ara lolita au teuki node: “O Pue Ala, kupomahileKo i olonda tauna au barahe to Yahudi. Monanina motoia hangaMu.”

Roma 8:28

Taisami ide-ide Pue Ala mobago wori i paka-pakana bona mopaara roa ngkatuwo i ope-ope tauna au mampokaahi Pue Ala, iami i tauna au Nakakio hintoto hai tunggaiaNa.

Roma 9:11

Hangko damanihe rodua anangkoi iti mesupa hai raisa mobabehi apa pea au maroa ba au kadake, Napileimohe Pue Ala dati rauli Napileihe anti babehianda agaiana Napileihe moula peundeaNa haduduaNa.

1 Korintu 8:3

Agaiana tauna au tou-tou mampokaahi Pue Ala, naisa Pue Ala lalunda.

2 Korintu 7:1

Halalu-halalu au kupokaahi, anti kanaweinta Pue Ala dandiNa iti, ido hai hangangaa takabaha hinangkana au moantike i babehia au kadake, maroa au i watanta ba i lalunta. Hangangaa mampeulai mpuuke peundeana Pue Ala, hai hangangaa langake mobabehi apa pea au bara moula peundeaNa.

Galatia 4:9

Agaiana ide-ide moisamokau Pue Ala. Moleri Pue Alami au ioru moisakau! Mewali, moapari hai moula hulekau ada hai hinangka kuasa dunia ide? Nipeulai ope-ope ada agama to Yahudi, mokadipurakau alo, wula hai pare au rapakanoto i lalu Aturana Musa. Ada hai atura iti bara mopaara pewati, hai barakau ina tekabaha hangko i dosami anti peulami i atura iti. Mewali, moapari hai nipeulai hule ada iti?

Epesu 2:20

Ikita au mepoinalai i Yesu peisake rapandiri nodo sou au naaro Pue Ala. Surona Pue Yesu hai nabi-nabi, ihirami ariina. Hai Kerisitu Yesu, iami watu pohudaa sou.

Epesu 3:15

Iami pongkana hinangka au ara, maroa i dunia maroa i suruga.

Epesu 4:30

Nikampai babehiami datikau mopakasusa Inao Malelaha au naweikau Pue Ala. Nikatuinao, Inao Malelaha iami pampekatandaina Pue Ala i lalumi au mopakanoto kaikamuna taunaNa. Anti kaarana Inao Malelaha i lalumi, niisa kaina hawena tempona Pue Ala mokabahakau hangko i dunia au kadake ide.

1 Timotiu 3:15

bona ane rapana mahae manina pane hawe irio, nuisa babehia au hintoto i ope-ope taunana Pue Ala. Lawi ikita ide, menombake i Pue Ala au tuwo i hae-haena. Ikita au mokingki paturo au tou au hangko i Pue Ala. Maroho mpuu pepoinalainta i paturo iti, hai takampai paturo iti bona dati ara au mobaliki.

1 Timotiu 6:19

Lawi ane nodo babehianda, himbela peahe hai morampu anu-anu au maroa i lalu suruga, hai batena molambihe katuwo au maroa ntepuu.

Ibarani 11:10

Lawi Burahima tangana mampegia hambua wanua au maroho pohudaana, au napopewali hai au naaro mpuu Pue Ala.

2 Peturu 3:14

Mewali halalu au kupokaahi, tangami mampepegia alo iti, nipari-pari meula i Pue bona maroa pohintuwumi hai Ia, hai bona bara ara kamasalami ba kamaeami ane hawekau i lindona Pue Ala.

1 Yohane 2:19

Tauna au mampoiwalihe Kerisitu iti arahe i olonta hangkoia, agaiana katouana barahe ranganta. Ido hai padumohe mopatani hangko irikita. Ane rapana tou-tou rangantahe, kemia-miahe taporanga. Agaiana megaakimohe hangko irikita, ido hai manoto kadanda mpuu huba hadua au himbela hai ikita.

Pampetudungia 17:8

Hangkoia tuwo, hai ide-ide barapi ara, agaiana ina mesuwu hule hangko i kabe ngkapate au bara tehoka kakaladuna. Hai roo indo, ina rahuku mate. Tauna au maida i dunia au bara teuki hanganda i lalu Sura Ngkatuwo hangko damani dunia rapopewali, ina tingkarahe moita binata iti. Lawi hangkoia tuwo, ide-ide barapi ara, agaiana hambela tempo ina hawe hule.

Pampetudungia 2:13

Nauli: Kuisa iumba paidaami. Maidakau i wanua pohudaana Datu Tokadake. Agaiana nipangaku liliuNa. I karapapatena sabiNgku Antipas, bara nisapuaka kanipoinalaiNgku. Antipas iti iami sabiNgku au mopangaku liliuNa duuna rapapate i boeami au nakuasai Datu Tokadake.

Pampetudungia 21:14

Bente wanua iti raaro i wongko watu au hampulo hai roogu, hai i haogu-haogu watu iti, teuki hanganda hadua surona Ana Dimba au hampulo hai rodua.

Pampetudungia 22:4

hai raita lindoNa. Hangana Pue Ala teuki i wingkenda.

Pampetudungia 3:8

Nauli: Kuisa apa au nibabehi. Peita, Kubungkahiakau baba hai barapi ara au peisa motuko, lawi nauri haodi pearai kamarohomi, lolitaNgku nipeulai hai bara mpuu nisapuaka kanipoinalaiNgku.