2 Tesalonika 1:3 - Sura Malelaha

³ Halalu-halalu, barangkai oha-oha manguli ngkaia kamaroana i Pue Ala anti kaikamuna. Hai hintoto mpuu kibabehi nodo, lawi kamaroho-rohoami pepoinalaimi i Pue Yesu, hai katetetambaiami ahimi i hangka rangami.

2 Tesalonika 1:3 Mawu Ofanana

Lukasi 15:32

Agaiana, hintoto mpuuke mosusa i katana-tana, lawi adimu au mate, tuwo hulemi. Matanta hangkoia, agaiana talambi hulemi.’ ”

Lukasi 17:5

Rauli topeguruNa, “Pue, pakarohoa wongkamia pepoinalaingki!”

Yohane 15:2

Ope-ope daa au tuwo Iriko au bara mowua, Nakadiri. Hai ope-ope daa au tuwo Iriko au mowua, Napakabaa hai Nakadipura bona tetambai powuana.

Roma 1:8

Ioru, mopahawena katana lalungku i Ampuku Pue Ala i lalu hangana Yesu Kerisitu, anti kaikamuna halalu, lawi tebambarimi i humalele dunia kamarohona pepoinalaimi i Pue Yesu.

1 Korintu 1:4

Halalu, barana mengkangkaroo manguli ngkaia kamaroana i Pue Ala anti kaikamuna, lawi Ia moweikau pewati hangko i kabulana laluNa anti pohintuwumi hai Kerisitu Yesu.

2 Korintu 10:15

Ikami barangkai nodo tauna itihe. Barangkai mampololita wua i raoa hangko i pobagongki au nakiraiangkai Pue Ala. Agaiana kiharunga halalu, ane tetambai kamarohona pepoinalaimi, ina tetambai wori kamahilena pobagongki i olomi,

Epesu 5:20

i hinangkana niuli ngkaia kamaroana i Pue Ala Umanta i lalu hangana Yesu Kerisitu Amputa.

Pilipi 1:7

Hintoto mpuu pekiringku nodo, lawi kupokakaiakau. I lalu bagongku au naweina Pue Ala hangko i kabulana laluNa, nidurei liliuna, maroa ide-ide tangangku i lalu tarunggu, maroa i tempoku mosabi hai mopakaroho katouna Ngkora Marasa.

Pilipi 1:9

Mewali, kupekakaeakau i Pue Ala, kuperapi bona tetambai liliu kamaahimi, hai tetambai wori kamapandemi moisa apa au tou, duuna manoto ntepuu lalumi.

1 Tesalonika 3:12

Kiperapi bona katetetambaia ahinda, alana mombepokaahi mpuuhe hadua hai hadua, hai mampokaahihe ope-ope tauna, nodo kamaahingki irihira.

1 Tesalonika 3:6

Mewali, ide-ide, Timotiu mesulemi inde, hai napahaweamongkai bambari au mopamatana lalungki. Nauli, “To Tesalonika iti, maroho mpuu pepoinalainda hai kamaahinda. Mabila worihe irikita, hai ikita ara liliu i lalunda. Nodo katapeinaona mampohidupaahe, ihira wori mampeinao mampohidupaake.”

1 Tesalonika 3:9

Rumihi kamatanangki anti kaikamuna, halalu. Mewali, apa au peisa kiuli i Pue Ala hangko i ope-ope katana au Naweingkai ide? Bara ara ntanina, batena pea kiuli ngkaia kamaroana i lalu pekakaengki i Pue Ala Umanta.

1 Tesalonika 4:1

Mewali halalu, kiperapi bona nipeulai ope-ope paturo au nihadimi hangko irikami bona babehiami moula peundeana Pue Ala. Katouana, ide-ide maroami babehiami. Agaiana anti kuasa au naweingkai Pue Yesu, kiperapi hai kipari-pariakau bona nitambai mbuli kamaroana babehiami.

2 Tesalonika 2:1

Kaliliuana halalu, kipeinao kiuliangaakau kana i kahawena hule Amputa Yesu Kerisitu, hai kana i kaina ragulunta bona hihimbelake hai Ia,

2 Tesalonika 2:13

Halalu-halalu au napokaahi Pue, hintoto mpuungkai manguli liliu ngkaia kamaroana i Pue Ala anti kaikamuna. Lawi Pue Ala mopileikau hangko i nguru-nguruna bona tehoremakau hangko i huku dosami anti pepoinalaimi i bambari au tou. Napileimokau bona Nahoremakau anti kuasana Inao Malelaha au mampopewalikau taunana Pue Ala au malelaha.

1 Peturu 1:22

Ide-ide, malelahamokau anti pampeulaimi paturo au tou, ido hai niisami mampokaahi halalumi hampepepoinalai i katou-touana. Mewali kuweikau lolita bona mombepokaahikau hadua hai hadua hangko i lalumi mpuu.

2 Peturu 1:13

Lawi kuisami barapi mahae ina hawe alongku, nodo au nauliangaana Amputa Yesu Kerisitu. Mewali, tempoku mani tuwo, hangangaa kupopaingaa liliukau ope-ope ide.

2 Peturu 3:18

Hangko i kabulana laluna Amputa Yesu Kerisitu hai kanoto lalu au Naweikau, hangangaa nipakaroho peulami Iria au mohoremake hangko i huku dosanta. Tatoiami Amputa mepongka ide-ide hawe i hae-haena. Amin. Hangko iriko, PETURU