2 Peturu 2:13 - Sura Malelaha

¹³ Ina narumpahe pehuku hintoto hai babehianda. Babehianda tauna iti mepakaea mpuu. Mogalori mabaa, raunde mobabehi dake moula peundeana lalunda haduduanda. Ane maandehe hihimbela hai ikamu i posusami, mehiorohe moula peundeana lalunda. Ido hai rakakabosai worikau tauna ntanina.

2 Peturu 2:13 Mawu Ofanana

Roma 13:13

Nibabehi babehia au hintoto i kabaakana. Ineekau mosusa-susa hai malangu-langu. I babehia tobalilo hai towawine, ineekau mobabehi babehia au sala ba au moula peundeana lalunta au kadake. Ineekau mobungka-bungka ba mahina.

Epesu 5:27

bona mewalike tauanaNa au malelaha hai meawa, alana barapi ara kamasalanta hai kamakuranta i lindoNa.

Pilipi 3:19

Tauna au nodo batenda molambi pehuku i lalu naraka. Mampenombaihe peundeana watanda haduduanda. Mampomahilehe babehianda au mepakaea. Mopaioruhe katuwonda i dunia ide.

2 Timotiu 4:14

Mainga-ingako i Aleksander, topobabehi parewa hangko i tambaga, lawi Ia au moewa mpuuke bona dati ara tauna au mampoinalai paturonta. Ngkaia babehiana au kadake iriko. Babehiana iti ina nahurungi Pue.

Yakobu 5:5

Mampopeawamokau tuwomi hai matana-tana pearaikau i dunia ide; nodokau binata au mopakarudu watanda sadudua duuna hawe temponda rasambale!

1 Peturu 4:4

Agaiana ide-ide, rapowulimi rangami au hangkoia lawi barapohe niporanga mobabehi hinangka babehia au kadake. Ido hai rakakabosaimokau.

2 Peturu 2:15

Mehupemohe hangko i rara au tou, ido hai kadake babehianda. Moulahe rara au naporarai Bileam anana Beor hangkoia, lawi Bileam mohaoki pea doi au nahumba hangko i babehiana au kadake.

Pampetudungia 18:6

Wanua ide, rumihi kakadakena i tauna ntanina. Mewali, hangangaa rahurungi babehianda nodo au rababehi i tauna ntanina hangangaa rahurungi rombela hangko i ope-ope babehianda au kadake. Hangangaa rapaara i wanua ide pepopeahi-ahi au rombela karumihina hangko i pepopeahi-ahi au rababehi i tauna ntanina.