1 Timotiu 6:4 - Sura Malelaha

⁴ tauna iti mengkamapande peahe, moleri baratohe moisa apa-apa. Peundeanda bona mombehehe liliuhe hai mohaoki peahe posisisala i lolita au mopaara kamahina, pobungka-bungka, pekakabosai, pesasalai,

1 Timotiu 6:4 Mawu Ofanana

Suro 15:2

Agaiana Paulu hai Baranaba, rumihi poewanda paturo iti. Kahopoana, rabotusi bona Paulu, Baranaba, hai bahangkia tauna ntanina au mepoinalai i Yesu lao mopahawe kara-kara iti i surona Pue Yesu hai penatua-penatua i Yerusale.

Suro 18:15

Agaiana popahawemi mokanai pea lolitana hai atura agamami. Mewali niurusimi ikamu. Iko, lohena!”

Suro 8:9

I lalu wanua iti, ara hadua tobalilo au rahanga Simo. Simo iti, hadua topobalimata au mahaemi mampopaita isana au metingkarai i to Samaria. Nauli kaiana tauna au mahile kuasana.

Roma 12:16

Mohintuwukau hai rangami. Ineekau mampemahile, agina nipogaloahe tauna au i woi katuwonda. Hai inee nipekiri kapandemi melumbu hangko i rangami.

Roma 13:13

Nibabehi babehia au hintoto i kabaakana. Ineekau mosusa-susa hai malangu-langu. I babehia tobalilo hai towawine, ineekau mobabehi babehia au sala ba au moula peundeana lalunta au kadake. Ineekau mobungka-bungka ba mahina.

Roma 14:1

Ara halalunta hampepepoinalai au bara mani maroho pepoinalainda. Hangangaa nidoko maroahe tauna iti. Kehapiri mosisala pelambimi, inee iti au nipombehehei.

Roma 2:8

Agaiana ara worihe tauna au mampekiri pea watanda. Barahe mau moula peundeana Pue Ala, moula pearihe peundeanda au kadake. Ihira ina molambi karumpuNa hai pehukuna Pue Ala.

1 Korintu 11:16

Agaiana ane ara au mampeinao mosapuaka au kuuli ide, idemi lolitangku moula ada au kipeulai, towawine hangangaa metolombu i paminggua, hai ada iti rapeulai wori halalunta hampepepoinalai i boea-boeana. Au ntanina hangko ide, bara ara.

1 Korintu 11:18

Nguru-nguruna, kuhadi bambari au manguli, ane moteruhukau maminggu, ara posisalami hadua hai hadua. Hai kupekiri bambari iti hangangaa tou!

1 Korintu 3:18

Ineekau mopakanawo watami haduduami. Ane ara hadua tauna i olomi au mengkamapande i lindo manusia, agina tauna iti mewali nodo tontuli i lindo manusia bona ia mewali mapande i lindona Pue Ala.

1 Korintu 3:3

lawi moula manikau peundeana lalumi au kadake. Mahinakau hai mobungka-bungka manikau, itimi au mopakanoto poulami mani peundeana lalumi au kadake, nodo tauna au bara manihe moisa Pue.

2 Korintu 11:20

Ane arahe guru au mampohawikau, nidokohe. Ane arahe au mopakanawokau hai mobagiukau, nidokohe. Ane arahe au mampemahile hai mohapakau, nitodiha pea.

Galatia 5:15

Agaiana maroa-roakau ineekau mobungka-bungka hai mombepakoi mpoinao, datikau mombepakarugi.

Galatia 5:26

Ineeke mampemahile, ineeke mombepamahai mpolalu ba mombekahinai.

Galatia 6:3

Ane ara hadua tauna au moimba tuwona melumbu, moleri barato, himbela pea mampodongkoa watana haduduana.

Pilipi 1:15

Arahe au moanti bambari kana i Kerisitu anti kamahinanda lawi rapeinao monangina. Agaiana ara worihe au moanti bambari iti anti kabulana lalunda.

Pilipi 2:14

I paka-pakana au nibabehi, ineekau mohume-hume ba mombembehehe,

Pilipi 2:3

Ineekau mopaioru peundeami haduduami, ineekau mampemahile. Agina mengkaiwoike hadua hai hadua, hai hangangaa taimba ranganta melumbu hangko irikita.

