1 Yohane 4:21 - Sura Malelaha

²¹ Mewali, ide hawana Kerisitu irikita: hema au mampokaahi Pue Ala, hangangaa mampokaahi wori halaluna.

1 Yohane 4:21 Mawu Ofanana

Matiu 5:43

“Niisato wori paturo au manguli, ‘Nupokaahi hangka rangamu, hai nukahihi iwalimu.’

Lukasi 10:37

Nahanai guru agama, “Tauna au motudungia ahina.” Nauli Yesu, “Kanami. Ido hai hangangaa nubabehi wori nodo.”

Yohane 15:12

Idemi hawaNgku: mombepokaahimokau, nodo kaKupokaahimi.

Galatia 5:14

Ara parenta au manguli: “Nupokaahi hangka rangamu nodo pampokaahimu watamu haduduamu.” Ane tapeulai parenta au hampaka iti, himbelami hai mobabehike ope-ope Aturana Musa au nahawaake Pue Ala.

Galatia 5:6

Ane mohintuwuke hai Kerisitu Yesu, bara ara bunduna ratileke ba barake ratile; batena pea mepoinalaike i Yesu. Hai ane maahike i ranganta, pepoinalainta iti ina tongawa.

1 Tesalonika 4:9

Kaliliuana halalu, ara paturo au manguli hangangaa mampokaahike halalunta hampepepoinalai. Katouana barapi paraluu kiukiakau paturo iti, lawi napaturomokau Pue Ala bona mombepokaahikau hadua hai hadua.

1 Peturu 3:8

Kahopoana, ikamu hangangaa mohintuwukau, hampepekirikau, hai mombepokaahikau nodo topohalalu. Hangangaa maahikau hai mengkaiwoikau.

1 Peturu 4:8

Au melumbu hangko i hinangkana, iami pombepokaahimi hadua hai hadua. Hangangaa mombepokaahikau hangko i lalumi mpuu, lawi ane nibabehi nodo, ina nibuku wori moampungi salanda rangami.

1 Yohane 2:7

Halalu au kupokaahi, hawa au kuukiakau ide, bara hawa au wou. Hawa ide, mahaemi rapahawe irikamu hangko i nguru-nguruna. Hawa ide iami bambari au mahaemi nihadi au mopaturokau bona mombepokaahikau hadua hai hadua.

1 Yohane 3:11

Idemi bambari au nihadimi hangko i mpolinguruna: hangangaa mombepokaahike hadua hai hadua.

1 Yohane 3:14

Ane mampokaahike halalunta, taisa katekabahanta hangko i kapate hai molambike katuwo maroa au bara mokahopoa. Agaiana tauna au barahe mampokaahi halalunda, bara manihe tekabaha hangko i kapate.

1 Yohane 3:18

Anangku, inee peake maahi hai lolitanta. Agaiana hangangaa tapatongawa kamaahinta i lalu babehianta, lawi itimi ahi au tou.

1 Yohane 3:23

Idemi hawaNa irikita: hangangaa mepoinalaike i Yesu Kerisitu AnaNa, hai hangangaa mombepokaahike hadua hai hadua nodo au naparentaiamoke Pue Yesu.

1 Yohane 4:11

Halalu au kupokaahi, nodomi kamahilena ahina Pue Ala irikita! Ido hai hangangaa mombepokaahi worike hadua hai hadua.