1 Yohane 5:13 - Sura Malelaha

¹³ Sura ide kuukiakau au mepoinalai i Anana Pue Ala bona moisa mpuukau kamolambimimi katuwo maroa au bara mokahopoa.

1 Yohane 5:13 Mawu Ofanana

Yohane 1:12

Agaiana hema-hema au modoko hai mepoinalai Iria, ihirami au Napopewalihe anana Pue Ala.

Yohane 2:23

Tangana Yesu i Yerusale moula Alo Posusa Pasa, bosa tauna mepoinalai Iria, lawi moitahe tanda-tanda kuasa au Nababehi.

Yohane 20:31

Agaiana apa au kuuki ide, kuuki bona nipoinalai kaYesunami Datu Topehompo, Anana Pue Ala, hai bona molambikau katuwo maroa au bara mokahopoa hangko i pepoinalaimi Iria.

Yohane 21:24

TopeguruNa Yesu itimi au mopahawe hinangka au raita mata, hai au mouki ope-ope iti i lalu sura ide. Hai kiisa posabina iti tou.

Yohane 3:18

Tauna au mepoinalai i Anana Pue Ala, barahe ina rahuku. Agaiana tauna au bara mepoinalai, manotomi kanahukunda Pue Ala, lawi barahe mepoinalai i Anana Pue Ala au Haduduana.

Yohane 5:24

Tou mpuu lolitaNgku ide: hema-hema au mampehadingi lolitaNgku hai mepoinalai i Pue Ala au motuduNa, molambihe katuwo maroa au bara mokahopoa. Barahe ina rahuku anti dosanda. Tekabahamohe hangko i kapate, hai molambihe katuwo.

Suro 3:16

Kuasa hangko i Yesu, iti au mopakaroho biti topalu ide. Mewali, anti pepoinalaingki i Yesu pane kibuku mopakaoha tauna ide nodo au niita hai nisabiki.

Suro 4:12

Hangko inditi, nauli mbulimi Peturu, “Bara ara rara ntani molambi katuwo maroa hangko i Pue Ala, batena pea Yesu. Lawi i humalele dunia ide, bara ara tauna ntanina, batena pea Yesu au natudu mai Pue Ala i manusia, hai Ia pea au Nabuku mohoremake hangko i huku dosanta.”

2 Korintu 5:1

Lawi taisa, ane bambaruta i dunia ide ragero, Pue Ala ina mopasilolonga haogu sou i suruga au tapaidai, hambua paidaa au bara mokahopoa, au bara nababehi tauna.

Galatia 4:6

Mewali, anti kanapoananta Pue Ala, Ia motudumi Inaona AnaNa maida i lalunta. Anti pobagona Inao Malelaha iti i lalunta, ido hai peisake mokakio Pue Ala, “Uma!”

1 Peturu 5:12

Surangku au sosoe ide kuuki hai petulungina Silwanus, halalunta hampepepoinalai i Pue Yesu, hai kuisa ia ina mantaha liliu i lalu pepoinalaina. Inona kupahaweakau i kanoto-notoana noumba kamahilena ahina Pue Ala irikita bona maroho lalumi. Hangangaa tetida liliukau i kamaahiNa iti.

1 Yohane 1:4

Kiukiakau ide bona rumihi kamatananta.

1 Yohane 2:1

Anangku, ide kuukiakau bona ineekau mobabehi dosa. Agaiana ane ara au mobabehi dosa, arami hadua au mamperuruike i lindona Pue Ala Umanta, iami Yesu Kerisitu au manoto.

1 Yohane 2:21

Mewali, tunggaiaku moukiakau sura ide bara anti kadami moisa paturo au tou. Agaiana kuukiakau sura ide, lawi moisamokau paturo au tou, hai moisa worimokau kadana mpuu ara dongko au hangko i paturo au tou.

1 Yohane 2:25

Hai idemi dandiNa irikita: katuwo maroa au bara mokahopoa.

1 Yohane 2:26

Sura au kuukiakau ide, kana i tauna au mampeinaohe mopakanawokau.

1 Yohane 3:23

Idemi hawaNa irikita: hangangaa mepoinalaike i Yesu Kerisitu AnaNa, hai hangangaa mombepokaahike hadua hai hadua nodo au naparentaiamoke Pue Yesu.

1 Yohane 4:9

Hai idemi rarana Pue Ala mopatongawa ahiNa irikita: AnaNa au haduduaNa Natudu mai i dunia bona molambike katuwo hangko Iria.

1 Yohane 5:10

Tauna au mepoinalai i Anana Pue Ala, raisa i lalunda katouna posabina Pue Ala. Hema-hema au bara mampoinalai Pue Ala, mampopodongkomohe Pue Ala, lawi barahe mampoinalai posabina Pue Ala au mampololita kana i AnaNa.

1 Yohane 5:11

Idemi posabina Pue Ala: Ia moweimoke katuwo maroa au bara mokahopoa, hai katuwo iti talambi anti pohintuwuta hai AnaNa.

1 Yohane 5:20

Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.