2 Korintu 4:16 - Sura Malelaha

¹⁶ Ido hai bara ope peharungangki i Pue Ala. Nauri kamalede-ledea watangki ide, agaiana alo-alona kilambi karoho lalu au wou hangko i Pue.

2 Korintu 4:16 Mawu Ofanana

Lukasi 11:3

Nuwei wongkamia paandeki au handa i alo-alona.

Roma 12:2

Ineekau mampeulai babehianda tauna au barahe moisa Pue Ala. Nipogiangaami Pue Ala mowouki pekirimi bona tebaliki poantimi. Lawi ane nodo babehiami, ina niisa mpuu tunggaiana Pue Ala au maroa, au mopamatana laluNa hai au bara ara kamakurana.

Roma 7:22

I lalungku kuunde Aturana Pue Ala.

1 Korintu 15:58

Mewali halalu au kupokaahi, hangangaa nipakaroho pepoinalaimi. Inee bata-bata lalumi. Hangangaa nipopolumao liliu bagona Pue, lawi niisa apa au nipobago i Pue bara ina mbero-mbero.

2 Korintu 12:15

Mewali, matanana mopake hinangkana au ara iriko hawe-hawe i watangku motulungikau. Ane nodo kamahilena ahingku irikamu halalu, moapari pane makura mani ahimi iriko?

2 Korintu 4:1

Mewali, Pue Ala moangkangkai mewali topobagoNa, hai kibuku mampopolumao bago ide anti kamaroana laluNa irikami. Ido hai bara ope peharungangki i Pue Ala.

Epesu 3:16

Mekakaena i Pue Ala au mahile kuasaNa bona hangko i kuasaNa au mahile iti, Napakaroho lalumi hai InaoNa,

Epesu 4:23

Ido hai hangangaa merapikau bona Pue Ala mowouki lalumi hai pekirimi.

Kolose 3:10

hai ide-ide mohumbamoke katuwo au wou, lawi napopewalimoke Pue Ala manusia au wou. Ia mowouki liliu lalunta bona mampeulaike babehiaNa, hai bona moisake apa au tou kana Iria.

Titu 3:5

Moapari hai Nahoremake hangko i huku dosanta? Ba Nahoremake lawi manoto babehianta? Bara. Nahoremake anti kamaahina laluNa. Yesu Kerisitu mate mohuru dosanta, mewali Datu Topehoremanta. Ido hai pane Pue Ala moweike Inao Malelaha au mokale i lalunta. Anti kuasana Inao Malelaha iti, Nabahoimoke hangko i dosanta, Napopewalike anaNa haduduaNa, hai Naweike katuwo au wou.

1 Peturu 3:4

Pongkana kamakarami mesupa hangko i lalumi. Hangangaa maalusu babehiami hai lolitami. Itimi kamakara au bara ara katebaliana, hai au napokatana Pue Ala.

1 Peturu 4:14

Morasikau, halalu, ane rakakabosaikau anti peulami i Kerisitu, lawi Inao Malelaha au meawa au hangko i Pue Ala maida liliu i lalumi.