2 Korintu 8:6 - Sura Malelaha

⁶ Ido hai motudungkai Titu lao irikamu lawi iami au mampepongka bago ide, bona modureikau mogulu doi petulungimi i halalumi to sarani au meahi-ahi tuwonda. Mewali ide-ide kitudu mbuli lao irikamu bona mopaliliu bago iti i olomi.

2 Korintu 8:6 Mawu Ofanana

Suro 24:17

Bahangkia parena, paduna hangko i Yerusale. Roo indo, lao hulena bona moantina doi petulungi i halalungku to Yahudi hai moantina popenombaku i Pue Ala.

Roma 15:25

Agaiana ina laona hampai i Yerusale moanti doi petulungi i to Yahudi au hampepepoinalainta inditi.

2 Korintu 12:18

Hangkoia kuperapi bona Titu lao mosondakikau, hai ara wori hadua halalunta au kutudu mamporangai. Ba naakalangikau Titu i tempo iti? Niisato halalu, Titu hai iko hampepekiri peangkai, himbela poantiki.

2 Korintu 2:13

Agaiana nauri nodo, bara tinda lalungku, lawi bara manina mampohidupaa Titu au moanti bambari kana irikamu halalu. Ido hai mepalakanamona i halalungku inditi bona maina inde mohaoki Titu i Makedonia.

2 Korintu 8:10

Mewali, idemi lolitangku irikamu halalu: agina nipahopo bagomi au nipepongka pare liu, lawi ikamumi au nguru-nguruna motunggai mogulu doi au peisa rapakatu i rangami au ara i lalu kamakuranda.

2 Korintu 8:19

Ia rapilei worimi ope-ope jumaa inde bona mamporangaingkai i polumaongki ane laongkai moanti doi petulungimi i halalunta hampepepoinalai au ara i lalu kamakuranda. Lawi tunggaiana polumaongki ide bona hangana Pue rapomahile, hai bona tongawa kamahilena ahinta i halalunta hampepepoinalai.

2 Korintu 8:23

Ane arahe tauna au mekune kana i Titu, niuli iami rangangku au hampopobago au kutudu lao motulungikau. Hai ane arahe au mampekune kana i rangana au rodua, ihirami tauna au ratudu jumaa inde bona laohe motulungikau i bagomi. Tauna ide mampomahile hangana Kerisitu.

2 Korintu 8:4

agaiana raperapi mpuu irikami bona peisahe motulungi to Sarani i wanua Yerusale.

2 Korintu 9:5

Ido hai nauli lalungku agina kutuduhe Titu hai rodua rangana moioru bona doi kabulana lalumi au nidandi peisa rakadipura ami. Mewali, ane hawena deade hai kabula lalumi masilolongami, ina tongawa i ope-ope tauna doi iti nikira hangko i lalumi, bara anti karapari-pariami.

Pilipi 4:18

Mewali bona niisa: ope-ope au nipakatu, kulambimi hangko i Epafroditus. Pakatumi iti bara pea handa, agaiana melabitori hangko i apa au kuparaluu. Kabula lalumi iti nodo anu-anu mawongi au nipopenomba i Pue Ala. Popenombami iti Napokana mpuu, hai matana laluNa modoko.

1 Peturu 4:10

Ikita ope-ope molambimoke kapande au montani-ntani moula apa au naweike Pue Ala. Mewali hangangaa tapake kapande iti bona motulungike ranganta hai tapopolumao maroa bago au naweimoke Pue Ala hangko i kabulana laluNa.