1 Yohane 2:19 - Sura Malelaha

¹⁹ Tauna au mampoiwalihe Kerisitu iti arahe i olonta hangkoia, agaiana katouana barahe ranganta. Ido hai padumohe mopatani hangko irikita. Ane rapana tou-tou rangantahe, kemia-miahe taporanga. Agaiana megaakimohe hangko irikita, ido hai manoto kadanda mpuu huba hadua au himbela hai ikita.

1 Yohane 2:19 Mawu Ofanana

Matiu 24:24

Lawi ina hawe bosa tauna au mepakanawo au manguli Datu Topehompohe ba nabihe. Ina mobabehihe tanda kuasa hai tanda au metingkarai bona mopakanawohe bosa tauna. Ane peisa, mogalo tauna au napilei Pue Ala, rapakanawo wori.

Markus 13:22

Lawi ina hawe bosa tauna au mepakanawo au moulihe kaihirana Datu Topehompo, ba au mouli kaihirana nabi. Ina mobabehihe tanda kuasa hai tanda au metingkarai bona mopakanawohe bosa tauna. Rapari-pari wori ane peisa, maitu tauna au napileimohe Pue Ala mewali taunaNa, rapakanawo wori.

Lukasi 8:13

Tinuda au manawo i tampo au mowatu-watu, lempona mohadihe Ngkorana Pue Ala, tou-tou matana lalunda. Mepoinalaimohe, agaiana pepoinalainda iti bara maroho, nodo tuda-tuda au bara mouaka. Ido hai ane molambihe kapari anti pepoinalainda i Ngkorana Pue Ala, mousulihe hai barapohe mepoinalai.

Yohane 15:2

Ope-ope daa au tuwo Iriko au bara mowua, Nakadiri. Hai ope-ope daa au tuwo Iriko au mowua, Napakabaa hai Nakadipura bona tetambai powuana.

Yohane 4:14

Agaiana hema au moenu owai au Kuwei, barapi mangkadou hawe i hae-haena. Lawi owai au Kuwei iti, ina moili liliu i laluna; lempona, ina molambi katuwo maroa au bara mokahopoa.”

Suro 15:24

Ara kihadi bahangkia tauna hangko irikami inde au lao irikamu mopawulikau i lalu pepoinalaimi hai paturonda. Mewali bona niisa: barahe kitudu.

Suro 20:30

Mainga-ingakau lawi ara worihe i olonta au ina mopawuli tauna au mepoinalai i Yesu bona raantihe i rara au mepakanawo. Nikatuinao, halalu, i lalu talu parena, barana mengkaroo mopaturokau hadua-hadua, maroa mabaa maroa kaindi, hai bosa wori belana tudo owai matangku moteriahikau.

Roma 9:6

Ide-ide, kabosanda to Isaraeli, barahe taunana Pue Ala. Agaiana ineeri tapehangu dandina Pue Ala i to Isaraeli bara tepabukei. Bara tou lolita iti! Lawi i olonda pemuleanda to Isaraeli au napilei Pue Ala hangkoia, barahe ope mewali taunaNa.

1 Korintu 11:19

Barato moapa posisisala peamodekau, bona tongawari pae ba hema au maroho peulana i Pue!

2 Timotiu 2:10

Ido hai kubuku mohalea ope-ope kapari ide bona tauna au napileimohe Pue Ala ina mampehadingi hai mampoinalai Ngkora Marasa iti duunda molambi katehorema hai katuwo meawa au bara mokahopoa anti pohintuwunda hai Kerisitu Yesu.

2 Timotiu 2:19

Nauri nodo, Ngkorana Pue Ala batena maroho peangkana. Ngkorana Pue Ala rapandiri nodo haogu watu au bara ina tedua. I lalu Ngkorana Pue Ala teuki node, “Pue moisa hema au Napilei mewali anaNa,” hai, “Hema-hema au mopangaku kaYesuna Ampunda, hangangaa mokabahahe babehianda au kadake.”

2 Timotiu 3:9

Yanes hai Yambres iti, bara rabuku moewa kuasana Pue Ala au ara i Musa. Apa au mewali irihira, ina mewali wori i guru au mepakanawo i tempo ide. Bara rabuku moewa paturo au tou, lawi kantulinda batena ina raisa ope-ope tauna.

Ibarani 10:39

Agaiana ikita ide, halalu, barake tauna au mousuli hangko i pepoinalainta, hai au ina rahuku. Ikita ide, tauna au mepoinalai hai au molambi katuwo maroa.

2 Yohane 1:7

I humalele dunia ara bosa topeakalangi au moanti paturo au mepakanawo. Ihira iti tauna au barahe mampoinalai katouna Yesu Datu Topehompo au maimi mewali manusia. Tauna au nodo, topodongkohe hai mampoiwalihe Kerisitu.

Yudasi 1:1

Sura ide hangko iriko Yudasi, hawina Yesu Kerisitu hai halaluna Yakobu. Sura ide kupakatu irikamu halalu au nakakiokau Pue Ala Umanta mewali taunaNa. Pue Ala mampokaahikau, hai Yesu Kerisitu ina mokampai liliukau duuna i kahaweNa hule.

Yudasi 1:19

Tauna au nodo mopaara peahe posisisala i ranganda. Barahe nakuasai Inao Malelaha, nakuasai pearihe peundeana lalunda.