2 Peturu 2:3 - Sura Malelaha

³ Guru au mepakanawo iti mohaoki peahe doi, mewali ina rapahaweakau lolita au rababehi haduduanda bona molambihe rasi hangko irikamu. Agaiana ara pehuku au mahaemi napasilolongaahe Pue Ala, hai karahukunda iti ina holiga mewali.

2 Peturu 2:3 Mawu Ofanana

Matiu 23:14

[Marugikau, guru agama hai toParisi! Lawi maroa i raoa peakau! Niuli motulungikau towawine tobemba au meahi-ahi tuwonda. Agaiana katouana nipakanawo peahe hai nirampaki sounda. Hai roo indo, mekakaekau mahae-hae motabungihi babehiami au kadake. Ido hai pane ina rahuku mantimikau!]

Lukasi 18:8

Bara! Batena holiga kaNatulunginta. Agaiana ane hawe suleNa, Iko, Ana Manusia, ara mani pae tauna au mepoinalai Kulambi i dunia ide?”

Lukasi 20:20

Mewali, mohaokihe tempo au maroa, hai motudumohe bahangkia tauna lao i Yesu mohaoki kamasalana lolitaNa bona peisa raanti lao i gubernur Roma hai rasalai i lindona. Tauna au ratudu iti, mengkamaroa peahe lawi tunggaianda mopakanawo Yesu.

Lukasi 22:47

Tangana mani Yesu mololita, unga peahe hawe tauna au bosa. Tauna iti naantihe Yudasi, hadua hangko i topeguruna Yesu. Kahawenda inditi, laomi Yudasi i Yesu, natabe hai naangki moula adanda to Yahudi.

Yohane 2:16

Roo indo, mouliangaahe topobalu-balu tadasi manggebodo, “Nianti ope-ope iti lao i raoa! Souna UmaNgku inee nipopewali sou pobalu-balua!”

Roma 16:18

Lawi tauna au nodo babehianda, barahe mampopolumao bagona Kerisitu Amputa; moula peahe peundeana lalunda. Hai lolita peroasinda au momi, mopakanawohe tauna au bara manihe moisa apa-apa.

2 Korintu 2:17

Agaiana ikami, barangkai nodo tauna au mohaoki peahe doi hangko i popahawenda Ngkorana Pue. Mopahawengkai Ngkorana Pue hangko i kabulana lalungki anti pohintuwuki hai Kerisitu moula tunggaiana Pue Ala au motudungkai mampopolumao bagoNa. Iami au mampetirongkai.

1 Tesalonika 2:5

Bona niisa halalu-halalu, barangkai mopahawe lolita au momi. Bara ara tunggaiaki au kadake bona molambingkai ba apa hangko irikamu. Pue Ala sabingki!

1 Tesalonika 5:3

I temponda tauna au barahe moisa Pue Ala manguli, “Maroa mpuu katuwonta, bara ara kalanganta,” unga pea hawe kapari mahile au morumpahe, nodo pantodihana hadua towawine au ina moana. Bara mpuu huba hadua au tekabaha hangko i kapari iti.

1 Timotiu 3:3

Bara peisa au malangu-langu ba au paka mobungka-bungka. Hangangaa au maalusu poantina, au mohintuwu hai rangana, hai au bara mohaoki pea doi.

1 Timotiu 3:8

Tauna au rapilei mewali diaken hangangaa nodo wori poantinda. Hangangaa manoto babehianda hai au hintotohe rabila. Barahe au mobatantimali ba au malangu-langu ba au mohaoki peahe doi.

1 Timotiu 6:5

hai pombembehehe. Pekirinda tauna iti barapi maroa, barahe moisa paturo au tou. Rauli, peisahe molambi rasi hangko i poagamanda.

Titu 1:11

Tauna iti hangangaa nukontohe, ineehe nupaliu mepaturo, lawi moantihe pepawuli hai pepaturonda au bara hintoto i tambi-tambina. Hai tunggaianda mepaturo bona molambi peahe rasi. Babehianda iti mepakaea mpuu.

Titu 1:7

Tauna au mewali penatua, ihirami au mokadipura bagona Pue Ala. Ido hai hangangaa nuangka tauna au bara ara au peisa rasalaia, au bara mampemahile ba au masodo, au bara malangu-langu ba topombetie ba au mohaoki pea doi.

