1 Yohane 3:12 - Sura Malelaha

¹² Ineeke mampeulai babehiana Kai. Kai iti napoana Datu Tokadake, alana mopapate adina. Moapari pane ia mopapate adina? Lawi ia kadake babehiana, agaiana adina manoto babehiana.

1 Yohane 3:12 Mawu Ofanana

Matiu 13:19

Tinuda au manawo i tanga rara lempona tauna au mampehadingi mpuu bambari kana i poparentana Pue Ala, agaiana barahe moisa lempona. Hawemi Datu Tokadake morampaki ngkora iti hangko i lalunda.

Matiu 13:38

Bonde lempona, dunia ide. Tinuda au maroa lempona, tauna au mengkoru i Pue Ala bona mewalihe anaNa i lalu poparentaNa. Dana lempona, tauna au meula i Datu Tokadake.

Matiu 27:23

Napekune mbuli Pilatu, “Dake apari au Nababehi?” Agaiana mongangahe masisimbuku, “Papate i kau mombehape!”

Matiu 5:37

Ane tunggaiamu manguli io, nuuli ‘Io.’ Ane tunggaiamu manguli bara, nuuli ‘Bara.’ Bara maroa ane nupakaroho lolitamu hai sumpa, lawi babehia au nodo mesupa hangko i Datu Tokadake.”

Lukasi 11:51

mepongka i karapapatena Habeli hawe i Sakaria au rapapate i tabangaa Souna Pue Ala i olo sou au malelaha hai meja pohuwea popenomba. Tauna au tuwo i tempo ide ina rahuku anti ope-ope babehia iti!

Yohane 10:32

Nauliangaahe Yesu, “Ngkaiami bago maroa au Kutudungiamokau, au Kubabehi moula hawana UmaNgku. Hangko i ope-ope bagoNgku iti, umba au mewali pongkana pane nipeinaoNa nipapate?”

Yohane 8:40

Mopahawena paturo au tou au Kudoko hangko i Pue Ala, agaiana nipeinaoriNa nipapate! Ane Burahima, bara nodo babehiana.

Yohane 8:41

Babehiami iti batena moula babehiana wata umami!” Rahanai to Yahudi, rauli, “Agaiana ikami, barangkai ana i tampo! Umangki hadua pea, Iami Pue Ala.”

Suro 7:52

Toiorumi mampopeahi-ahimohe nabi-nabi hangkoia; ihira mopapatehe tuduana Pue Ala au mobambari kaina hawena hadua Tuduana Pue Ala au Manoto. TuduaNa au Manoto iti ide-ide nisapuaka hai nipapatemi.

1 Tesalonika 2:14

Kiisa iti halalu, lawi apa au mewali i halalu hampepepoinalai i tampo Yudea mewali wori irikamu. Nodo halalunta hampepepoinalai, ope-ope jumaa i tampo Yudea rapopeahi-ahihe hangka to Yahudinda, ikamu wori rapopeahi-ahikau to hambomboeami.

Ibarani 11:4

Anti pepoinalaina Habeli, ia mohuhu popenombana i Pue Ala au meliu kamaroana hangko i popenombana Kai, wutuna. Taisami kaarana pepoinalaina, lawi matana laluna Pue Ala modoko popenombana. Hai anti pepoinalaina, Habeli naimba Pue Ala tauna au manoto. Nauri matemi, agaiana ia mololita mani irikita, lawi anti pepoinalaina ia mewali pandiri irikita au tuwo ide-ide.

Ibarani 12:24

Hawemokau i Yesu, au mewali nente, au mopakaroho dandina Pue Ala au wou au mopahintuwu manusia hai Pue Ala. I tempona Yesu rapapate, mabubumi waheNa. Hai waheNa iti masuli hangko i wahena Habeli hangkoia.

1 Peturu 4:4

Agaiana ide-ide, rapowulimi rangami au hangkoia lawi barapohe niporanga mobabehi hinangka babehia au kadake. Ido hai rakakabosaimokau.

1 Yohane 3:8

Tauna au mobabehi liliu dosa, napoanahe Datu Tokadake. Lawi Datu Tokadake madosami hangko i nguru-nguruna. Mewali, tunggaiana Anana Pue Ala mai i dunia bona mogero bagona Datu Tokadake iti.

Yudasi 1:11

Hurewumohe! Moula peahe rarana Kai hangkoia. Mampeulaihe babehiana Bileam, lawi nauri raisa babehianda masalami, batena iti au rababehi liliu, lawi mohaoki peahe doi. Nodo Kora hangkoia, ihira moewahe Pue Ala, hai batena Pue Ala ina mohuku mate worihe nodo Kora.

Pampetudungia 17:6

Kuita towawine iti, malangumi moenu wahenda taunana Pue Ala. Lempona, ia mopapatehe tauna au mopangaku kaYesuna Ampunda. Tingkara mpuuna moita towawine iti.