2 Korintu 7:3 - Sura Malelaha

³ Tunggaiaku, barakau kusalai. Lawi nodo au kuuli inona, rumihi kakipokaahimi. Ane tuwo, tuwo sambelake hai ane mate, mate sambelake.

2 Korintu 7:3 Mawu Ofanana

2 Korintu 11:11

Moapa hai mololitana nodo? Ba barakau kupokaahi, halalu? Pue Ala moisa kamaahina lalungku irikamu.

2 Korintu 12:15

Mewali, matanana mopake hinangkana au ara iriko hawe-hawe i watangku motulungikau. Ane nodo kamahilena ahingku irikamu halalu, moapari pane makura mani ahimi iriko?

2 Korintu 13:10

Ido hai kuukiakau sura ide i tempoku mani karao hangko irikamu bona ane hawena deade, barapi mahara lolitangku irikamu au kupahawe hai kuasa au naweina Pue. Lawi kuasa iti barana Nawei bona mopakanawona pepoinalaimi, ngkalinari Naweina bona kupakaroho pepoinalaimi.

2 Korintu 3:2

Ikamumi sura mpetoia au kianti hai au teuki i lalungki. Anti katebalikina lalumi, ope-ope tauna au moita katuwomi moisa kamaroana pobagongki mobambari Ngkora Marasa irikamu.

2 Korintu 7:12

Halalu-halalu, i lalu surangku hangkoia au kuukiamokau, bara ara tunggaiaku mokambaroa hadua tauna au masala iti. Bara wori ara tunggaiaku bona motulungi pea tauna au molambi rugi anti tauna au masala iti. Tunggaiaku mouki sura iti, bona nipatongawa i peitana Pue Ala, noumba kamahilena ahimi irikami.

Pilipi 1:7

Hintoto mpuu pekiringku nodo, lawi kupokakaiakau. I lalu bagongku au naweina Pue Ala hangko i kabulana laluNa, nidurei liliuna, maroa ide-ide tangangku i lalu tarunggu, maroa i tempoku mosabi hai mopakaroho katouna Ngkora Marasa.

1 Tesalonika 2:8

Anti kakipokaahimi, matana lalungki mopahaweakau Ngkora Marasa hangko i Pue Ala. Hai bara pea ido, mogalori tuwongki kihuhu bona peisakau kitulungi.