2 Korintu 2:14 - Sura Malelaha

¹⁴ Agaiana kuuli ngkaia kamaroana i Pue Ala, lawi anti pohintuwuta hai Kerisitu, menangike, hai Ia mewali tadulakonta au monini liliuke. Iumba pea kalaoangki, mopahawengkai Ngkora Marasa i ope-ope tauna bona peisahe moisa Pue Ala. Ngkora Marasa iti peisa rapandiri nodo lana mawongi.

2 Korintu 2:14 Mawu Ofanana

Yohane 16:33

Ope-ope ide Kuuliangaamokau bona molambikau katinda lalu hangko i pohintuwumi hai Iko. Tangami mani i dunia ide, batemi rapopeahi-ahi. Agaiana nipakaroho lalumi, lawi kuasa tokadake au ara i lalu i dunia ide Kunangimi.”

Roma 1:8

Ioru, mopahawena katana lalungku i Ampuku Pue Ala i lalu hangana Yesu Kerisitu, anti kaikamuna halalu, lawi tebambarimi i humalele dunia kamarohona pepoinalaimi i Pue Yesu.

Roma 15:19

hai anti tanda-tanda kuasa au kubabehi hai kuasana Inao Malelaha. Hangko i wanua Yerusale hawe i tampo Ilirikum, kupahawemi Ngkora Marasa i ope-ope tauna, kupaturoahe kahemana Kerisitu.

Roma 6:17

Mangulina ngkaia kamaroana i Pue Ala, lawi hangkoia hangko damanikau mepoinalai i Yesu, napohawikau dosa. Agaiana ide-ide hangko i lalumi mpuu mampeulai paturo au rapahaweakau.

Roma 8:37

Agaiana kehapiri ba apa au morumpake, batena menangi liliuke, anti pepokakaiana Yesu irikita!

1 Korintu 12:8

I hadua tauna, Nawei Inao Malelaha kapande mepaturo. I tohaduana, Nawei kapande mopakanoto lempona Ngkorana Pue Ala.

1 Korintu 15:37

Hai apa au tatuda iti iami tinuda, maroa pare ba tinuda au ntanina. Barari patoa pare au tatuda, agaiana wuana.

1 Korintu 15:57

Agaiana tauli ngkaia kamaroana i Pue Ala, lawi Nakabahamoke hangko i dosa hai kapate anti pohintuwuta hai Yesu Kerisitu Amputa.

2 Korintu 1:11

Hai nipekakaea woringkai. Lawi ane bosa tauna mampekakaengaangkai, Pue Ala ina motulungingkai, alana bosa tauna ina manguli ngkaia kamaroana Iria.

2 Korintu 8:16

Kuuli ngkaia kamaroana i Pue Ala, lawi Ia au mampopokale laluna Titu pane madota motulungikau. Tunggaiana Titu iti, himbela wori hai tunggaiaki.

2 Korintu 9:15

Tauli ngkaia kamaroana i Pue Ala, lawi mahile mpuu kabulana laluNa irikita, melumbu hangko i apa au peisa tapololita!

Epesu 5:2

I babehianta alo-alona, hangangaa maahike i ranganta, nodo Kerisitu maahimi Irikita. Anti kamaahiNa irikita, Ia mokira wataNa rapapate mopahuruke. Babehia iti mopakatana laluna Pue Ala, nodo popenomba mawongi au rahuhu Iria.

Epesu 5:20

i hinangkana niuli ngkaia kamaroana i Pue Ala Umanta i lalu hangana Yesu Kerisitu Amputa.

Pilipi 4:18

Mewali bona niisa: ope-ope au nipakatu, kulambimi hangko i Epafroditus. Pakatumi iti bara pea handa, agaiana melabitori hangko i apa au kuparaluu. Kabula lalumi iti nodo anu-anu mawongi au nipopenomba i Pue Ala. Popenombami iti Napokana mpuu, hai matana laluNa modoko.

Kolose 1:23

ane mepoinalai liliukau, mantahakau, hai barakau mampogiangaa tauna mopakanawokau. Mewali halalu, hangangaa nipakaroho peulami i paturo au nihadimi. Ineekau mokabaha peharungami i apa au nadandiamokau Pue Ala i lalu Ngkora Marasa. Ngkora Marasa iti rabambarimi i humalele dunia. Hai iko wori, mewalina hawina Pue au mopahawe Ngkora Marasa iti.

Kolose 1:6

Ngkora Marasa iti, tebambarimi i humalele dunia alana kabosa-bosaa tauna au mepoinalai i Pue Yesu hai mobabehi apa au maroa. Himbela hai au mewali irikamu, halalu. I kamohadimi Ngkora Marasa iti, liliumokau mepoinalai i Pue Yesu, alana moisa ntepuukau kabulana laluna Pue Ala irikita.

Kolose 2:15

I kapatena Kerisitu i kau mombehape, Pue Ala monangimi ope-ope tokadake hai ope-ope au makuasa bona kaNananginda tongawa i humalele dunia.

1 Tesalonika 1:8

Lawi hangko irikamu, Ngkorana Pue tebambari i humalele Makedonia hai Akaya. I raoa hangko indo, pepoinalaimi i Pue Ala rapololita iumba-umba pea. Mewali, ampu boea i ope-ope boea au kikalaongi moisa noumba kanidokongki. Ikami barapongkai paraluu mopahawe ba apa-apa, lawi tauna iti mohadimohe bambari au manguli kanikabahanami menomba i anitu, katebalikina lalumi hai pengkorumi i Pue Ala au manoto hai au tuwo.

1 Tesalonika 3:9

Rumihi kamatanangki anti kaikamuna, halalu. Mewali, apa au peisa kiuli i Pue Ala hangko i ope-ope katana au Naweingkai ide? Bara ara ntanina, batena pea kiuli ngkaia kamaroana i lalu pekakaengki i Pue Ala Umanta.

1 Timotiu 2:8

Peundeaku bona ane mamingguke iumba pea, tobalilo hangangaa mekakae i lalu kamalelaha, hai barahe peisa mosisala ba masodo.

2 Timotiu 2:2

Ope-ope paturo au nuhadimi hangkoia hangko iriko, i lindonda tauna bosa, hangangaa nupaturoa worihe tauna ntanina au peisahe rapoinalai hai au rabuku mopaguru tauna ntanina.

Pampetudungia 7:12

rauli, “Amin! Tatoiami Amputa Pue Ala, Tapomahile hangaNa, Taadai kamapandeNa, Tauli ngkaia kamaroana Iria, Tabila Pue Ala, Tabambari kamarohoNa, Takatuinao kamakuasaNa, hawe i hae-haena! Amin.”