1 Yohane 4:5 - Sura Malelaha

⁵ Nabi au mepawuli iti, hangko i dunia au kadake ide. Ido hai paturonda mesupa wori hangko i dunia au kadake. Hai tauna au barahe mepoinalai i Pue, ihira au mampehadingi hai mampeulai paturonda.

1 Yohane 4:5 Mawu Ofanana

Lukasi 16:8

Kanahadina topebuku iti apa au nababehi topobagona, natoia lawi nauri motengko babehiana agaiana naisa mampekiri karao bona maroa katuwona. Lawi nauri kadake babehianda, agaiana raisa wori mampekiri karao bona maroa katuwonda i alo au ina mai. Kamapandenda melumbu pane tauna au mengkoru i Pue Ala.

Yohane 17:14

Kupahaweamohe lolitaMu, ido hai rakahihihe tauna au bara mepoinalai, lawi barahe hampepekiri hai ihira, himbela hai Iko baraNa hampepekiri hai tauna iti.

Yohane 17:16

Iko baraNa hampepekiri hai tauna au bara mepoinalai, nodo wori topeguruNgku barahe hampepekiri hai ihira.

Yohane 3:31

Yesu hangko i suruga, mewali kuasaNa meliu hangko i hinangkana. Tauna hangko i dunia, batena manusia biasa pea, hai mampololita pea apa au mewali i dunia. Agaiana Yesu, hangko i suruga, mewali kuasaNa meliu hangko i hinangkana.

Yohane 8:23

Nauliangaahe Yesu, “Ikamu to i duniakau, Iko maiNa hangko i wongko. Ikamu hangko i dunia ide, Iko baraNa hangko i dunia ide.

2 Timotiu 4:3

Lawi i alo-alo au ina mai, tauna barapi ina raunde mampehadingi paturo au tou. Ina mohaokihe guru-guru au mopaturoahe lolita au mopakatana pea lalunda bona peisahe mampeulai apa peundeana lalunda.

Pampetudungia 12:9

Mewali, naga au mahile iti, ratende hangko i suruga hawe i dunia hihimbela hai malaekana. Iami ile au arami hangkongkoia, au rahanga Datu Tokadake ba Tadulako Seta. Ia au mopakanawo tauna au maida i humalele dunia.