1 Timotiu 5:21 - Sura Malelaha

²¹ Kuweiko lolita ide Timotiu bona nupeulai mpuu ope-ope hawangku, hai ineeko mampopontani tauna. Pue Ala hai Kerisitu Yesu hai malaekaNa au tepilei mampetiroke.

1 Timotiu 5:21 Mawu Ofanana

Matiu 16:27

Hambela tempo Iko Ana Manusia ina maiNa hangko i suruga mampetudungia peawana tuwoNgku au himbela hai peawana tuwona UmaNgku. I tempo iti, bosa wori malaeka ina moulaNa, hai batena Kuhurungi babehianda ope-ope tauna.

Matiu 25:41

Roo indo, Kuuliangaahe au ntanda i kabeoNgku, ‘Padumokau hangko inde, ikamu au harara i UmaNgku! Mesuamokau i lalu api au rore liliu, au rapasilolonga mewali pohukuanda Datu Tokadake hai hinangka malaekana.

Matiu 28:20

hai nipaturomohe bona mampeulaihe hinangkana au Kuhawaamokau. Hai bona niisa, ina Kuporangaikau duuna hawe i kahopoa dunia ide.”

Lukasi 20:21

Kahawenda i Yesu, rauliangaa, “Guru, kiisa katouna lolitaMu hai ope-ope paturoMu. MepaturoKo i katou-touana moula peundeana Pue Ala, hai baraKo mampopontani tauna.

Lukasi 9:26

Hema au maea mopangaku peulana Iriko hai mampokaea paturoNgku, Iko wori ina maea mopangaku kaiana topeulaNgku i kahaweNgku hule hangko i suruga. I tempo iti, Iko, Ana Manusia, ina mendaulu mai hangko i suruga, hai ina meawaNa anti kuasaNgku hai kuasana UmaNgku hai peawanda malaeka au malelaha.

2 Korintu 5:16

Mewali, ido hai barapongkai mampeita tauna moula apa au raita i raoa. Hangkoia kiuli, Kerisitu manusia biasa pea, agaiana ide-ide barapi nodo pekiringki.

1 Tesalonika 5:27

I lalu kuasa au naweina Pue Yesu, kuuliangaakau bona sura ide rabasa i lindonda ope-ope halalunta hampepepoinalai au arahe inditi.

1 Timotiu 6:13

Mewali Timotiu, i lindona Pue Ala au mopatuwo hinangkana, hai i lindona Kerisitu Yesu au mopahawe notoNa i Pontiu Pilatu kuuliangaako:

2 Timotiu 2:14

Timotiu! Ope-ope au kuuli ide hangangaa nupopaingaahe to sarani au ara inditi. Nuweihe lolita i lindona Pue Ala bona ineehe mampombehanaingi rara mpoagama. Lawi pombehahanai iti bara mobundu i lalu katuwonta, agaiana mopakarugi pea pepoinalainda tauna au mohadi.

2 Timotiu 4:1

Timotiu! Paturongku ide kupahawe hangko i lalungku mpuu. Ane hawe hulemi Pue Yesu i dunia ide, Ia ina moparenta nodo hadua Datu, hai mobotusi kara-karanda ope-ope tauna, maroa au tuwo manihe, maroa au matemohe. Ido hai i lindona Pue Ala hai Kerisitu Yesu kuweiko lolita ide:

Yakobu 3:17

Agaiana tauna au molambihe kanoto lalu hangko i Pue Ala, node babehianda: malelaha lalunda, raunde mohintuwu hai ranganda, maalusu poantinda, matunduhe hai motulungi peamohe tauna. Maroa babehianda, barahe mampopontani tauna hai poantinda moula kabulana lalunda.

2 Peturu 2:4

Mogalorihe malaeka au madosa hangkoia, barahe nakabaha Pue Ala hangko i pehuku. Malaeka iti batenda Natende i lalu naraka hai Nataha i lalu kalolu tampo au makaindi duuna hawe alo pebotusi.

Yudasi 1:6

Nikatuinao wori malaeka au maida i suruga hangkoia. Hantangahe moliungi tampana kuasanda, hai mopalehihe paidaanda. Malaeka iti nahiluhe Pue Ala hai rante au bara mpuu peisa mabotu, hai Natahahe i lalu paidaa au makaindi, hai ina Nataha liliuhe duuna hawe tempona hinangka kara-karanda Napohuda-hudaa i alo pebotusi au mewulungai.

Pampetudungia 14:10

tauna iti ina napaenuhe Pue Ala hai paenu au mapai ntepuu. Lempona, ina nakarumpui mpuuhe Pue Ala, hai bara ara kamaluluna laluNa irihira. Tauna iti ina rapopeahi-ahihe i lalu api au mahile i lindonda malaeka au malelaha hihimbela hai Ana Dimba iti.