2 Korintu 8:12 - Sura Malelaha

¹² Lawi ane mampeinaoke motulungi ranganta hai mokirake popenombata moula apa au ara irikita, popenombata iti nadoko Pue Ala. Bara Naperapi irikita apa au meliu hangko i pesauruanta.

2 Korintu 8:12 Mawu Ofanana

Matiu 25:17

Nodo wori hawi au rawei rosabu, ia molambi wori anana rosabu.

Matiu 25:22

Hawi au rawei rosabu doi bulawa hawe worimi, nauli: ‘Ampu, rosabu hangkoia au nuweina. Idemi anana rosabu wori.’

Lukasi 16:10

Ane hadua tauna peisa rapoinalai i anu-anu au haodi, ia peisa wori rapoinalai i anu-anu au ngkaia. Agaiana ane bara manoto pokadipurana anu-anu au haodi, apa mani pokadipurana anu-anu au ngkaia!

2 Korintu 8:11

Mewali tunggaiami au nipeinao nibabehi hangkoia, hangangaa nipaliliu duuna hopo. Agaiana hangangaa mokirakau i sukana pesauruami hadua-hadua.

2 Korintu 8:13

Bara tunggaiaku motimbingi tuwomi hai mampoporasi tauna ntanina. Tunggaiaku bona himbela katuwonta; bara ara kamakuranta.

2 Korintu 8:19

Ia rapilei worimi ope-ope jumaa inde bona mamporangaingkai i polumaongki ane laongkai moanti doi petulungimi i halalunta hampepepoinalai au ara i lalu kamakuranda. Lawi tunggaiana polumaongki ide bona hangana Pue rapomahile, hai bona tongawa kamahilena ahinta i halalunta hampepepoinalai.

2 Korintu 9:7

Agina hadua-hadua tauna mokira popenombana i sukana kabulana laluna. Ineekau mokira hangko i kasusa lalu, hai ineekau mokira anti karapari-pariami. Lawi Pue Ala mampokaahi tauna au mokira hangko i katana lalu.

1 Peturu 4:10

Ikita ope-ope molambimoke kapande au montani-ntani moula apa au naweike Pue Ala. Mewali hangangaa tapake kapande iti bona motulungike ranganta hai tapopolumao maroa bago au naweimoke Pue Ala hangko i kabulana laluNa.