1 Yohane 4:7 - Sura Malelaha

⁷ Halalu au kupokaahi! Mombepokaahimoke hadua hai hadua, lawi ahi mentumbu hangko i Pue Ala. Ope-ope tauna au mampokaahi ranganda, ihira au napoana Pue Ala hai au moisa Pue Ala.

1 Yohane 4:7 Mawu Ofanana

Yohane 13:34

Kuweikau hawa au wou: mombepokaahimokau. Hangangaa mombepokaahikau nodo kaKupokaahimi.

Yohane 17:3

Au Kutunggai hai ‘katuwo maroa au bara mokahopoa’ iami: Moisahe kaOiona Pue Ala au tou, au bara ara karoduaNa, hai moisa worihe Yesu Kerisitu au Nutudu mai i dunia.

1 Korintu 8:3

Agaiana tauna au tou-tou mampokaahi Pue Ala, naisa Pue Ala lalunda.

2 Korintu 4:6

Lawi Pue Ala au mongkora, Nauli, “Hangko i kamakaindi, mesupami baa!”, Ia worimi au mampopesupa baa i lalunta, bona moisake peawana tuwona Pue Ala au tongawa i tuwona Kerisitu.

Galatia 4:9

Agaiana ide-ide moisamokau Pue Ala. Moleri Pue Alami au ioru moisakau! Mewali, moapari hai moula hulekau ada hai hinangka kuasa dunia ide? Nipeulai ope-ope ada agama to Yahudi, mokadipurakau alo, wula hai pare au rapakanoto i lalu Aturana Musa. Ada hai atura iti bara mopaara pewati, hai barakau ina tekabaha hangko i dosami anti peulami i atura iti. Mewali, moapari hai nipeulai hule ada iti?

Galatia 5:22

Agaiana ane naninike Inao Malelaha, ina tongawa wuana i lalu katuwonta, i lalu poantita: mombepokaahike, matana-tanake, tinda lalunta, sabarake, maalusu pololitanta, maroa babehianta; mopabukeike dandita,

2 Timotiu 1:7

Ineeko langa mampopolumao bagomu, lawi Inao Malelaha au naweike Pue Ala bara mopaara kalanga i lalunta, agaiana bona molambike karoho mampopolumao bagonta, mampokaahi hangka ranganta hai morempeki peundeana lalunta.

1 Peturu 1:22

Ide-ide, malelahamokau anti pampeulaimi paturo au tou, ido hai niisami mampokaahi halalumi hampepepoinalai i katou-touana. Mewali kuweikau lolita bona mombepokaahikau hadua hai hadua hangko i lalumi mpuu.

1 Yohane 2:10

Tauna au mampokaahihe halalunda, tuwohe i lalu kamabaa, hai bara ara babehianda au mopakanawo ranganda.

1 Yohane 2:29

Niisato halalu, Kerisitu mobabehi peundeana Pue Ala. Ido hai niisa wori: ope-ope tauna au mobabehi peundeana Pue Ala, napoanahe Pue Ala.

1 Yohane 2:3

Ane mampeulaike hawana Pue Ala, iti au mopakanoto kamoisanta mpuu Pue Ala.

1 Yohane 2:4

Tauna au manguli, “Moisana Pue Ala,” agaiana barahe mampeulai hawaNa, modongkomohe hai barahe mopailalu paturo au tou.

1 Yohane 2:7

Halalu au kupokaahi, hawa au kuukiakau ide, bara hawa au wou. Hawa ide, mahaemi rapahawe irikamu hangko i nguru-nguruna. Hawa ide iami bambari au mahaemi nihadi au mopaturokau bona mombepokaahikau hadua hai hadua.

1 Yohane 3:9

Ope-ope tauna au napoana Pue Ala, barapohe mobabehi dosa, lawi poantina Pue Ala arami i lalunda. Barapohe mobabehi dosa, lawi napoanamohe Pue Ala.

1 Yohane 4:11

Halalu au kupokaahi, nodomi kamahilena ahina Pue Ala irikita! Ido hai hangangaa mombepokaahi worike hadua hai hadua.

1 Yohane 4:12

Bara mani mpuu ara hadua au moita Pue Ala. Agaiana nauri nodo, ane mombepokaahike hadua hai hadua, Pue Ala mohintuwu liliu hai ikita, hai ahiNa tetambai liliu i lalu katuwonta duuna barapi makura.

1 Yohane 4:16

Ido hai taisa hai tapoinalai ahina Pue Ala irikita, lawi Pue Ala iami ahi. Mewali, hema au mampokaahi liliu halaluna, iami au mohintuwu hai Pue Ala, hai Pue Ala mohintuwu hai ia.

1 Yohane 4:20

Hema au manguli, “Mampokaahina Pue Ala,” agaiana bara mampokaahi halaluna, modongkomi. Lawi ane halaluna bara napokaahi, apa mani Pue Ala au bara naita.

1 Yohane 4:8

Tauna au barahe mampokaahi ranganda, bara manihe moisa Pue Ala, lawi Pue Ala iami ahi.

1 Yohane 5:1

Ope-ope tauna au mampoinalai Yesu iami Datu Topehompo, ihirami au napoana Pue Ala. Hai hema au mampokaahi Pue Ala Umanta, batena mampokaahi wori ope-ope tauna au napoana Pue Ala.

2 Yohane 1:5

Mewali, kuperapi irio Ina, bona mombepokaahike hadua hai hadua. Ide, bara hawa au wou, agaiana hawa au tahadimi hangko i mpolinguruna.