2 Korintu 7:13 - Sura Malelaha

¹³ Mewali, tepalindomi lalungki! Hai meliu hangko inditi, matana woringkai moita kamatanana Titu. Tepalindo laluna moita babehiami au maroa tangana maida i olomi.

2 Korintu 7:13 Mawu Ofanana

Roma 12:15

Hangangaa matanakau hihimbela hai tauna au matana, moteriakau hihimbela hai tauna au moteria.

Roma 15:32

Kahopoana, ane napokana Pue Ala, ina hawena i boeami i lalu katana lalu, hai ina tepalindona i olomi.

1 Korintu 12:26

Ane ara hadua ranganta au mahai, hangangaa mantodiha sambelake. Ane ara hadua ranganta au ratoia, ikita ope-ope ina matana sambela worike.

1 Korintu 16:13

Mainga-ingakau. Nipakaroho pepoinalaimi! Nipakaroho lalumi! Mantahakau i pepoinalaimi!

1 Korintu 16:18

Halalunta iti mopamatanahe lalungku, nodo karapamatanana lalumi. Ido hai kuperapi bona nibilahe tauna au nodo ihira.

2 Korintu 2:13

Agaiana nauri nodo, bara tinda lalungku, lawi bara manina mampohidupaa Titu au moanti bambari kana irikamu halalu. Ido hai mepalakanamona i halalungku inditi bona maina inde mohaoki Titu i Makedonia.

2 Korintu 2:3

Ido pongkana pane kupakatumi hambua sura irikamu hangkoia bona ane hawena deade, barapi nipakasusa lalungku. Lawi katouana, ikamuri au hangangaa mopakatana lalungku. Hai kuisa, ane matanana, ikamu wori ina matana.

2 Korintu 7:14

Hangko damani kutudu lao irikamu hangkoia, kupahawea amimi noumba kamaroana lalumi. Morasina halalu, lawi barana nipakaea. Ope-ope au kuuliangaamokau, tou mpuu, nodo wori ope-ope au kupahaweami Titu kana irikamu, bara ara au sala, tou mpuu ope-ope.

2 Korintu 7:15

Hai ia wori, tetambai ahina irikamu, lawi nakatuinao noumba peulami i hawana. Nidoko maroami hai mengkoru mpuukau iria.

2 Korintu 7:6

Agaiana Pue Ala au mopalindo tauna au masusa lalunda, mopalindowomongkai i kahawena Titu.

Pilipi 2:28

Idomi pongkana hai kutudumi mesule hoholiga lao irikamu bona ane mohidupamokau hai ia, ina tepalindokau hai tindami lalungku.

2 Timotiu 1:16

Agaiana Onesiporus, bosami belana mopalindona. Lawi naurina ratarunggu, ia bara maea mosondakina. Kahawena inde i Roma, napari-pari mohaokina, duungku napohidupaa. Hai nuisa kangkaiana petulungina iriko hangkoia tangangku mani i Epesu. Mekakaena i Pue, kuperapi bona ope-ope halaluna Onesiporus Nawatihe, hai bona ahiNa Napatongawa i Onesiporus i alo pebotusi.

Pilemo 1:20

Halalu, anti pohintuwuta hai Pue, kuperapi bona nupeulai wongkoia pamperapiku ide. Anti pohalalunta i lalu Kerisitu, nudoko hulemi Onesimus bona matana lalungku.

Pilemo 1:7

Halalungku, Matana mpuuna hai tepalindo lalungku anti kamahilena ahimu iti, lawi oio au mopakaroho lalunda ope-ope tauna au mepoinalai i Pue Yesu.

1 Peturu 3:8

Kahopoana, ikamu hangangaa mohintuwukau, hampepekirikau, hai mombepokaahikau nodo topohalalu. Hangangaa maahikau hai mengkaiwoikau.