1 Yohane 2:7 - Sura Malelaha

⁷ Halalu au kupokaahi, hawa au kuukiakau ide, bara hawa au wou. Hawa ide, mahaemi rapahawe irikamu hangko i nguru-nguruna. Hawa ide iami bambari au mahaemi nihadi au mopaturokau bona mombepokaahikau hadua hai hadua.

1 Yohane 2:7 Mawu Ofanana

Matiu 5:43

“Niisato wori paturo au manguli, ‘Nupokaahi hangka rangamu, hai nukahihi iwalimu.’

Yohane 13:34

Kuweikau hawa au wou: mombepokaahimokau. Hangangaa mombepokaahikau nodo kaKupokaahimi.

Suro 17:19

Ido hai tauna iti moantimohe Paulu i poteruhua mahile au rahanga Bulu Aeropagus, rauliangaa, “Kipeinao mohadi paturo wou iti.

Ibarani 6:9

Agaiana ikamu halalu au kipokaahi, nauri nodo lolitangki, kiisa barakau nodo tampo au nagane Pue Ala. Kiisa kaarana wuami au meliu kamaroana, itimi pepoinalaimi hai babehiami au hintoto i tauna au molambi katehorema hangko i Pue Ala.

1 Yohane 2:24

Mewali, halalu, bambari au nihadi hangko i nguru-nguruna, iti au hangangaa nipailalu liliu. Ane mopailalukau bambari iti, ina mohintuwukau hai Pue Ala Umanta hai Yesu AnaNa.

1 Yohane 3:11

Idemi bambari au nihadimi hangko i mpolinguruna: hangangaa mombepokaahike hadua hai hadua.

1 Yohane 3:2

Halalu au kupokaahi! Ide-ide, ananamoke Pue Ala. Agaiana bara mani taisa noumba kamaroana katuwonta i alo au ina mai, lawi bara manike rapatongawaa. Nauri nodo au taisa iami: ane hawe hule Kerisitu, ina mewalike himbela hai Ia, lawi ina taita mpuu noumba lenggeNa au katou-touana.

1 Yohane 3:21

Mewali, halalu au kupokaahi, ane barapoke nasalai lalunta, baimoke mohungkuki Pue Ala,

1 Yohane 3:23

Idemi hawaNa irikita: hangangaa mepoinalaike i Yesu Kerisitu AnaNa, hai hangangaa mombepokaahike hadua hai hadua nodo au naparentaiamoke Pue Yesu.

1 Yohane 4:1

Halalu au kupokaahi! Ineehe hampai nipoinalai ope-ope tauna au mouli kaarana Inaona Pue Ala irihira. Nipeita maroahe, ba tou-tou mpuuhe hangko i Pue Ala ba bara. Lawi iumba-umba pea, arahe nabi au mepawuli.

1 Yohane 4:11

Halalu au kupokaahi, nodomi kamahilena ahina Pue Ala irikita! Ido hai hangangaa mombepokaahi worike hadua hai hadua.

1 Yohane 4:21

Mewali, ide hawana Kerisitu irikita: hema au mampokaahi Pue Ala, hangangaa mampokaahi wori halaluna.

1 Yohane 4:7

Halalu au kupokaahi! Mombepokaahimoke hadua hai hadua, lawi ahi mentumbu hangko i Pue Ala. Ope-ope tauna au mampokaahi ranganda, ihira au napoana Pue Ala hai au moisa Pue Ala.