1 Timotiu 5:17 - Sura Malelaha

¹⁷ Penatua au maroa pobagonda, hintoto mpuuhe rawei peadai au rombela hangko i tauna ntanina, pelumbunami penatua au mepaturo hai au mopahawe Ngkorana Pue.

1 Timotiu 5:17 Mawu Ofanana

Matiu 24:25

Nikatuinao! Kuuliangaa amimokau ope-ope iti hangko damani mewali.

Lukasi 10:7

Ane radokokau, ineekau melimba-limba. Maidakau i sou iti duumi meangka lao i boea ntanina. Niande hai nienu apa au raweikau lawi hintoto mpuu ane topobago molambi sarona.

Lukasi 12:42

Nahanai Pue Yesu, “Nipailalu ngkora pandiri ide: Ara hadua hawi au manoto laluna hai au peisa napoinalai ampuna. Ia naangka ampuna motosaengi hawi ntanina hai mourusi paandenda alo-alona.

Yohane 4:38

Kutudukau lao mepare i bonde au bara ikamu au motudai. Tauna ntanina au mantuda, ikamu au mampepare wua pobagonda.”

Suro 11:30

Kateguluna doi iti, motudumohe Baranaba hai Saulu au rapoinalaia moanti doi iti lao i penatua i Yerusale.

Suro 20:35

I paka-pakana, kupopaitaamokau noumbake hangangaa mobago bona motulungike ranganta au bara rabuku. Nikatuinao liliu lolitana Pue Yesu au manguli, ‘Morasimi tauna au mokira pane tauna au modoko.’ ”

Suro 28:10

Anti pebilanda tauna iti, raweingkai ngkaia anu-anunda. Hai i peangkaki, rabakuingkai, hai apa pea au kiparaluu raanti rawoli i lalu kapala tahi.

Roma 12:8

Tauna au molambi kapande mopakaroho laluna rangana, hangangaa napopolumao mpuu bago iti. Hema au mokira apa pea i hangka rangana, hangangaa nababehi hangko kabulana laluna. Hema au molambi kapande mewali tadulako, hangangaa mewali mpuu tadulako au madota. Hai hema au molambi kapande motulungi rangana au meahi-ahi, hangangaa natulungihe hangko i laluna au matana.

Roma 15:27

Iti rababehi mentumbu hangko i kamatanana lalunda. Hai hintoto mpuu ane tauna au barahe to Yahudi mokira-kiraahe to Yahudi anu-anu dunia, lawi hangko i to Yahudi iti, tauna au bara to Yahudi molambihe bakuna tanoananda.

Roma 16:12

Tabeangku wori i Tripena hai Triposa, au mobagohe i Pue Yesu, hai i Persis, au kupokaahi, au mobago mantimi wori i lalu bagona Pue.

1 Korintu 15:10

Agaiana anti kabulana laluna Pue Ala hai anti kaNatulungingku, ido hai raangkana mewali suroNa hawe ide-ide. Hai mobundu mpuu kabulana laluNa hai petulungiNa iriko. Lawi mepongka i karaangkaku, meliu pobagongku i Pue hangko i ope-ope surona Pue Yesu au ntanina. Ane rohongku pea haduduangku, bara kubuku mampopolumao bago iti agaiana anti kabulana laluNa Pue Ala hai anti kaNatulungingku, ido hai kubuku.

1 Korintu 16:16

bona niula paturonda hai paturonda ope-ope ranganda au mampopolumao liliu bagona Pue.

1 Korintu 3:9

Ikami hampopobago peangkai i lalu bagona Pue Ala, hai ikamu, halalu, peisakau rapandiri nodo bondena Pue Ala. Ikamu peisa worikau rapandiri nodo souna Pue Ala.

2 Korintu 6:1

Mewali, ikami ide, hampopobagongkai mopahawe NgkoraNa Pue Ala i tauna. Ido hai kiperapi mpuu halalu bona inee nikakahakei kamaroana laluna Pue Ala au nidokomi.

Galatia 6:6

Tauna au modoko paturo kana Ngkorana Pue Ala, hangangaa mampokiraia tauna au mepaturo, hangko i apa pea rasi ba pewati au nahumba.

