1 Yohane 2:11 - Sura Malelaha

¹¹ Tauna au bara mampokaahi halalunda, manoto tuwo manihe i kamakaindi hai barahe moisa iumba kalaoanda, lawi napabilomohe kamakaindi iti.

1 Yohane 2:11 Mawu Ofanana

Yohane 12:35

Nauliangaahe Yesu, “Hampalai pearai, pewangka au mopamabaakau ide-ide barapi ina ara hihimbela hai ikamu. Molumao liliumokau i lalu kamabaana i tempona pewangka iti ara mani irikamu bona datikau narumpa kamakaindi. Tauna au molumao i lalu kakaindiana, bara raisa iumba kalaoanda.

Yohane 12:40

“Nauli Pue Ala: ‘Kupabilomohe, datihe meita. Kupamatua lalunda bona barahe moisa peundeaKu. Kahopoana barahe mesule Iriko, hai barahe Kuhorema.’ ”

2 Korintu 3:14

Agaiana pekirinda tetuko mani, lawi hawe ide-ide natabungi manihe tolombu iti. Ane mobasahe atura au hae, tetuko mani pekirinda. Ane mepoinalaimohe i Kerisitu, hangko tebungkahiri pekirinda.

2 Korintu 4:4

Napawulihe Datu Tokadake au mokuasai dunia ide datihe mampoinalai Ngkora Marasa. Kuasa Ngkora Marasa bara mopamabaa lalunda. Mewali, barahe moisa peawana tuwona Kerisitu au mopatongawa peawana Pue Ala.

Titu 3:3

Lawi hangkoia, makaindi mani lalunta, bara taisa rara au manoto, taliungi AturaNa. I tempo iti, napohawi manike peundeana lalunta au kadake hai katana dunia au mepakanawo. Kadake lalunta, mahinake i ranganta, hai mombekahihi peake.

2 Peturu 1:9

Agaiana tauna au bara mobabehi nodo, nodohe tobilo ba tauna au bara karao pampekirinda lawi barahe mokatuinao noumba kaNabahoinda hangko i dosanda.

1 Yohane 1:6

Ane tauli mohintuwuke hai Pue Ala, moleri tuwoto manike i lalu kamakaindi, modongkomoke hai barake mampeulai paturo au tou.

1 Yohane 2:10

Tauna au mampokaahihe halalunda, tuwohe i lalu kamabaa, hai bara ara babehianda au mopakanawo ranganda.

1 Yohane 2:9

Tauna au manguli tuwohe i lalu kamabaa, agaiana mobabehi manihe dake i hangka ranganda, manoto tuwo manihe i lalu kamakaindi.

1 Yohane 3:15

Hema au bara mampokaahi halaluna, himbela pea hai topepapate. Hai niisa halalu: bara ara topepapate au molambi katuwo maroa au bara mokahopoa.

1 Yohane 4:20

Hema au manguli, “Mampokaahina Pue Ala,” agaiana bara mampokaahi halaluna, modongkomi. Lawi ane halaluna bara napokaahi, apa mani Pue Ala au bara naita.

Pampetudungia 3:17

Niuli pebukukau, handa katuwomi, hai barapi ara kamakurami. Agaiana, bara niisa kanoumbami! Rumihi ntepuu kameahi-ahimi! I lalu pepoinalaimi, meahi-ahikau, bilokau, hai barakau mehampi