1 Timotiu 6:5 - Sura Malelaha

⁵ hai pombembehehe. Pekirinda tauna iti barapi maroa, barahe moisa paturo au tou. Rauli, peisahe molambi rasi hangko i poagamanda.

1 Timotiu 6:5 Mawu Ofanana

Matiu 12:33

Nauli mbuli Yesu i toParisi, “Ane kau au maroa, maroa wori wuana. Ane kau au bara maroa, bara wori maroa wuana. Kamaroana kau ba kadana, taisa i wuana.

Matiu 21:13

Nauliangaahe, “I lalu Sura Malelaha, Pue Ala manguli node: ‘SouNgku ina rauli sou pekakaea.’ Agaiana ikamu, nipopewaliri sou pogulua topanangka!”

Matiu 23:13

Hurewumokau, guru agama hai toParisi! Batena ina molambikau rugi, lawi maroa i raoa peakau! Bara niunde mampeulai paturoNgku bona mewalikau taunana Pue Ala i lalu poparentaNa. Hai tauna ntanina au mau, nikonto.

1 Korintu 11:16

Agaiana ane ara au mampeinao mosapuaka au kuuli ide, idemi lolitangku moula ada au kipeulai, towawine hangangaa metolombu i paminggua, hai ada iti rapeulai wori halalunta hampepepoinalai i boea-boeana. Au ntanina hangko ide, bara ara.

2 Tesalonika 3:6

Halalu, hai kuasa au naweingkai Pue Yesu Kerisitu, kiuliangaakau: ineehe nipohintuwua halalumi hampepepoinalai au lohehe mobago hai au barahe mampeulai atura au nidoko hangko irikami.

1 Timotiu 1:6

Arahe bahangkia tauna au barapohe mampeulai rara ide. Morara ntanihe hangko i rara au manoto, hai mampombehanaingi liliuhe lolita au bara mobundu.

1 Timotiu 3:3

Bara peisa au malangu-langu ba au paka mobungka-bungka. Hangangaa au maalusu poantina, au mohintuwu hai rangana, hai au bara mohaoki pea doi.

1 Timotiu 3:8

Tauna au rapilei mewali diaken hangangaa nodo wori poantinda. Hangangaa manoto babehianda hai au hintotohe rabila. Barahe au mobatantimali ba au malangu-langu ba au mohaoki peahe doi.

1 Timotiu 4:7

Ineeko motende tempomu lao mampehadingi lolita au bara tou hai au moanti peake mampeulai peundeana lalunta au kadake. Agina nupakaroho lalumu mengkoru i Pue Ala.

1 Timotiu 4:8

Lawi ane mopakarohoke watanta, haodi pea pobunduana. Agaiana ane lalunta tapakaroho mengkoru i Pue Ala, pobunduana ngkaia, lawi pengkoruta i Pue Ala moanti pewati i katuwonta, maroa i dunia ide maroa i alo au ina mai.

1 Timotiu 6:6

Katouana, poagamanta moanti rasi au mahile, asala apa au ara irikita tapohandaka.

2 Timotiu 3:5

Ane i petotokinda ranganda, babehianda mampeulai mpuuhe atura-atura agama nodohe tauna au mengkoru i Pue Ala, moleri mosapuakatohe kuasana Pue Ala au peisa mobaliki lalunda. Tauna au nodo babehianda, ineehe nupogaloa.

2 Timotiu 3:8

Guru au mepakanawo iti, kadake pekirinda, hai barapi ara pepoinalainda, alana Pue Ala mosapuakahe. Moewahe paturo au tou, nodo Yanes hai Yambres au moewa nabi Musa i tampo Masiri hangkoia.

Titu 1:11

Tauna iti hangangaa nukontohe, ineehe nupaliu mepaturo, lawi moantihe pepawuli hai pepaturonda au bara hintoto i tambi-tambina. Hai tunggaianda mepaturo bona molambi peahe rasi. Babehianda iti mepakaea mpuu.

2 Peturu 2:15

Mehupemohe hangko i rara au tou, ido hai kadake babehianda. Moulahe rara au naporarai Bileam anana Beor hangkoia, lawi Bileam mohaoki pea doi au nahumba hangko i babehiana au kadake.

2 Peturu 2:3

Guru au mepakanawo iti mohaoki peahe doi, mewali ina rapahaweakau lolita au rababehi haduduanda bona molambihe rasi hangko irikamu. Agaiana ara pehuku au mahaemi napasilolongaahe Pue Ala, hai karahukunda iti ina holiga mewali.

Yudasi 1:11

Hurewumohe! Moula peahe rarana Kai hangkoia. Mampeulaihe babehiana Bileam, lawi nauri raisa babehianda masalami, batena iti au rababehi liliu, lawi mohaoki peahe doi. Nodo Kora hangkoia, ihira moewahe Pue Ala, hai batena Pue Ala ina mohuku mate worihe nodo Kora.

Pampetudungia 18:13

Nodo wori kanino hai rampa-rampa ntanina, anu-anu au mawongi nodo dupa, mire hai kemenyan. Tepesua wori anggoro, lana, tapu hai pare Nodo wori japi, dimba, dara, roda, hawi hai tauna au ratawani. Ope-ope balu-balunda iti barapi ara au moholo, anti kamageronami wanua iti.

Pampetudungia 18:3

Mageromi wanua Babeli, lawi to Babeli mowawaha tauna i humalele dunia bona maenu paenu au melangui. Lempona: mowawahahe tauna mampeulai babehianda au kadake. Ope-ope datu i dunia mampeulaihe babehianda au merikai iti. Hai topobalu-balu i dunia mewalihe tauna au pebuku hangko i mampopengaa peundeanda to Babeli.”