1 Timotiu 5:8 - Sura Malelaha

⁸ Lawi ane ara hadua tauna au manguli maroho pepoinalaina i Pue Ala, agaiana bara mokadipura halaluna hai tinana, babehiana iti mosapuaka pepoinalaina. Melumbu kakadakena hangko i tauna au bara mepoinalai i Pue Ala.

1 Timotiu 5:8 Mawu Ofanana

Matiu 18:17

Ane bara naunde mampehadingi lolitanda sabi iti, nupahawemi i ope-ope halalumi hampepepoinalai. Ane bara liliu napoinalai kehapiri ope-ope halalumi hampepepoinalai mokambaroa, pogiangaamide, hai niimbami nodo tauna au bara moisa Pue Ala hai au kadake babehiana.

Matiu 7:11

Kehapirikau kadake, niisa mani mowei apa au maroa i anami. Apa mani Umami au ara i suruga! Batena ina mowei apa au maroa i tauna au merapi Iria.”

Yohane 15:22

Ane kebaraNa mai mopaturohe, kebara worihe masala. Agaiana, lawi mai mpuumoNa mopaturohe, ido hai barapi ara rara mosapuaka kamasalanda.

1 Korintu 6:6

Ara kuhadi hadua tauna hangko i olomi au mosalai halaluna hampepepoinalai i lindona topebotusi au bara mepoinalai i Pue Yesu!

2 Korintu 12:14

Nipehadingi maroa! Ina laona mosondakikau i kataluna belana. Hai barana merapi apa-apa irikamu. Au kuhaoki, bara anu-anumi, agaiana lalumiri bona nipokaahina. Lawi barari anangkoi au mampasaokia paandena tosaenda; agaiana tosaeri au mampasaokia paandena ananda.

2 Korintu 6:15

Peisa pae Kerisitu mohintuwu hai Datu Tokadake? Peisa pae hadua tauna au mepoinalai mohintuwu hai hadua tauna au bara mepoinalai?

Galatia 6:10

Ido hai, liana mani ara loga au raweike, hangangaa mobabehike apa au maroa i ope-ope tauna, pelumbunami i halalunta hampepepoinalai.

2 Timotiu 2:12

Ane sabarake mohalea kapari anti peulanta Iria, ina moparenta worike hihimbela hai Ia. Agaiana ane tasapuaka peulanta Iria, ina Nasapuaka wori kaikitana taunaNa.

2 Timotiu 3:5

Ane i petotokinda ranganda, babehianda mampeulai mpuuhe atura-atura agama nodohe tauna au mengkoru i Pue Ala, moleri mosapuakatohe kuasana Pue Ala au peisa mobaliki lalunda. Tauna au nodo babehianda, ineehe nupogaloa.

Titu 1:16

Rauli, moisahe Pue Ala, agaiana modongkohe, lawi babehianda bara hintoto hai apa au rauli. Kadake mpuu babehianda. Barahe matundu i hawana Pue Ala, hai bara rabuku mobabehi apa au maroa.

2 Peturu 2:1

Hangkoia arahe nabi au mepakanawo i olonda tauna au meula i Pue Ala. Nodo wori ide-ide, batena ara worihe i olomi guru agama au mepakanawo. Ihira ina mopahawehe paturo au bara tou au mopakanawo tauna, hai pelumbunami mosapuakahe Amputa au mohompo dosanda. Anti pesapuakanda iti, mopakanawomohe watanda haduduanda. Tauna iti holi-holi kaina maropunda.

Yudasi 1:4

Kuuli ope-ope ide lawi arahe guru agama au mesua i olomi au moantihe paturo au sala. Tauna iti mangulihe, kaihiranami halalunta hampepepoinalai, agaiana katouana barahe mengkoru i Pue Ala. Rauli wori, peisatoke mampeulai peundeana lalunta au kadake, lawi Pue Ala maahi laluNa. Paturo iti kadake, lawi mobalikihe paturo au tou kana i kabulana laluna Pue Ala, hai mosapuakahe Datunta hai Amputa, Yesu Kerisitu. Ia pea au hintoto tapengkorui. Guru au mepakanawohe iti, ina rahukuhe, lawi hangkoia ara mpuuhe nabi au mampololita kana i hukuanda au napakanotoahe Pue Ala.

Pampetudungia 2:13

Nauli: Kuisa iumba paidaami. Maidakau i wanua pohudaana Datu Tokadake. Agaiana nipangaku liliuNa. I karapapatena sabiNgku Antipas, bara nisapuaka kanipoinalaiNgku. Antipas iti iami sabiNgku au mopangaku liliuNa duuna rapapate i boeami au nakuasai Datu Tokadake.

Pampetudungia 3:8

Nauli: Kuisa apa au nibabehi. Peita, Kubungkahiakau baba hai barapi ara au peisa motuko, lawi nauri haodi pearai kamarohomi, lolitaNgku nipeulai hai bara mpuu nisapuaka kanipoinalaiNgku.