1 Timotiu 5:7 - Sura Malelaha

⁷ Nupahawe ope-ope paturongku ide i halalunta hampepepoinalai bona bara masala babehianda.

1 Timotiu 5:7 Mawu Ofanana

Pilipi 2:15

bona tongawa i ope-ope tauna ikamu ananakau Pue Ala, bara ara kamasalami, malelaha tuwomi hai bara ara tunggaiami au kadake. Nodo betue au mewangka mosimbaki kamakaindi, nodo worikau ikamu au maida i olonda tauna au motengko babehianda hai au kadake lalunda,

1 Timotiu 1:3

Kuperapi bona oio maida liliuko i Epesu nodo au kuuli hangkoia i peangkaku, mai inde i Makedonia. Lawi inditi arahe bahangkia tauna au moanti paturo au sala, hai hangangaa nukontohe bona ineehe moanti liliu paturo au mepakanawo.

1 Timotiu 4:11

Ope-ope au kuuliangaako ide, hangangaa nupaturoahe hai nuhawaahe bona rapeulai.

1 Timotiu 6:17

I tauna au pebuku, nupaturohe bona ineehe mampemahile hai ineehe meharunga i anu-anu dunia, lawi anu-anu dunia batena pea marugi. Agina mepoinalaihe i Pue Ala au moweike ope-ope pewati au bara ara hokana. Iami au tapokatana.

2 Timotiu 4:1

Timotiu! Paturongku ide kupahawe hangko i lalungku mpuu. Ane hawe hulemi Pue Yesu i dunia ide, Ia ina moparenta nodo hadua Datu, hai mobotusi kara-karanda ope-ope tauna, maroa au tuwo manihe, maroa au matemohe. Ido hai i lindona Pue Ala hai Kerisitu Yesu kuweiko lolita ide:

Titu 1:13

Tou mpuu apa au nauli tauna iti! Ido hai to Kreta au arahe inditi hangangaa nuwei mpuuhe lolita bona mepoinalai liliuhe i paturo au tou.

Titu 2:15

Mewali, Titu, ope-ope ide hangangaa nupaturoahe. Nupakaroho lalunda hai nuweihe lolita. Ineeko maea, lawi raweimoko kuasa mopaguruhe. Ineehe nupogiangaa bahema pea mopapakoiko.