2 Korintu 4:5 - Sura Malelaha

⁵ Barangkai mopahawe bambari kana i watangki haduduangki. Agaiana mopahawengkai bambari au manguli: Yesu Kerisitu iami Pue. Hai ikami ide mewalimongkai hawimi moula hawana Yesu.

2 Korintu 4:5 Mawu Ofanana

Matiu 23:8

Agaiana ikamu, ineekau mampeinao rabila hai rakakio ‘Guru,’ lawi hadua pea gurumi, iami Kerisitu, hai ikamu ope-ope topohalalu peakau.

Matiu 3:11

Nauli mbuli Yohane, “Kuriukau hai owai, tanda pampenosoimimi dosami. Agaiana ina hawe hadua tauna au meliu kuasaNa hangko iriko. Mogalori mowosui peana kandupaNa, barana hintoto. Ia au ina moriukau hai Inao Malelaha hai api.

Yohane 7:18

Tauna au mopahawe paturona haduduana, mohaoki pea bona ratoia. Agaiana tauna au mohaoki bona hema au motuduna ratoia, manotomi tauna iti bara modongko.

Suro 10:36

Manoto niisa mpuumi bambari au napahawe Pue Ala irikami to Yahudi. Bambari iti mopahawe kana i rara au mopamaroa pohintuwuna Pue Ala hai manusia melempo i Yesu Kerisitu. Yesu iti iami Ampunda ope-ope tauna.

Suro 2:36

Hangko inditi, napahopomi Peturu lolitana, nauli, “Mewali, ido hai ikamu to Yahudi, hangangaa nipakanoto i lalumi apa au kuuli ide: Yesu au nipaku i kau mombehape, Iami au napilei Pue Ala mewali Amputa hai Datu Topehompo.”

Suro 5:31

hai Napopohuda ntanda i koanaNa. Naweimi kuasa mewali Tadulako hai Topehorema bona to Isaraeli menosohe hangko i dosanda hai molambihe peampungi.

1 Korintu 1:23

Agaiana ikami, mopahawe peangkai kapatena Kerisitu au rapaku i kau mombehape. Bambari iti rapokakoinao to Yahudi, hai i tauna au barahe to Yahudi, bambari iti raimba pea lolita tontuli.

1 Korintu 10:33

Nodo wori iko, i paka-pakana kubabehi liliu apa au maroa i peitanda ope-ope tauna. Bara kuhaoki apa au mobundu pea i watangku haduduangku, agaiana kubabehi apa au ina mobundu i rangangku bona tehoremahe hangko i huku dosanda.

1 Korintu 12:3

Ido hai kupopaisaakau, hadua tauna au mololita anti peninina Inao Malelaha, bara ina manguli, “Hararami Yesu!” Nodo wori bara ara hadua tauna au manguli, “Yesu iami Pue!” ane bara nanini Inao Malelaha.

1 Korintu 15:47

Adama au kaisa hangko i dunia hai rateru hangko i awu tampo, agaiana Adama au kadua hangko i suruga, iami Kerisitu.

1 Korintu 2:2

Lawi kupakanotomi i lalungku: mepongka i kahawengku irikamu, barana ina mampololita au ntanina, batena pea Yesu Datu Topehompo au mate rapaku i kau mombehape.

1 Korintu 4:15

Lawi kehapi isabunami guru au moninikau i peulami i Kerisitu, iko pea au nipouma, lawi iko au nguru-nguruna mobambari Ngkora Marasa irikamu, alana mepoinalaikau i Kerisitu Yesu.

1 Korintu 8:6

Agaiana irikita, hadua pea Pue Ala, iami Umanta au mampopewali hinangkana au ara; Ia pea pongkana katuwonta. Hai hadua wori Amputa, Yesu Kerisitu, Iami au napopatoa Pue Ala mampopewali hinangkana au ara. Iami au moweike katuwo.

2 Korintu 1:19

Lawi Yesu Kerisitu, Anana Pue Ala, au kibambariamokau, iko, Silas hai Timotiu, bara nodo tauna au bara tetida pekirina, hambela manguli “io” hambela manguli “bara”. Agaiana Ia ane Naulimi “io” barapi ina tebaliki.

2 Korintu 1:24

Barapokau kupari-pari kana i apa au hangangaa nipoinalai, lawi marohomi pepoinalaimi i Kerisitu. Agaiana kiunderi mobago sambela hai ikamu bona matana lalumi.

Galatia 5:13

Halalu, Nakakiomoke Pue Ala bona tekabahake hangko i Aturana Musa. Agaiana inee tapehangu katekabahanta hangko i atura iti peisamoke tuwo moula peundeana lalunta. Aginari mombepokaahike hai mombetulungike hadua hai hadua.

Pilipi 1:15

Arahe au moanti bambari kana i Kerisitu anti kamahinanda lawi rapeinao monangina. Agaiana ara worihe au moanti bambari iti anti kabulana lalunda.

Pilipi 2:11

hai mopangaku: “Yesu Kerisitu iami Pue,” alana Pue Ala Umanta rapomahile.

2 Timotiu 2:10

Ido hai kubuku mohalea ope-ope kapari ide bona tauna au napileimohe Pue Ala ina mampehadingi hai mampoinalai Ngkora Marasa iti duunda molambi katehorema hai katuwo meawa au bara mokahopoa anti pohintuwunda hai Kerisitu Yesu.

Titu 1:11

Tauna iti hangangaa nukontohe, ineehe nupaliu mepaturo, lawi moantihe pepawuli hai pepaturonda au bara hintoto i tambi-tambina. Hai tunggaianda mepaturo bona molambi peahe rasi. Babehianda iti mepakaea mpuu.

2 Peturu 2:3

Guru au mepakanawo iti mohaoki peahe doi, mewali ina rapahaweakau lolita au rababehi haduduanda bona molambihe rasi hangko irikamu. Agaiana ara pehuku au mahaemi napasilolongaahe Pue Ala, hai karahukunda iti ina holiga mewali.