2 Korintu 3:12 - Sura Malelaha

¹² Mewali, anti peharungangki i dandina Pue Ala au wou, ido hai barangkai langa mopahawe Ngkora Marasa i kanoto-notoana.

2 Korintu 3:12 Mawu Ofanana

Yohane 10:24

Tadulakonda to Yahudi motolelikihe Yesu, hai rauliangaa, “Moapa hai Nupogiangaa liliungkai wuli? Barangkai Nupakanotoa kahemaMu. Ane Datu Topehompo mpuuKo, Nupakanotoamongkai.”

Yohane 16:25

“Ope-ope ide Kupololitami irikamu hai ngkora pandiri. Agaiana hambela tempo barapoNa mopake ngkora pandiri. Ina Kupololitaakau kana i UmaNgku i katotongawaana.

Yohane 16:29

Rauli topeguruNa, “Pue, ide-ide tongawami apa au Nupololita, lawi barapoKo mopake ngkora pandiri.

Suro 14:3

Maidamohe Paulu hai Baranaba bahangkia kamahaena i wanua iti. Barahe langa mopahawe bambari kana i Pue. Pue moweihe kuasa mobabehi tanda au metingkarai bona manoto i ope-ope tauna katouna Ngkora Marasa au raanti. Ngkora Marasa iti mampololita kabulana laluna Pue Ala au mowei katuwo maroa i manusia.

Suro 4:13

Tingkara mpuumohe tadulako iti moita kapebainda Peturu hai Yohane mololita. Apa mani Peturu hai Yohane, tauna biasa peahe au barahe mosikola. Raisa wori ihirami au hihimbela hai Yesu.

Suro 9:27

Agaiana laomi Baranaba mampohimada Saulu, hai naporangai lao i suronahe Pue Yesu. Baranaba motuntuahe noumba Saulu moita Pue Yesu i polumaona lao i wanua Damsik, hai noumba Pue mololita iria. Napahawea worihe kapebaina Saulu mopahawe bambari kana i Pue Yesu i Damsik.

Suro 9:29

Ia mololita hai mampombehehea to Yahudi au mobasa Yunanihe. Ido hai to Yahudi iti, rapeinao mopapate Saulu.

1 Korintu 14:19

Agaiana i lalu paminggu, agina mololitana i lalu basa au raisa ranganta bona lolitangku raisa lempona, hai aginami hantepo rontepo pea lolitangku mopaguru ranganta, panena mololita kangkalanga i lalu basa au hangko i Inao Malelaha au bara raisa ranganta.

2 Korintu 10:1

Iko, Paulu, ara perapingku irikamu. Arahe tauna i olomi au manguli: “Ane Paulu karao hangko irikami, pololitana makasara i lalu surana, agaiana ane mombelindoke, ia maalusu.” Mewali, hangko i lalungku au mengkaiwoi hai au maalusu, nodo laluna Kerisitu,

2 Korintu 3:11

Lawi ane dandiNa au hampalai pea iti, mahile peawana, apa mani dandiNa au wou au bara mokahopoa.

2 Korintu 4:13

I lalu Sura Malelaha, teuki node: “Anti pepoinalaingku, ido hai barana langa mololita.” Nodo wori ikami. Mepoinalaingkai i Pue Ala, ido hai barangkai langa mopahawe Ngkora Marasa.

2 Korintu 7:4

Halalu, barana langa mololita irikamu i katou-touana. Matana mpuu lalungku lawi meulakau i Pue. Kehapiringkai narumpa ngkaia kapari, agaiana anti kaikamuna, tepalindo lalungku hai matanana.

Pilipi 1:14

Nodo wori, pepoinalainda bosa to Sarani inde tepakaroho, lawi moitahe noumba Pue motulungina i karatarungguku, alana barapohe langa, kapepebaiarihe mopahawe Ngkorana Pue Ala.

Pilipi 1:20

Peundeaku hai peharungangku hangangaa mampopolumaona bagongku au napatokami Pue Ala iriko i karoa-roakana datina maea. Kuharunga ina baina mopahawe liliu posabingku, pelumbunami ide-ide bona mampomahilena hangana Kerisitu, maroa i tuwongku, maroa i kapatengku.

Kolose 4:4

Nipekakaea wongkoia bona kubuku mopakanoto bambari kana i Kerisitu moula kahihintotoana.

1 Tesalonika 2:2

Niisami tuntukana halalu! Hangko damaningkai hawe i boeami, rapopeahi-ahingkai hai rakakabosaingkai i wanua Pilipi. Hai nauri raewangkai tauna, Pue Ala mopakaroho lalungki datingkai langa mopaliliu pobagongki mopahaweakau Ngkora Marasa au hangko i Pue Ala.

1 Timotiu 3:13

Ane maroa pokingkinda bagona Pue, ina rabilahe tauna, hai ina tetambai kapebainda mampololita kana i pepoinalainda i Kerisitu Yesu.

Pilemo 1:8

Halalungku Pilemo! Katouana, peisako kuparentai mobabehi apa au hintoto, lawi naweina Kerisitu kuasa.