Kolose 2:18

Mewali, ineekau hawe rapakanawo tauna iti. Mengka-mengkahe mengkaiwoi hai menombahe i malaeka. Rauli kapandenda iti hangko i apa au natudungiahe malaeka. Paturonda iti mesuwu hangko i lalunda haduduanda au mokanai pea dunia ide. Ineehe nipogiangaa tauna iti mosalaikau.

2 Tesalonika 2:4

I lalu pampemahilena Manusia Kadake iti ina meewa hai mampeiwongko hangko i ope-ope au rapenombai manusia. Hai ia ina mohuda wori i Souna Pue Ala hai nauli kaianami Pue Ala.

1 Timotiu 1:4

Nukontohe bona ineehe mampololita lolita au rabababehi ba au bara tou kana i ulu bubunda au bara mau hopo. Ope-ope iti mopaara pea pobungka-bungka, lawi barahe mampeulai tunggaiana Pue Ala au taisa hangko i pepoinalainta.

1 Timotiu 1:7

Rapeinao mepaturo kana i Aturana Musa, agaiana paturonda bara raisa apa lempona. Rauli, mapandehe mopakanoto lempona Aturana Musa, agaiana katouana bara raisa apa tunggaiana.

1 Timotiu 3:6

Ane ara hadua tauna au hangko mepoinalai i Pue Yesu, ia bara peisa raangka mewali penatua, dati mampemahile, alana molambi pehuku nodo au rahukua Datu Tokadake.

2 Timotiu 2:14

Timotiu! Ope-ope au kuuli ide hangangaa nupopaingaahe to sarani au ara inditi. Nuweihe lolita i lindona Pue Ala bona ineehe mampombehanaingi rara mpoagama. Lawi pombehahanai iti bara mobundu i lalu katuwonta, agaiana mopakarugi pea pepoinalainda tauna au mohadi.

2 Timotiu 2:23

Arahe tauna au mampombehanaingi liliu paturo au bara mobundu, agaiana bara mani manoto i lalunda paturo au tou. Inee nupesuaki pombehahanainda iti, lawi nuisa paturo iti mopaara pea posisala.

2 Timotiu 3:4

Mopakanawohe hangka ranganda, bara kaladu pampekirinda, hai mengkaiwongkohe. Barahe mampeulai peundeana Pue Ala, agaiana mampeulai peahe peundeana lalunda.

Titu 3:9

Agaiana ara worihe tauna au mombehehe hai mampombehanaingi atura agama Yahudi ba tuntukana pemuleanda. Nukaraohihe! Nupalehi peamohe i pombembehanainda au bara mobundu hai au bara moanti pewati i tauna.

Yakobu 1:19

Halalungku au kupokaahi! Nipailalu maroa lolita ide: ikita ope-ope hangangaa manaki talinganta mampehadingi lolitana tauna, hai ineeke sosa mololita hai ineeke hoholiga rumpu.

2 Peturu 2:12

Agaiana guru au mepakanawo iti, bara manoto pekirinda. Mosasalaihe apa au bara raisa. Babehianda nodo binata au bara ara pekirinda. Ihira nodo binata maila au rapoanaka bona rapakala hai rapapatehe. Ihira ina nahukuhe Pue Ala anti babehianda au kadake.

2 Peturu 2:18

Polololitanda mampemahile, hai bara mobundu. Modiihe lalunda tauna hai peundeanda au merikai alana tauna iti rapakanawohe, moleri tauna iti bara manihe mahae mopalehi babehianda au kadake.

Yudasi 1:10

Agaiana guru au mepakanawo iti, mopapakoihe au makuasa au bara raisa. Au raisa pea, babehia au nodo babehia binata au bara ara pekirinda. Hai anti babehianda iti, ido hai ina molambihe pehuku.

Yudasi 1:16

Guru au mepakanawo iti mohume-hume peamohe hai mosasalaihe ranganda. Moula peahe peundeana lalunda au kadake. Anti ope-ope babehianda, mampemahilehe, hai moore-ore peamohe ranganda bona mohumbahe rasi.

Pampetudungia 3:17

Niuli pebukukau, handa katuwomi, hai barapi ara kamakurami. Agaiana, bara niisa kanoumbami! Rumihi ntepuu kameahi-ahimi! I lalu pepoinalaimi, meahi-ahikau, bilokau, hai barakau mehampi