2 Korintu 11:8 - Sura Malelaha

⁸ Hangkoia tempoku mobago i boeami, to Sarani au arahe i boea ntanina mampopakatuana doi. Peisa tauli: ihira au marugi, lawi doi au raweina kupake i lalu pobagongku mobambari Ngkora Marasa irikamu.

2 Korintu 11:8 Mawu Ofanana

1 Korintu 4:12

Mobago mantimingkai haduduangki. Ane arahe au motunda-tundangkai, kihurungihe hai pewati. Ane arahe au mampopeahi-ahingkai, kitodiha pea.

1 Korintu 9:6

Ba Baranaba pea hai iko au hangangaa mobago mohaoki paandeki? Barangkai pae hintoto ane molambingkai sarongki nodohe surona Pue Yesu au ntanina?

2 Korintu 11:9

I tempo iti, ara wori kamakurangku, agaiana barana merapi irikamu. Lawi arahe halalunta au hawe hangko i tampo Makedonia moanti doi au mopahandai apa au kuparaluu. Barana merapi apa-apa irikamu bona barakau kupakapari. Hai apa au kubabehi hangkoia, iti au ina kubabehi liliu.

Pilipi 4:18

Mewali bona niisa: ope-ope au nipakatu, kulambimi hangko i Epafroditus. Pakatumi iti bara pea handa, agaiana melabitori hangko i apa au kuparaluu. Kabula lalumi iti nodo anu-anu mawongi au nipopenomba i Pue Ala. Popenombami iti Napokana mpuu, hai matana laluNa modoko.