2 Timotiu 1:15 - Sura Malelaha

¹⁵ Nuisato, rapalehimona ope-ope to Sarani i propinsi Asia, tepesuahe Figelus hai Hermogenes.

2 Timotiu 1:15 Mawu Ofanana

Suro 16:6

Inao malelaha mohombokihe Paulu hai rangana lao mopahawe Ngkorana Pue Ala i propinsi Asia. Ido hai tebalikimi tunggaianda, hai laomohe mampolumaongi tampo Frigia hai Galatia.

Suro 19:10

Idomi bagona i lalu rompare, duuna ope-ope tauna i propinsi Asia mohadihe Ngkorana Pue, maroa to Yahudi maroa au bara to Yahudi.

Suro 19:27

Mewali halalu, au tapokalanga ntepuu: inee deade bagonta ide barapi raunde tauna. Bara ido pea, agaiana sou penombaata i anitu towawine Artemis barapi ina tepomahile, duuna hangana Artemis au makuasa barapi rabila. Moleri anitunta ide iami au rapenombai ope-ope tauna i Asia hai i humalele dunia.”

Suro 19:31

Ara worihe bahangkia tuana (himadana Paulu i propinsi Asia) au motudu tauna mouliangaa Paulu bona inee lao i poteruhua mahile.

Suro 2:9

Lawi arake hangko i tampo Partia, Media, Elam, hangko i Mesopotamia, Yudea hai Kapadokia. Arake au hangko i Pontus hai Asia,

Suro 20:16

Paulu mopakanoto kadangki hampai mehupe i wanua Epesu dati gagangkai mahae i propinsi Asia. Ia mopahumpe polumaongki, lawi naunde polo hawe i Yerusale hangko damani hawe alo mahile au rahanga Pentakosta.

1 Korintu 16:19

Ope-ope jumaa au ara i propinsi Asia mopakatuhe tabeanda irikamu. Akwila hai Priskila hihimbela hai ope-ope to Sarani au maminggu i sounda mopakatuhe tabeanda i lalu hangana Pue.

Pilipi 2:21

Ane au ntantaninahe, mampekiri peahe watanda haduduanda, barahe mampekiri peundeana Yesu Kerisitu.

2 Timotiu 4:16

Nguru-nguruna kara-karangku rapohuda-hudaa hangkoia, bara mpuu ara hadua au motulungina. Ope-opehe mopalehina. Mekakaena i Pue dati Nahurungi babehianda iti.