1 Timotiu 6:11 - Sura Malelaha

¹¹ Agaiana oio Timotiu, hawinamoko Pue Ala. Nupakarao tuwomu hangko i ope-ope babehia au nodo. Nupari-pari mampeulai babehia au manoto hai mengkoruko i Pue Ala. Nupakaroho pepoinalaimu i Kerisitu hai kamaahimu i hangka rangamu, mantahako i lalu kapari hai Nupamaalusu poantimu i hangka rangamu.

1 Timotiu 6:11 Mawu Ofanana

Roma 14:19

Ido hai hangangaa tapari-pari mohintuwu hai ranganta hai mombepakaroho mpolaluke hadua hai hadua.

1 Korintu 10:14

Mewali, halalu au kupokaahi, hangangaa nipalehi ada penomba i anitu!

1 Korintu 14:1

Mewali, au hangangaa tapaioru, iami kamaahinta i ranganta, hai hangangaa tapari-pari wori molambi kapande hangko i Inao Malelaha. Agaiana kapande au meliu pobunduana, iami kapande mopahawe lolita hangko i Pue Ala.

1 Korintu 6:18

Nipakarao watami hangko i babehia au sala iti. Lawi ope-ope dosa au rababehi mewali i raoa hangko i watanta. Agaiana ane ara au mobabehi sala i babehia tobalilo hai towawine, madosami i watana haduduana.

1 Timotiu 1:14

Nauri mahile dosangku, agaiana melumbu mani kamahilena ahina Pue Ala. Natulungina hangko i kabulana laluNa, alana mampoinalai hai mampokaahina Kerisitu Yesu.

1 Timotiu 4:12

Nauri mangura maniko, hintotoko rabila tauna. Hangangaa mewaliko pandiri i halalunta hampepepoinalai i lalu pololitamu, babehiamu, kamaahimu i hangka rangamu, pepoinalaimu i Pue, hai i lalu katuwomu au malelaha.

1 Timotiu 5:10

Hangangaa au manoto babehianda, pandirina: hangkoia mokadipura maroamohe ananda, matanahe modoko torare i sounda, motulungihe halalunda hampepepoinalai, mokadipurahe tauna au i lalu kapari, hai mobabehihe hinangkana bago au maroa.

1 Timotiu 6:20

Oio Timotiu, napoinalaiamoko Pue Ala moanti paturo au manoto. Mewali, hangangaa nukingki maroa paturo iti dati ara au mobaliki. Karaohi lolita au bara mobundu hai paturo au bara manoto au rauli kapande agaiana bara tou.

2 Timotiu 2:21

Mewali, ane mokabahake babehianta au kadake, mewalike nodo parewa au maroa, au rapake modoko torare au rabila. Lempona, mewalike topobago au malelaha hai au mobundu i Pue, hai masilolonga peamoke mampopolumao hinangkana bago au maroa.

2 Timotiu 2:22

Timotiu, ido hai kuweiko lolita, bona ineeko mampeulai peundeana lalumu nodo au biasa i tauna au mangura manihe. Nupari-pari mampeulai babehia au naunde Pue. Nupakaroho kamatundumu i Pue hai kamaahimu i hangka rangamu. Mohintuwuko hai ope-ope tauna au mekakaehe i Pue hangko i kabulana lalunda.

2 Timotiu 3:10

Agaiana oio Timotiu, lawi mahaemoko kuporanga, nuisami paturongku hai babehiangku hai tunggaiana lalungku. Nuita mpuumi pepoinalaingku, kasabarangku, kamaahingku, hai kamantahaku i lalu kapari.

2 Timotiu 3:17

Sura Malelaha iti moparewaihe ope-ope tauna au mengkoru i Pue Ala bona rabuku mampopolumao hinangka bago au maroa.

Ibarani 12:14

Hangangaa nipari-pari mohintuwu hai ope-ope tauna. Nipari-pari wori bona malelaha tuwomi, lawi tauna au bara malelaha tuwona bara ina moita Pue.

1 Peturu 3:11

Ia hangangaa mokabaha babehiana au kadake hai mobabehi apa au maroa. Hangangaa napari-pari mohintuwu hai hangka rangana,