Pilipi 2:16

i lalu pobambarimi Ngkora Marasa au mopaara katuwo maroa. Mewali halalu, ane nodo liliu babehiami, ina matana lalungku i kahawena hule Kerisitu, lawi babehiami iti ina mopakanoto kadana mbero-mbero pobagongku i olomi; ara mpuu wuana.

Pilipi 2:29

Mewali, hangangaa nidoko i katana lalumi nodo au nibabehi i ope-ope halalunta hampepepoinalai. Nibila wori ope-ope tauna au himbela poantinda hai ia.

Pilipi 4:3

Hai kuperapi irikamu rangangku hampopobago (Sunsugos) au tetida lalumi, nitulungi wohiraia towawine au rodua iti bona ineehe mosisala. Tangangku mani hihimbela hai ikamu, madotahe mamporangaina mopahawe Ngkora Marasa hihimbela hai Klemens hai rangangku au ntanina au hampopobago. Hanganda ope haha teuki i lalu Sura Ngkatuwo.

1 Timotiu 3:5

Lawi ane ara hadua tauna au bara naisa mokadipura tauna i lalu souna, noumbami kanabukuna mokadipura halaluna hampepepoinalai.

1 Timotiu 4:10

Ido hai hangangaa mobago mantimike, lawi mepoinalaike i Pue Ala au tuwo i hae-haena hai au mohorema ope-ope tauna, ihira au mepoinalai Iria.

1 Timotiu 4:14

Ineeko mokabaha bagomu au hangangaa nupopolumao moula kapande au naweiko Inao Malelaha. Kapande iti raweiko i temponda penatua moona taienda hangkoia i tanoanamu mopahawe lolita hangko i Pue Ala kana irio.

1 Timotiu 4:16

Poantimu hangangaa nukampai, hai paturomu hangangaa manoto. Nupobago liliu ope-ope iti bona molambiko katehorema, hihimbela hai tauna au mampehadingi paturomu.

1 Timotiu 4:6

Ane ope-ope paturo ide nupaturoahe halalunta hampepepoinalai, ina mewaliko hawina Kerisitu Yesu au maroa. Hai ina maroho mpuu lalumu anti Ngkorana Pue Ala au tapoinalai hai paturo au maroa au nupeulaimi.

1 Timotiu 5:19

Ane ara hadua penatua au rasalai tauna, inee hoholiga nudoko pesalainda. Ane arami rodua ba talu sabi au mopakanoto katouna kamasalana, hangko peisari nudoko.

1 Timotiu 5:3

Ane arahe towawine au bemba, au meahi-ahi mpuu tuwonda, hangangaa tabila hai takadipura wohiraia.

2 Timotiu 2:6

Hai tauna au mampopolumao bagona Pue peisa rapandiri nodo hadua topobonde. Ane ia madota mobago, batena ia au nguru-nguruna moande wua tuda-tudana.

2 Timotiu 4:2

Hangangaa masilolonga peamoko mopahawe Ngkorana Pue Ala i tempo au maroa ba i tempo mapari. Nukambaroahe au moanti paturo au sala, nukontohe au kadake babehianda, hai nupakaroho lalunda bona maroa babehianda. Hangangaa sabara liliuko mopaguruhe.

Ibarani 13:17

Nipeulaimi hawanda tadulakomi hai mengkorukau irihira. Lawi ihira au mokadipura katuwomi, hai au hangangaa mohanaihe Pue Ala kana i pobagonda. Nipeulai hawanda bona matanahe mobago. Ane bara nipeulai hawanda, ina masusa lalunda, hai ane nodo barapi ina ara pobunduana irikamu.

Ibarani 13:24

Nipahaweangkai tabeangki i ope-ope tadulakomi hai i ope-ope halalu hampepepoinalaimi inditi. Halalumi hampepepoinalai to Italia mopakatu worihe tabeanda irikamu.

Ibarani 13:7

Hangangaa nikatuinao liliuhe tadulakomi au mopahaweamokau Ngkorana Pue Ala. Nipeita noumba tuwonda hawe i kapatenda, hai nipeulai pepoinalainda.