2 Korintu 9:5 - Sura Malelaha

⁵ Ido hai nauli lalungku agina kutuduhe Titu hai rodua rangana moioru bona doi kabulana lalumi au nidandi peisa rakadipura ami. Mewali, ane hawena deade hai kabula lalumi masilolongami, ina tongawa i ope-ope tauna doi iti nikira hangko i lalumi, bara anti karapari-pariami.

2 Korintu 9:5 Mawu Ofanana

1 Korintu 16:2

Inee nipegia kahawengku, agaiana minggu-mingguna i alo kaisa, nipatanimi doi iti i soumi moula polambiami hadua-hadua, hai niwoli doi iti maroa-roa duungku hawe.

2 Korintu 8:6

Ido hai motudungkai Titu lao irikamu lawi iami au mampepongka bago ide, bona modureikau mogulu doi petulungimi i halalumi to sarani au meahi-ahi tuwonda. Mewali ide-ide kitudu mbuli lao irikamu bona mopaliliu bago iti i olomi.

2 Korintu 9:3

Agaiana nauri nodo, kutuduhe Titu hai rodua rangana moioru lao irikamu bona motulungikau mokadipura kabula lalumi. Hai kuharunga ane hawe worina deade, masilolongamokau bona lolitangku au motoiakau bara raimba dongkoku pea. Lawi kuuliangaamohe to Makedonia kana i petulingimi au masilolonga amimi.

2 Korintu 9:6

Nipailalu lolitangku ide: apa au tatuda, iti wori au tapupu. Tauna au motuda haodi, haodi pea au napupu. Tauna au motuda ngkaia, ngkaia wori au napupu.

Pilipi 4:17

Kuuli nodo, bara anti kamampeinaongku mbuli molambi kabula lalumi. Agaiana peundeaku bona hangko i kamaroana lalumi, katetetambaia pewatina Pue Ala irikamu.