1 Yohane 5:21 - Sura Malelaha

²¹ Anangku, hangangaa menomba peakau i Pue Ala, ineekau menomba i apa pea au ara i dunia ide. Hangko iriko YOHANE

1 Yohane 5:21 Mawu Ofanana

Matiu 6:13

Inee wongkamia Nupogiangaa nakelo tokadake agaiana Nukabaha wongkamia hangko i kuasa au kadake. [Lawi Oiomi ampu Kadatua hai Kuasa hai Peawa, hawe i hae-haena. Amin.]

1 Korintu 10:14

Mewali, halalu au kupokaahi, hangangaa nipalehi ada penomba i anitu!

1 Korintu 10:7

Ineeke menomba i anitu, nodo au rababehi tauna i olonda hangkoia. Lawi ara teuki i lalu Sura Malelaha au manguli: “Mohudamohe maande hai maenu-enu, mosusamohe matana-tana duuna mampopengaami au rababehi.”

1 Yohane 2:1

Anangku, ide kuukiakau bona ineekau mobabehi dosa. Agaiana ane ara au mobabehi dosa, arami hadua au mamperuruike i lindona Pue Ala Umanta, iami Yesu Kerisitu au manoto.

Pampetudungia 14:11

Rambu api au mampopeahi-ahihe ina mengkaore liliu hawe i hae-haena. Maroa mabaa ba kaindi, tauna iti ina rapopeahi-ahi liliuhe, lawi menombahe i binata au kadake hai i lengge binata iti, hai modokohe tanda hangana binata iti.”

Pampetudungia 9:20

Agaiana manusia au bara rapapate i pepopeahi-ahi iti, mia-miahe bara menoso hangko i babehianda au kadake. Barahe mau mampenosoi pepapatenda, pedotinda, babehianda au merikai hai panangkanda. Bara worihe mokabaha penombaanda i seta hai i lengge anitu au rababehi hai taienda haduduanda. Lengge iti rababehi hangko i bulawa, salaka, tambaga ba hangko i kau. Lengge au rababehi iti, barahe meita, barahe mehadi, hai bara worihe lumao.