1 Yohane 3:16 - Sura Malelaha

¹⁶ Ide au mopatongawaake apa au rauli ahi: Yesu mohuhumi tuwoNa bona molambike katuwo maroa au bara mokahopoa. Mewali, ikita hangangaa mohuhu wori tuwonta bona motulungi halalunta.

1 Yohane 3:16 Mawu Ofanana

Matiu 20:28

Hangangaa nipeulai poantiKu, Iko Ana Manusia. Lawi tunggaiaKu mai i dunia ide, baraNa mai mewali topohawa. Agaiana kamaiNgku i dunia ide bona mewaliNa hawi, hai bona mohuhuna wataNgku rapapate mohuru salanda tauna bosa.”

Yohane 10:11

Ikomi toporewu au maroa. Toporewu au maroa mokira tuwoNa i dimbaNahe.

Yohane 13:34

Kuweikau hawa au wou: mombepokaahimokau. Hangangaa mombepokaahikau nodo kaKupokaahimi.

Yohane 3:16

Anti kamahilena ahina Pue Ala i ope-ope tauna i dunia, ido hai Nakirami AnaNa au HaduduaNa bona hema pea au mepoinalai Iria, bara rahuku, agaiana molambi katuwo maroa au bara mokahopoa.

Suro 20:28

Maroa-roakau datikau madosa, hai nikadipura maroa ope-ope jumaa au napoinalaiakau Inao Malelaha. Hangangaa nikadipurahe, nodo hadua toporewu mamporewu dimbana, lawi Anana Pue Ala mate mobaiari huku dosanda bona mewalihe taunana Pue Ala.

Roma 16:4

Hangkoia, ina raanti matemi motulungina. Kuuli ngkaia kamaroana irihira, hai bara iko pea, agaiana ope-ope to Sarani au barahe to Yahudi manguli wori ngkaia kamaroana irihira.

Roma 5:8

Agaiana ahina Pue Ala bara nodo. Pue Ala bara mampegia pengkaroonta mobabehi dosa hangko Natudungiarike ahiNa. Lawi Kerisitu mate mopahuruke tangantato madosa.

2 Korintu 4:12

Anti pobambaringki Ngkora Marasa raawunga peamongkai rapapate, agaiana matana lalungki lawi pobambaringki Ngkora Marasa ide mopaara katuwo maroa irikamu.

Epesu 5:2

I babehianta alo-alona, hangangaa maahike i ranganta, nodo Kerisitu maahimi Irikita. Anti kamaahiNa irikita, Ia mokira wataNa rapapate mopahuruke. Babehia iti mopakatana laluna Pue Ala, nodo popenomba mawongi au rahuhu Iria.

Epesu 5:25

Hai ikamu tobalilo, hangangaa nipokakaiahe towawinemi moula pandirina Kerisitu au mampokakaia jumaa; ido hai mokirami wataNa rapapate mohuru dosanta.

Pilipi 2:17

Halalu, i kakubambariami Ngkora Marasa hangkoia, mewalimokau mepoinalai i Pue Yesu, hai mopaisarekau katuwomi Iria bona moulakau peundeaNa. Mewali, kehapirina rahuku mate anti pobagongku mopahaweakau Ngkora Marasa, bara kupousulia. Batena kuuli liliu ngkaia kamaroana i Pue Ala, hai matanana hihimbela hai ikamu.

Pilipi 2:30

Anti pobagona i Kerisitu, ina naanti matemi. Ia barapi mampekiri watana haduduana, lawi nipeinao mpuu motulungina inde. Ia mewalimi pahurumi, lawi barakau tepaka mai modureina.

1 Tesalonika 2:8

Anti kakipokaahimi, matana lalungki mopahaweakau Ngkora Marasa hangko i Pue Ala. Hai bara pea ido, mogalori tuwongki kihuhu bona peisakau kitulungi.

Titu 2:13

Lawi ide-ide, tanganta mampegia alo pewalina apa au taharunga, iami alo au buke katana-tana. I tempo iti, ope-ope tauna ina moita kuasana Pue Ala au mahile tuwoNa, hai Datu Topehoremanta, iami Yesu Kerisitu.

1 Peturu 1:18

Hangangaa mengkorukau i Pue Ala, lawi niisami noumba kanahompokimi Pue Ala. Ia mokabahamokau hangko i tuwomi hangkoia au bara mobundu. Tuwomi iti iami sosorami hangko i toiorumi. Hai i kaNahompokimi Pue Ala iti, bara hai anu-anu au bara mantaha nodo bulawa ba salaka,

1 Peturu 2:24

Yesu haduduana mohalea huku dosanta i karapapateNa i kau mombehape bona tekabahake hangko i kuasa dosa hai tuwoke moula peundeana Pue Ala. KapateNa iti moanti katuwo maroa irikita.

1 Peturu 3:18

Lawi ara wori hadua au molambi kapari, iami Kerisitu. Ia hambela pea mokira wataNa rapapate bona mohalea dosa manusia. Ia au bara ara salaNa mopahuruke au masala bona moantike i Pue Ala. Ia rapapate, agaiana rapatuwo hule anti kuasana Inao Malelaha.

1 Yohane 2:6

Hema-hema au manguli mohintuwuhe hai Pue Ala, babehianda hangangaa moula babehiana Kerisitu.

1 Yohane 2:9

Tauna au manguli tuwohe i lalu kamabaa, agaiana mobabehi manihe dake i hangka ranganda, manoto tuwo manihe i lalu kamakaindi.

Pampetudungia 1:5

hai hangko i Yesu Kerisitu, Sabi au manoto. Iami au nguru-nguruna tuwo hule hangko i kapate hai au makuasa moparenta ope-ope datu i dunia. Yesu mampokakaiake, hai Ia mokira wataNa rapapate bona tekabahake hangko i huku dosanta,

Pampetudungia 5:9

Monani-nanimohe hambua nani au wou, rauli: “Oiomi au hintoto modoko sura iti hai mobungkahi penena lawi rapapatemoKo; Hai waheMu au mabubu i kapateMu, Nupopoholomohe tauna i humalele dunia, i ope-ope kadatua, i ope-ope pemulea hai i hinangka basa. Hai Nuhuhuhe i Pue Ala.