2 Korintu 4:10 - Sura Malelaha

¹⁰ Iumba pea kalaoangki, raawunga peamongkai rapapate nodo Pue Yesu bona katuwona Yesu rapatongawa wori i watangki.

2 Korintu 4:10 Mawu Ofanana

Yohane 14:19

Hampalai pearai, barapoNa ina raita tauna i dunia. Agaiana ikamu, ina niitaNa hai ina tuwokau, lawi Iko, tuwoNa.

Roma 6:5

Mewali, ane mohintuwu mpuuke hai Yesu i lalu kapateNa, ina mohintuwu worike hai Ia i tempota rapatuwo hule himbela hai Ia.

Roma 6:8

Mewali, ane matemoke hihimbela hai Kerisitu, tapoinalai kaina tuwonta wori hihimbela hai Ia.

Roma 8:36

I lalu dunia ide, batena narumpake kapari, nodo au teuki i lalu Sura Malelaha hangkoia: “Anti kaOiona, rapopara peamongkai rapapate nodomongkai dimba au ina rasambale.”

2 Korintu 1:5

Kapari au nahumba Kerisitu, kihumba worimi. Agaiana tetambai wori karoho lalu au kilambi hangko i Kerisitu.

2 Korintu 1:9

Pehadingki nodomongkai au rahuku mate. Agaiana narumpangkai kapari iti bona datingkai meharunga i rohongki haduduangki, agaiana meharunga peangkai i Pue Ala, lawi Iami au mopatuwo tomate.

2 Korintu 13:4

Hangkoia Kerisitu rapaku i kau mombehape anti kamaledena nodo manusia. Agaiana anti kuasana Pue Ala, Ia tuwo hulemi. Ikami malede woringkai nodo Kerisitu. Agaiana anti kuasana Pue Ala, molambingkai katuwo au wou hihimbela hai Kerisitu. Mewali ane hawena deade, ina niita mpuu kuasa au naweingkai Pue Ala iti.

2 Korintu 4:11

I lalu katuwongki i dunia ide, bosa tauna mampeinaohe mopapatengkai anti peulangki i Pue Yesu. Agaiana iti mewali bona tongawa katuwona Pue Yesu, i lalu watangki au bara monono.

Galatia 6:17

Kahopoana, kuperapi bona datipi ara au mopakasusana. Lawi lari i watangku ide mopakanoto kaikona surona Pue Yesu.

Kolose 1:24

Ide-ide halalu, matana mpuuna mohalea kapari anti pobagongku motulungikau. Lawi ara mani kapari au hangangaa morumpana anti pobagongku i Kerisitu, hai kapari au kuhumba ide-ide, kuhumba anti pobagongku motulungi ope-ope tauna au mepoinalai i Kerisitu. Ikita ope-ope au mepoinalai i Kerisitu peisake rapandiri nodo wataNa.

2 Timotiu 2:11

Tou mpuu lolita kana i Yesu au manguli node: Ane mateke hihimbela hai Ia, ina tuwo worike hihimbela hai Ia.

1 Peturu 4:13

Aginari nipokatana, lawi molambimokau kirami i lalu kapari au morumpa Kerisitu. Ido hai halalu, ane hawe tempona Kerisitu mopatongawa peawana tuwoNa i ope-ope tauna, ina matana mpuukau.

1 Peturu 4:14

Morasikau, halalu, ane rakakabosaikau anti peulami i Kerisitu, lawi Inao Malelaha au meawa au hangko i Pue Ala maida liliu i lalumi.

Pampetudungia 1:17

KakuitaNa, liliu tepalumbana i bitiNa, nodomona mate. Hangko inditi, Naonami taie koanaNa i watangku hai Nauliangaana, “Ineeko langa. Ikomi au pepongkana hai au kahopoana.