2 Peturu 1:10 - Sura Malelaha

¹⁰ Mewali halalu, lawi Napileimokau Pue Ala hai Nakakiomokau mewali taunaNa, hangangaa nipari-pari moula Pue Ala bona tongawa kaNapileimi hai kaNakakiomimi. Lawi ane nitambai pepoinalaimi hai babehia au kuuli inona, barakau ina manawo.

2 Peturu 1:10 Mawu Ofanana

Matiu 22:14

Napahopo Yesu ngkora pandiriNa hai lolita ide, “Bosa mpuu tauna au nakakio Pue Ala, agaiana haodi peahe au Napilei mewali taunaNa i lalu poparentaNa.”

Roma 11:29

Lawi ane Pue Ala mopilei hai mowati tauna, pewatiNa iti bara ina Nadii hule.

2 Timotiu 2:19

Nauri nodo, Ngkorana Pue Ala batena maroho peangkana. Ngkorana Pue Ala rapandiri nodo haogu watu au bara ina tedua. I lalu Ngkorana Pue Ala teuki node, “Pue moisa hema au Napilei mewali anaNa,” hai, “Hema-hema au mopangaku kaYesuna Ampunda, hangangaa mokabahahe babehianda au kadake.”

Ibarani 6:11

Agaiana kiperapi mpuu halalu, bona nipari-pari mopaliliu babehia iti duuna i kahopoana, bona mohumba mpuukau apa au niharunga hangko i Pue Ala.

Ibarani 6:19

Peharunganta ide nodo besi pantio kapala tahi au mewali pekingkiata au maroho bona dati marugi pepoinalainta. I lalu Souna Pue Ala, ara rindi bana au mohomboki rara manusia datihe peisa mesua i lalu Hologa au Malelaha Ntepuu. Agaiana ikita, barapi ara au mohomboki raranta hawe i lindona Pue Ala.

Yakobu 2:10

Hema au moliungi hampaka pea hangko i ope-ope Aturana Pue Ala, himbela pea hai moliungimi ope-ope Atura iti.

1 Peturu 1:2

Ikamu, napileikau Pue Ala Umanta lawi nodomi tunggaiaNa hangko i nguru-nguruna. Ia mopileikau, hai anti pobagona Inao Malelaha, mewalimokau kiraNa bona mengkorukau i Yesu Kerisitu hai Napamalelahakau hai waheNa. Kuharunga Pue Ala ina moweikau ngkaia pewati hai roa ngkatuwo.

1 Peturu 1:5

Hai anti pepoinalaimi, Nakampaikau Pue Ala hai kuasaNa hangko i ope-ope dake bona molambikau katehorema au ina Napatongawa i kahopoa dunia.

2 Peturu 1:3

Hangko i kuasaNa au mahile, Pue Ala moweike hinangka au taparaluu bona maroa katuwonta hai maroho peulanta Iria. Naweimoke ope-ope iti, lawi moisamoke Pue Ala au mokakioke mewali anaNa anti peawana tuwoNa hai kamaroana laluNa.

2 Peturu 1:5

Anti kamaroana Pue Ala irikamu halalu, ido hai hangangaa nipari-pari motambai pepoinalaimi hai babehiami au maroa. Hai babehiami au maroa iti, nitambai wori hai kanoto lalu.

2 Peturu 3:14

Mewali halalu au kupokaahi, tangami mampepegia alo iti, nipari-pari meula i Pue bona maroa pohintuwumi hai Ia, hai bona bara ara kamasalami ba kamaeami ane hawekau i lindona Pue Ala.

2 Peturu 3:17

Agaiana ikamu, halalu au kupokaahi, niisato ope-ope iti. Mewali, mainga-ingakau i guru agama au mepakanawohe, datikau raanti i lalu kamasalanda alana bata-bata lalumi kana i apa au nipoinalaimi.

Yudasi 1:24

Toiami Pue Ala au makuasa mokampaikau datikau manawo, hai Iami au mokampaikau bona malelaha liliukau duuna Naantikau lao i lindoNa au buke peawa i lalu katana-tana.

Pampetudungia 22:14

Morasihe tauna au mobahoi hampinda hawe maitu, lawi ihira au ina rapaliu maande wua Kau Ngkatuwo. Ihira au peisa moliu i babaka mesua i lalu wanua iti.