1 Timotiu 5:19 - Sura Malelaha

¹⁹ Ane ara hadua penatua au rasalai tauna, inee hoholiga nudoko pesalainda. Ane arami rodua ba talu sabi au mopakanoto katouna kamasalana, hangko peisari nudoko.

1 Timotiu 5:19 Mawu Ofanana

Matiu 18:16

Agaiana ane bara naunde mampeulai lolitamu, nukakio hadua ba rodua tauna nuporanga mopahawe lolitamu iria. Lawi i lalu Sura Malelaha hangkoia teuki node: ‘Ane ara tauna au rasalai, hangangaa ara rodua ba talu tauna au mosabiki katouna kamasalana, bona manoto kara-karana.’

Yohane 18:29

Mewali, Gubernur Pilatu laomi i raoa mampohidupaahe hai napekunehe, “Apa au nisalaia tauna ide?”

Yohane 8:17

I lalu Sura Aturami ara teuki node, ‘Ane ara rodua sabi au himbela lolitanda, posabinda iti hangangaa rapoinalai.’

Suro 11:30

Kateguluna doi iti, motudumohe Baranaba hai Saulu au rapoinalaia moanti doi iti lao i penatua i Yerusale.

Suro 25:16

Agaiana kuhanaihe node: moula aturanda to Roma, tauna au rasalai bara mani peisa rahuhu i iwalina, ane bara mani rapohuda-hudaa kara-karana hai rapopombelindo hai tauna au mosalai. Ia hangangaa rawei wori tempo mopahawe notona.

2 Korintu 13:1

Masilolongamona ina lao mosondakikau i kataluna belana. Nikatuinao apa au teuki i lalu Sura Malelaha au manguli, “Ane ara hadua tauna au rasalai, hangangaa ara rodua ba talu tauna au mosabiki katouna kamasalana bona manoto kara-karana.”

1 Timotiu 4:14

Ineeko mokabaha bagomu au hangangaa nupopolumao moula kapande au naweiko Inao Malelaha. Kapande iti raweiko i temponda penatua moona taienda hangkoia i tanoanamu mopahawe lolita hangko i Pue Ala kana irio.

1 Timotiu 5:17

Penatua au maroa pobagonda, hintoto mpuuhe rawei peadai au rombela hangko i tauna ntanina, pelumbunami penatua au mepaturo hai au mopahawe Ngkorana Pue.

Titu 1:6

Hai tauna au raangka mewali penatua, hangangaa tauna au bara ara au peisa rasalaia, au hadua pea towawinena; anana hangangaa mepoinalai wori i Kerisitu hai barahe makasara hai barahe mearoha.

Ibarani 10:28

Hangkoia ane ara hadua tauna au mosapuaka Aturana Musa hai arahe rodua ba talu tauna au mosabiki katouna kamasalana, bara ara ampungiana, batena rahuku mate.