1 Yohane 2:3 - Sura Malelaha

³ Ane mampeulaike hawana Pue Ala, iti au mopakanoto kamoisanta mpuu Pue Ala.

1 Yohane 2:3 Mawu Ofanana

Lukasi 6:46

“Moapa hai nikakioNa Pue, agaiana bara nipeulai hawaNgku?

Yohane 14:15

“Ane nipokaahiNa, manoto nipeulai hawaNgku.

Yohane 15:10

Iko mampeulaiNa hawana UmaNgku hai tuwo liliuna i lalu ahiNa. Nodo wori, ane nipeulai hawaNgku, ina tuwo liliukau i lalu ahiNgku.

Yohane 15:14

HimadaNgkumokau ope-ope, ane nibabehi apa au Kuhawaakau.

Yohane 17:3

Au Kutunggai hai ‘katuwo maroa au bara mokahopoa’ iami: Moisahe kaOiona Pue Ala au tou, au bara ara karoduaNa, hai moisa worihe Yesu Kerisitu au Nutudu mai i dunia.

2 Korintu 4:6

Lawi Pue Ala au mongkora, Nauli, “Hangko i kamakaindi, mesupami baa!”, Ia worimi au mampopesupa baa i lalunta, bona moisake peawana tuwona Pue Ala au tongawa i tuwona Kerisitu.

Ibarani 5:9

Hai anti pengkoruNa, Yesu mewali Topehompo au bara ara kamakuraNa, hai Ia mowei ope-ope tauna au mengkoru Iria katuwo maroa au bara mokahopoa.

1 Yohane 2:13

Uma-uma, kuukiakau sura ide, lawi moisamokau Ia au ara hangko i nguru-nguruna. Ope-ope anantomoane hai anantowawine, kuukiakau sura ide, lawi monangimokau Datu Tokadake.

1 Yohane 3:14

Ane mampokaahike halalunta, taisa katekabahanta hangko i kapate hai molambike katuwo maroa au bara mokahopoa. Agaiana tauna au barahe mampokaahi halalunda, bara manihe tekabaha hangko i kapate.

1 Yohane 3:19

Ane mampokaahike halalunta, manoto taisa ikita ananake Pue Ala, alana peisake mopatinda lalunta i lindoNa,

1 Yohane 3:6

Mewali, ope-ope tauna au mohintuwu hai Ia, barapohe mobabehi dosa. Ope-ope tauna au mobabehi manihe dosa, barahe ina moita ba moisa Yesu.

1 Yohane 4:13

Hintuwumoke hai Pue Ala, hai Pue Ala mohintuwu hai ikita. Iti taisa lawi Naweike InaoNa.

1 Yohane 4:7

Halalu au kupokaahi! Mombepokaahimoke hadua hai hadua, lawi ahi mentumbu hangko i Pue Ala. Ope-ope tauna au mampokaahi ranganda, ihira au napoana Pue Ala hai au moisa Pue Ala.

1 Yohane 5:19

Hai taisami: ikita ide napoanamoke Pue Ala, hai ope-ope dunia ide nakuasai Datu Tokadake.

1 Yohane 5:2

Ane mampokaahike Pue Ala hai tapeulai hawaNa, lempona mampokaahi worike tauna au napoanahe Pue Ala.

1 Yohane 5:3

Lawi ane mampokaahike Pue Ala, lempona mampeulaike hawaNa. Hai hawaNa iti, bara mapari,

Pampetudungia 12:17

Masodo ntepuumi naga i towawine iti. Ido hai laomi mampombealaa pemuleanahe towawine iti au ntanina, iami tauna au mampeulaihe hawana Pue Ala hai au mopangaku kaYesuna Ampunda.

Pampetudungia 14:12

Idomi hai taunana Pue Ala au matunduhe i hawaNa hai au mepoinalai liliuhe i Yesu, hangangaa mantahahe i lalu kapari.

Pampetudungia 22:14

Morasihe tauna au mobahoi hampinda hawe maitu, lawi ihira au ina rapaliu maande wua Kau Ngkatuwo. Ihira au peisa moliu i babaka mesua i lalu wanua iti.