1 Yohane 4:18 - Sura Malelaha

¹⁸ Ane taisa mpuu ahina Pue Ala irikita hai tapokaahi halalunta, barapoke langa i Pue Ala. Anti ahina Pue Ala au bara ara kamakurana, ido hai barapoke langa. Ane langa manike ina nahuku Pue Ala, lempona, bara manike moisa ahiNa irikita.

1 Yohane 4:18 Mawu Ofanana

Matiu 9:34

Agaiana toParisi, barahe mampoinalai kahangko i Pue Alana kuasana Yesu, rauli, “Tauna iti mopake kuasa hangko i datu seta, ido hai peisa mampopeloho seta.”

Roma 8:15

Hangkoia, nodoke hawi, lawi langake i pehukuna Pue Ala. Agaiana ide-ide, anti polambitami Inao Malelaha, barapoke langa. Lawi Inao Malelaha itimi au mampopewalike anana Pue Ala. Hai anti pokalena Inao Malelaha, baimoke mokakio Pue Ala, “Uma!”

2 Timotiu 1:7

Ineeko langa mampopolumao bagomu, lawi Inao Malelaha au naweike Pue Ala bara mopaara kalanga i lalunta, agaiana bona molambike karoho mampopolumao bagonta, mampokaahi hangka ranganta hai morempeki peundeana lalunta.

Ibarani 12:28

Mewali, halalu, anti katalambina kiranta i lalu poparentana Pue Ala au bara peisa moenggo, ido hai hangangaa tauli ngkaia kamaroana i Pue Ala, hai hangangaa menomba mpuuke Iria moula peundeaNa. Hangangaa tabila hai tapengkorui mpuu,

Yakobu 2:19

Ba nipoinalai hadua pea Pue Ala? Tou mpuu diti. Agaiana ane noiti pea, bara handa! Lawi mogalorihe seta, mampoinalai worihe kahaduana pea Pue Ala. Ido hai moradahe anti kalanganda.

1 Yohane 4:12

Bara mani mpuu ara hadua au moita Pue Ala. Agaiana nauri nodo, ane mombepokaahike hadua hai hadua, Pue Ala mohintuwu liliu hai ikita, hai ahiNa tetambai liliu i lalu katuwonta duuna barapi makura.