1 Peturu 2:8

Tehubehe Iria, lawi barahe mampoinalai Ngkorana Pue Ala. Iti mewali moula apa au napakanotoamohe Pue Ala.

1 Peturu 5:2

Kuperapi bona nikadipura maroa halalumi hampepepoinalai i Pue Ala au ara i olomi. Lawi ihira iti nodo dimba au napoinalaiakau Pue Ala niporewu. Niporewuhe hangko i kamaluluna lalumi moula peundeana Pue Ala; inee nipobago iti nodokau au rapari-paria. Nikadipurahe hangko i kabulana lalumi. Inee peakau mohahaoki rasi.

2 Peturu 1:16

Kipaturoakau kamahilena kuasana Amputa Yesu Kerisitu hai kaina haweNa hule i dunia. Au kipaturoakau ide, bara pea lolita au rababehi. Kiisa apa au kipaturoakau, lawi kisabiki mata peawana tuwona Yesu.

2 Peturu 2:1

Hangkoia arahe nabi au mepakanawo i olonda tauna au meula i Pue Ala. Nodo wori ide-ide, batena ara worihe i olomi guru agama au mepakanawo. Ihira ina mopahawehe paturo au bara tou au mopakanawo tauna, hai pelumbunami mosapuakahe Amputa au mohompo dosanda. Anti pesapuakanda iti, mopakanawomohe watanda haduduanda. Tauna iti holi-holi kaina maropunda.

2 Peturu 2:9

Mewali, hangko i ope-ope pandiri au kupahawe inona, tongawami kuasana Pue Ala motulungi tauna au menomba Iria datihe napakanawo pekelo. Hai tongawa wori kuasaNa mohuku ope-ope tauna duuna hawe alo pebotusi.

Yudasi 1:11

Hurewumohe! Moula peahe rarana Kai hangkoia. Mampeulaihe babehiana Bileam, lawi nauri raisa babehianda masalami, batena iti au rababehi liliu, lawi mohaoki peahe doi. Nodo Kora hangkoia, ihira moewahe Pue Ala, hai batena Pue Ala ina mohuku mate worihe nodo Kora.

Yudasi 1:15

Ia ina mai mampohuda-hudaa kara-karanda ope-ope tauna, hai Ia ina mohuku ope-ope tauna au mosapuaka kuasaNa anti babehianda au kadake. Ope-ope tauna au bara mengkoru Iria ina Nahukuhe, hai ope-ope lolitanda au mepapakoi ina Nahurungiahe.”

Yudasi 1:16

Guru au mepakanawo iti mohume-hume peamohe hai mosasalaihe ranganda. Moula peahe peundeana lalunda au kadake. Anti ope-ope babehianda, mampemahilehe, hai moore-ore peamohe ranganda bona mohumbahe rasi.

Yudasi 1:4

Kuuli ope-ope ide lawi arahe guru agama au mesua i olomi au moantihe paturo au sala. Tauna iti mangulihe, kaihiranami halalunta hampepepoinalai, agaiana katouana barahe mengkoru i Pue Ala. Rauli wori, peisatoke mampeulai peundeana lalunta au kadake, lawi Pue Ala maahi laluNa. Paturo iti kadake, lawi mobalikihe paturo au tou kana i kabulana laluna Pue Ala, hai mosapuakahe Datunta hai Amputa, Yesu Kerisitu. Ia pea au hintoto tapengkorui. Guru au mepakanawohe iti, ina rahukuhe, lawi hangkoia ara mpuuhe nabi au mampololita kana i hukuanda au napakanotoahe Pue Ala.

Yudasi 1:7

Nikatuinao wori wanua Sodomo hai Gomora hangkoia hai boea ntanina au hungku. Ampu boea iti mobabehihe nodo au rababehi malaeka au kupololita inona. Mebualosihe, mobabehihe sala hai ngkaia babehianda au merikai, alana boeanda rahuwe. Pehukuna Pue Ala i to Sodomo hai to Gomora iti mewali pandiri i ope-ope tauna, hai peisa rapandiri nodo api au bara ara kahopoana au mohuku ope-ope tauna au kadake babehianda.